Йеқинқи 10 күн ичидә уйғур елиниң үч наһийәсидә охшимиған дәриҗидә йәр тәвригән
2017.01.30
Хитай таратқулириниң хәвәр қилишичә, 1-айниң 20-күнидин бүгүнгичә болған 10 күн җәрянида уйғур аптоном райониниң үч йеридә охшимиған дәриҗидә йәр тәвригән.
Җуңго йәр тәврәшни көзитиш истансисиниң өлчәп бекитишичә, 20-январ үрүмчи вақти саәт 15:54 өткәндә, йәкән наһийәсидә 4.8 Бал йәр тәвригән. Тәврәш мәнбәсиниң чоңқурлуқи 7 километир болған. Бу қетимлиқ йәр тәврәшниң күчлүк сезими қәшқәр билән атуш шәһәрлиридә һәмдә мәкит, маралбеши, қәшқәр йеңишәһәр, поскам, йопурға вә пәйзават қатарлиқ наһийәләрдиму көрүнәрлик һес қилинған.
Шуниңдин кейин йәнә 1-айниң 28-күни әтигәндә куча наһийәсидә 3.0 Бал йәр тәвригән болуп, тәврәш мәнбәсиниң чоңқурлуқи 7 километирға йәткән. 1-Айниң 30-күни үрүмчи вақти саәт 8:59 өткәндә, хотән вилайитиниң гума наһийәсидиму 3.1 Бал йәр тәвригән болуп, тәврәш мәнбәсиниң чоңқурлуқи 9 километир болған.
Һазирға қәдәр хитай таратқулири юқириқи җайларда йүз бәргән йәр тәврәш апитидә адәм өлгәнлики яки аһалиләрниң мал-мүлкигә зиян йәткәнлики һәққидә һечқандақ хәвәр бәрмиди.