Onsu chaghraqtiki Uyghur er-ayal diniy étiqadi ushtumtut küchiyip ketkenliki üchün qamaqqa élin'ghan

Muxbirimiz shöhret hoshur
2016.05.06
toppa-yaghliq-saqal-ramzan.jpg Xitay da'irilirining Uyghurlargha qaratqan türlük bésimi we diniy étiqad cheklimiliri Uyghurlarni chüshkünleshtürmekte. 2009-Yili 17-iyul, ürümchi.
AFP

Melum bolushiche, onsu chaghraqtiki yerlik da'iriler chaghraqning 2‏-kentidiki turdi tunyaz we ayali gülmire iminning diniy étiqadida ushtumtut küchiyish bolghanliqini bayqighanliqi üchün, diniy esebiylik gumani bilen ularning péyigha chüshken we nazaret astigha alghan.

Mezkur er-ayal awarichiliktin qutulush üchün gu'angdung ölkisige kétip tirikchilik qilghan. Buningdinmu xatirjem bolalmighan da'iriler gülmire nur we turdi tunyazni bultur mayda gu'angdungdin tutup ekélip qamaqqa tashlighan. Chaghraqtiki bir amanliq mudirining ashkarilishiche, nöwette bu er-ayal aqsuning onsu qamaqxanisida ene shu atalmish jinayitige qarita jaza hökümini kütmekte.

Yéqinda Uyghur rayonidiki bir adwokatlar torida da'iriler teripidin tüzülgen diniy esebiylikning 101 xil alamiti namliq bir qollanma élan qilin'ghan.

Bu qollanmida turmush sheklide ushtumtut özgirish bolush, yeni ushtumtut haraq tashlashmu diniy esebiylikning alamiti qilip békitilgen. Biz eyni chaghda bu heqte xitay hökümet orunlirigha téléfon qilghinimizda, da'iriler bundaq bir höjjet yaki qollanmining barliqi heqqide gep qilishtin özlirini qachurushqan idi.

Onsu chaghraqtiki gülmire nur we turdi tunyazlarning yuqiriqi ehwali mezkur qollanmining Uyghur rayonida yaki rayonning bezi jaylirida resmiy shekilde ijra qiliniwatqanliqini ashkarilimaqta.

Yuqiridiki awaz ulinishidin tepsilatini anglighaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.