Misirdin heydelgen oqughuchi abdulla qarihaji: bir uniwérsitétni püttürgendek boldum

Muxbirimiz shöhret hoshur
2017-10-24
Élxet
Pikir
Hembehr
Print
  • Print
  • Hembehr
  • Pikir
  • Élxet
Ürümchi, yeken qatarliq jaylarda partlash yüz bergendin kéyin, xitay saqchilirining uyghurlarni tutqun qiliwatqan körünüshi. 2014-Yili 27-may, xoten.
Ürümchi, yeken qatarliq jaylarda partlash yüz bergendin kéyin, xitay saqchilirining uyghurlarni tutqun qiliwatqan körünüshi. 2014-Yili 27-may, xoten.
Oqurmen teminligen

Korladiki yépiq terbiyelesh merkezliri heqqide ehwal éniqshlishimiz dawamida tutqunlardin birining ilgiri ürümchide islam uniwérsitétini püttürgen andin döletning yardimi bilen misirda ezher uniwérsitétini oqup kelgen rexmutulla abliz ikenliki ashkarilandi. Ezher uniwérsitétidin ayrilghan, nöwette türkiyede yashawatqan abdulla qarihaji, rexmutlla ablizning tutqun qilinishi heqqide tesiratini bayan qilip, bu qétim misirdiki uyghur oqughuchilarning tarqitiwétilish weqesining özige we sabiq sawaqdashlirigha köp we qimmetlik derslerni ögetkenlikini tilgha aldi.

Korladiki yépiq terbiyelesh merkezliri heqqide ehwal éniqlishimiz dawamida korlaning qara yulghun yéza arabughra kentidin tutqun qilin'ghan chet'elge chiqip kirgen 13 kishidin birining misirda oqup kelgen rexmutulla abliz ikenliki ashkarilandi. Biz rexmutulla ablizning ezher uniwérsitétidiki tesiri we hayatining qandaq ötkenliki heqqide alaqidar kishilerdin melumat igiliduq.

Ezherdin bu yil ayrilghan ikki sabiq oqughuchi so'allirimizgha élxet arqiliq jawab bérip, rexmutulla abliz isimlik birini anglap baqmighanliqini éytti. Ezher uniwérsitétidin bultur ayrilghan we nöwette türkiyede yashawatqan abdulla qarihaji, rexmutulla ablizning tutulushi we ezher uniwérsitétidiki oqughuchilarning tarqitiwélishi heqqide öz tesiratini töwendikiche bayan qildi.

-Bundaq bir isimni anglap baqmighankenmen. Weten'ge qaytqanda awarichiliktin saqlinish üchün mektepte ismini we turalghusini yoshurghan, jama'ettin özini chetke tartip yürgen birmunche oqughuchilar bar idi؛ ular siyasetke arilashmasliq, jama'ettin uzaq tursaq aman qalimiz dep xiyal qilghanlar idi, bu yilqi shamal bu xam -xiyallarni bikar qildi. U bala belkim shulardin biri bolushi mumkin.

-Démek, eger aktipraq biri bolsa, bolup islam uniwérsitétini oqup kelgen biri bolsa tonushingiz mumkinti, shundaqmu?
-Del shundaq bu yil, ezherde oqup jim yürgenla emes, chet'elge oynap chiqqanlarningmu hemmisi qamaqta. Bu yilqisi bek chong weqe bop ketti, jiq nersilerni ögitewetti bizge. Qisqisi, wetenning némilikini, hakimiyetning némilikini, dostning némilikini, düshmenning kimlikini, ensarining némilikini heqiqeten tonup yettuq. Weten üchün ejdadlirimiz jiq küresh qiptu, bedel töleptu, emma biz yéterlik oyghanmaptuq. Jem'iyette qoshnilar ara bir métir pasil taliship ölüm weqeliri kélip chiqti, mushuning ornigha xitaydin chégra talashqan bolsaq, béshimizgha bunche künler kelmesti. Démek misir weqesi bilen béshimdin ötküzgen chet'eldiki sersanliq we wetendiki weziyettin anglighanlirimgha asasen, bir uniwérsitétni püttürgendek ders aldim, bashqilarmu shundaq dep oylaymen.

Yuqirida ezher uniwérsitétidin korligha qaytqan rexmutulla ablizning qamaqqa élin'ghanliqi we bu weziyetke alaqidar ezher uniwérsitétining sabiq oqughichisi abdulla qarihajining tesirati heqqide anglitish berduq.

Toluq bet