Pakistandiki ömer Uyghur wexpining qurban héytliq xeyri saxawiti dawamlashmaqta
2016.09.15
Pakistan rawalpindi shehiridiki ömer Uyghur weqpi uzundin buyan özining türlük siyasiy we ijtima'iy pa'aliyetliri bilen muhajirettiki Uyghur jama'itige tonulush bilen birge, her yili ramizan we qurban héyt bayramlirida élip bériwatqan xeyri saxawet yetküzüsh pa'aliyiti bilenmu pakistandiki jümlidin chet'ellerdiki Uyghurlarning alqishigha érishmekte.
Igilishimizche, 13-séntebirdin bashlap pakistanning rawalpindi shehiridiki ömer Uyghur weqpi qurban héyt munasiwiti bilen Uyghurlargha xeyri saxawet yetküzüsh pa'aliyitini bashlighan bolup, ular héytning birinchi küni pakistanning taghliq rayoni bolghan gilgit shehiridiki we afghanistandiki bir qisim Uyghurlargha özlirining qurban héytliq méhri saxawitini yetküzgen.
Qurban héytning ikkinchi künidiki xeyri saxawet pa'aliyitige jiddiy teyyarliq körüwatqan ömer Uyghur wexpining mes'uli ömerjan ziyaritimizni qobul qilip özlirining uzundin buyan héyt - bayramlarda bu xildiki xeyri saxawet pa'aliyitini élip bériwatqanliqi we buningdin kéyinmu dawamliq halda élip baridighanliqi toghrisida toxtaldi.
Pakistandiki ömer Uyghur wexpining bügünki bu pa'aliyitige ishtirak qiliwatqan memetjan ependi pa'aliyet heqqide toxtaldi.
Ömer Uyghur wexpining xadimliridin ekber ziyaritimizni qobul qilip türkiyening i x x insaniy yardem wexpining maddiy yardimi bilen élip bériliwatqan xeyri saxawet pa'aliyitining pakistanda yalghuz Uyghurlarghila emes, belki yerlik xelqlergimu ortaq halda élip bérilidighanliqini we shundaqla bu pa'aliyetning yene bir qanche kün dawam qilidighanliqini bildürdi.
Ziyaritimizni qobul qilghan rawalpindidiki Uyghurlardin memet tursun ependi ömer Uyghur wexpining bu xildiki saxawet pa'aliyitidin pakistandiki Uyghurlarning tolimu memnun boluwatqanliqini ilgiri sürdi.
Melum bolushiche, pakistandiki ömer Uyghur weqpi yéqinda afghanistanning mazar sherif shehiride mexsus ishxana tesis qilip, afghanistandiki Uyghurlarning ana tilini öginishige we ularning türlük medeniy pa'aliyetlirige yardemlerde bolushqa bashlighan.
Yuqiriqi awaz ulinishidin tepsilatini anglang.