Xitay teywen ishliri komitéti xongkongluq musteqilchilerning teywen ziyaritige naraziliq bildürdi

Muxbirimiz shöhret hoshur
2016.10.26

Xitayning teywen ishliri komitéti bayanatchisi en féngshen bügün xongkongdiki musteqilliq terepdari parlamént ezaliridin lyang sungxéng we yo xuyjénglarning teywende élip barghan ziyaritige naraziliq bildürgen.

Ularning teywen musteqilliqi heqqide jar séliwatqanliqini tilgha alghan bayanatchi “Teywendiki bir qisim musteqilchi küchler xongkongdiki musteqilchi küchler bilen bilen til biriktürüp junggoni parchilashqa urunuwatidu, biz buninggha qet'iy qarshi turimiz” dégen.

Yershari waqti gézitide xewer qilinishiche, xongkongning mezkur ikki parlamént ezasi 2 -öktebir küni teybéy uniwérsitétida “Xongkongning yerlik herikiti” dégen témida nutuq sözligen. Ular nutqida xongkongluqlarning öz teqdirini özi belgilesh hoquqi barliqini we bu hoquqtin héchqachan waz kechmeydighanliqini éytqan.

Xongkongning yash musteqilchi parlamént ezalirimu mushu ayning béshida taylandtiki bir uniwérsitétqa léksiyege dewet qilin'ghan, emma xitay terepning tosqunluqi bilen tayland chégrasidin qayturulghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.