Xoten wilayiti parixorluq we chiriklik bilen jazalanghan xitay emeldarliri eng köp chiqqan wilayetlerning biri bolup qalghan

Muxbirimiz qutlan
2017-01-07
Élxet
Pikir
Hembehr
Print
  • Print
  • Hembehr
  • Pikir
  • Élxet


28-Dékabir küni qariqash nahiyelik partkomgha aptomobilliq hujum qilish weqesining yüz bérishi chén chwengoning tibette qollanghan bir yürüsh idare qilish siyasetlirining uyghur élida aqmaydighanliqidin bisharet bermekte.

Xoten wilayiti uyghurlar nopusi mutleq üstünlükni igileydighan, uyghur éli boyiche weziyiti eng sezgür bir rayon bolushigha qarimay, bu yerdiki yoqiri qatlam xitay emeldarliri arisida «parixorluq», «chiriklik» we «intizamgha éghir xilapliq qilish» qilmishliri bilen jazalanghanlar eng köp körülgen wilayet bolup qalghan.

Qaraqashta weqe yüz bérip, aridin bir hepte ötmeyla, xoten wilayetlik partkomning sékritari jang jinbyaw bilen qariqash nahiyelik partkoning sékritari xu jün wezipisidin élip tashlanghan.

Xitay merkizi intizam tekshürüsh komitétining bu heqte chiqarghan uqturushida xotendiki yoqiri derijilik bu ikki neper xitay emeldarining «partiye intizamigha éghir derijide xilapliq qilghanliqi we xizmet mesuliyitini yaxshi orundiyalmighanliqi» üchün wezipisidin qaldurulghanliqi we tutup turup tekshürüliwatqanliqi bildürülgen.

Ötken yili 12-Ayning axiri uyghur aptonom rayonluq intizam tekshürüsh komitéti uqturush chiqirip, xoten wilayetlik memuriy mehkimining muawin waliysi, qoshumche guma nahiyelik partkomning sékritari shén yining «intizamgha éghir derijide xilapliq qilish» jinayiti bilen tutup turup tekshürüliwatqanliqini bildürgen idi.

Undin bashqa, xitay taratquliri yene bu yil 4-Ayda xoten sheherlik partkomning sékritari chén ywenxwaning «intizamgha éghir derijide xilapliq qilish» jinayiti bilen jazalanghanliqini xewer qilghan idi.

Muhajirettiki siyasiy analizchilar, uyghur diyarida délo turghuzulup tekshürüliwatqan xitay emeldarlirining «parixorluq» we «chiriklik» ke, emma yerlik uyghur emeldarlarning bolsa «siyasiy meydan» mesilisige chétiliwatqanliqini ilgiri sürmekte.

Toluq bet