Guma pichaqliq hujum weqesining tepsilati ashkarilandi (1)

Muxbirimiz shöhret hoshur
2017.02.22
guma-qarshiliq-herbiy-5.jpg Guma pichaqliq hujum weqesidin kéyin xoten tewesige kirgüzülgen bronéwiklardin biri. 2017-Yili féwral.
ts.cn

Hujumchilar guma pichaqliq hujumini doxturxanidin chiqip we étizidin qaytip élip barghan

Ashkarilinishiche, 14 ‏- féwral küni guma nahiyiside yüz bergen pichaqliq hujum ömer abduraxman, memtimin abduraxman we exmet éli qatarliq 3 kishi teripidin élip bérilghan. Weqe yüz bérishtin 2 sa'et burun parnikqa su tutush üchün étizliqqa barghan ömer abduraxman özlirining saqchilar teripidin chaqirtilghanliqidin xewer tapqan we étiz béshidin qaytqan. U, bu ehwalni doxturxanida dawaliniwatqan dosti exmet elige bildürgen. Exmet éli bilikidiki okulni yulup tashlap doxturxanidin chiqip ketken. Aridin bir sa'et ötkende yeni saqchilar teripidin izdiliwatqan pursette bu 3 sepdash motsiklit bilen guma bazirida peyda bolup, mezkur hujumni élip barghan. Hujumda baj idarisining bir xadimi we nahiyilik intizam tekshürüsh komitéti sékrétarining ayali qatarliq 6 neper xitay köchmen ölgen. Hujumchilar neq meydanda étiwétilgen.

Mezkur hujumning kélip chiqishigha, bir kün awwal yéngi bazar kentide yüz bergen bir a'ile kishilirining atalmish qanunsiz topliship namaz oqushi, bu ibadetni kent xizmet guruppisining qopalliq bilen tosushi we saqchi chaqirip kélishi seweb bolghan. Bu heqtiki melumatlar etiki programmimizda bérilidu.

Yuqiridiki awaz ulinishidin bügünki programmining tepsilatini anglighaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.