Xitayda «ziyanliq uchur» tarqatqan tor betlerni taqash manéwiri ötküzülgen

Muxbirimiz irade
2017-08-04
Élxet
Pikir
Hembehr
Print
  • Print
  • Hembehr
  • Pikir
  • Élxet

Roytérs agéntliqining xewer qilishiche, xitay dairiliri peyshenbe küni intérnét mulazimetlirini atalmish «ziyanliq uchur» tarqatqan tor betlerni derhal taqap qoyushni meshiq qilidighan mexsus manéwirgha orunlashturghan.

Xewerde éytilishiche, xitaydiki intérnét uchur merkezliri we intérnét mulazimet shirketliri üch saet boyiche «jiddiy inkas qayturush» manéwiri qilghan bolup, xitayning jamaet xewpsizlik ministirliqi bu manéwirning-19 Qurultaydin burunqi intérnét bixeterlikini kücheytish we kichik tiptiki tor betlerning ziyanliq uchurlarni tarqitishining aldini élish üchün élip bérilghanliqini bildürgen.

Manéwirda tor betlerdiki atalmish «ziyanliq uchurlarni» qandaq qilip eng téz sürette öchürüwétish, tor betni taqash, we bu tor betning IP adrési we orni qatarliq uchurlar bilen birlikte saqchigha melum qilish qatarliqlar meshiq qilinghan.

Xitay kompartiyisi üchün intayin halqiliq dep qariliwatqan 19-Qurultay harpisida xitaydiki intérnét tori we türlük alaqe wasitilirige qaritilghan qamalning yenimu ashurulghanliqi melum. Biraq, xitayning intérnét-Uchur bashqurush idarisi we jamaet xewpsizlik ministirliqi royétérs muxbirining bu heqtiki soaligha jawab bérishni ret qilghan.

Uyghur intérnét közetküchilirining éytishiche, emeliyette uyghur diyarida intérnét torlirigha bolghan qamal alahide yuqiri bolup, bir qanche yildin buyan tarqitilip kéliwatqan «baghdash», «izdinish», «misranim» qatarliq köp sandiki uyghur tor betliri hazir taqiwétilip, uyghur tor betliri we bloglirining sani az qalghan.

Toluq bet