Korla yerlik dairiliri: «‹quran kerim› we jaynamazlarni teltöküs dégüdek yighip bolduq»

Muxbirimiz shöhret hoshur
2017-09-26
Élxet
Pikir
Hembehr
Print
  • Print
  • Hembehr
  • Pikir
  • Élxet
Xitay dairilirining uyghurlargha qaratqan türlük bésimi we diniy étiqad cheklimiliri uyghurlarni chüshkünleshtürmekte. 2009-Yili 17-Iyul, ürümchi.
Xitay dairilirining uyghurlargha qaratqan türlük bésimi we diniy étiqad cheklimiliri uyghurlarni chüshkünleshtürmekte. 2009-Yili 17-Iyul, ürümchi.
AFP

Birqanche kündin béri ijtimaiy axbarat wasitiliride uyghur aptonom rayonidiki melum bir ahaliler rayoni teripidin chiqirilghan özini ashkarilash yighini heqqidiki awazliq uqturush tarqaldi. Uqturushta ahaliler düshenbe küni échilidighan özini ashkarilash yighinigha qatnishishqa we qolliridiki «quran kerim» we jaynamazlarni derhal tapshurushqa buyrulghan.

Muxbirimiz uqturushtiki yip uchlirigha asasen korla shehirige tewe alaqidar orunlargha téléfon qildi. Yerlik dairiler öz tewelikliride «quran kerim» we jaynamazlarning teltöküs dégüdek yighilip bolghanliqi, buning 4-5 Aydin béri dawamlishiwatqanliqi, nöwettiki özini ashkarilash yighinlirida peqet az birqisim qalduq matériyallarni yighiwatqanliqini bayan qildi.

Aldinqi künidin buyan ijtimaiy taratqularda tarqalghan awazliq uqturushning aqsuning shayar yaki korla tewesidiki melum bir ahaliler komitétigha tewe ikenliki texmin qilinmaqta. Tordiki bu heqtiki inkaslarda uqturushta tilgha élinghan kangdo mehellisining korla sheher saybagh ahaliler rayonigha tewe ikenliki tilgha élinghan. Biz buninggha asasen mezkur tewlikke téléfon qilduq. Alaqidar xadimlar kangdo mehellisining qurulush yoli ahaliler rayonigha tewe ikenlikini bayan qildi. Kangdo mehelle bashqarmisidiki xadimlar «özini ashkarilash yighini» ning échilghanliqliqini bayan qilghan bolsimu, emma tepsilati heqqide melumat bermidi.

Korla qara yulghundiki ikki kent sékrétari öz tewelikide «quran kerim» we jaynamazni yighishning 4-5 Aydin béri dawam qiliwatqanliqini we axirqi basquchqa kelgenlikini bildürdi. Ularning bildürüshiche, yalghuz «quran kerim» la emes, belki dölet ichi-Sirtida qanunluq-Qanunsiz bésilghan barliq barliq diniy matériyallar yighilghan؛ bu matériyallar omumyüzlük yighiwélinip, bir qatar inchike tekshürüsh élip bérilghandin kéyin, matériyallarning toghra-Xatasi ayrilip, dölet bixterlikige tehditi yoq dep qaralghanliri tarqitilidu. Kent sékrétarliridin biri öz kentidin 4-5 Ming dane diniy kitab, zhurnal we qollanmining hemde 500 din artuq jaynamazning yighiwélinghanliqini pash qildi. Qara yulghun kent sékrétari yene öz kentidiki meschit imamining öyidinla 12 yeshik kitab yighiwélinghanliqini bayan qildi.

Toluq bet