ﺋﺎﯞﺳﺘﺮﺍﻟﯩﻴﻪ ﮔﯘﻩﻧﺘﺎﻧﺎﻣﻮﺩﯨﻜﻰ ﺋﯘﻳﻐﯘﺭﻻﺭﻧﻰ ﻗﻮﺑﯘﻝ ﻗﯩﻠﯩﺶ ﺋﯩﻠﺘﯩﻤﺎﺳﯩﻨﻰ ﺋﻮﻳﻠﯩﺸﯩﺪﯗ

ﺋﻮﺑﺎﻣﺎ ﻫﯚﻛﯜﻣﯩﺘﻰ ﺋﺎﯞﺳﺘﺮﺍﻟﯩﻴﻪ ﻫﯚﻛﯜﻣﯩﺘﯩﺪﯨﻦ ﮔﯘﻩﻧﺘﺎﻧﺎﻣﻮ ﺗﯜﺭﻣﯩﺴﯩﺪﯨﻜﻰ 17 ﻧﻪﭘﻪﺭ ﺋﯘﻳﻐﯘﺭﻧﯩﯔ ﺑﯩﺮ ﻗﯩﺴﻤﯩﻨﻰ ﻗﻮﺑﯘﻝ ﻗﯩﻠﯩﺸﯩﻨﻰ ﺗﻪﻟﻪﭖ ﻗﯩﻠﻐﺎﻥ ﺑﻮﻟﯘﭖ، ﻛﺎﻧﺒﯧﺮﺭﺍ ﻫﯚﻛﯜﻣﯩﺘﻰ ﺋﻮﺑﺎﻣﺎﻧﯩﯔ ﻣﻪﺯﻛﯘﺭ ﺋﯩﻠﺘﯩﻤﺎﺳﯩﻨﻰ ﺋﻮﻳﻠﯩﺸﯩﭗ ﻛﯚﺭﯨﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

ﺳﺎﺑﯩﻖ ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﻰ ﺑﻮﺵ ﻫﯚﻛﯜﻣﯩﺘﻰ ﻣﻪﺯﮔﯩﻠﺪﻩ ﺋﺎﻣﯧﺮﯨﻜﺎ ﺩﺍﺋﯩﺮﯨﻠﯩﺮﻯ ﮔﯘﻩﻧﺘﺎﻧﺎﻣﻮﺩﯨﻜﻰ ﺋﯘﻳﻐﯘﺭﻻﺭﻧﻰ ﻗﻮﺑﯘﻝ ﻗﯩﻠﯩﺸﻨﻰ ﺗﻪﻟﻪﭖ ﻗﯩﻠﯩﭗ، ﺋﺎﯞﺳﺘﺮﺍﻟﯩﻴﻪ ﻫﯚﻛﯜﻣﯩﺘﯩﮕﻪ 2 ﻗﯧﺘﯩﻢ ﺋﯩﻠﺘﯩﻤﺎﺱ ﺳﯘﻧﻐﺎﻥ ﺋﯩﺪﻯ. ﻟﯧﻜﯩﻦ ﺋﺎﯞﺳﺘﺮﺍﻟﯩﻴﻪ ﻫﯚﻛﯜﻣﯩﺘﻰ ﻫﻪﺭ ﺋﯩﻜﻜﯩﻼ ﻗﯧﺘﯩﻤﺪﺍ ﺑﻮﺵ ﻫﯚﻛﯜﻣﯩﺘﯩﻨﯩﯔ ﺋﯩﻠﺘﯩﻤﺎﺳﻨﻰ ﺭﻩﺕ ﻗﯩﻠﯩﭗ، ﺗﯘﺗﻘﯘﻧﻼﺭﻧﻰ ﻗﻮﺑﯘﻝ ﻗﯩﻼﻟﻤﺎﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ ﺋﯩﺪﻯ.

ﺑﯘ ﻗﯧﺘﯩﻤﻘﯩﺴﻰ ﺋﻮﺑﺎﻣﺎ ﻫﯚﻛﯜﻣﯩﺘﯩﻨﯩﯔ ﺋﺎﯞﺳﺘﺮﺍﻟﯩﻴﯩﮕﻪ ﺳﯘﻧﻐﺎﻥ 3 - ﻗﯧﺘﯩﻤﻠﯩﻖ ﺋﯩﻠﺘﯩﻤﺎﺳﻰ ﺑﻮﻟﯘﭖ، ﺋﺎﯞﺳﺘﺮﺍﻟﯩﻴﻪ ﻫﯚﻛﯜﻣﯩﺘﻰ ﺑﯘ ﻗﯧﺘﯩﻢ ﺋﻮﺑﺎﻣﺎ ﻫﯚﻛﯜﻣﯩﺘﯩﻨﯩﯔ ﺋﯩﻠﺘﯩﻤﺎﺳﯩﻐﺎ ﺑﯩﺮ ﻗﻪﺩﻩﺭ ﺋﯩﺠﺎﺑﯩﻲ ﺋﯩﻨﻜﺎﺱ ﻗﺎﻳﺘﯘﺭﯗﭖ، ﺋﯘﻳﻐﯘﺭﻻﺭﻧﻰ ﻗﻮﺑﯘﻝ ﻗﯩﻠﯩﺶ ﻣﻪﺳﯩﻠﯩﺴﯩﻨﻰ ﺋﻮﻳﻠﯩﺸﯩﺪﯨﻐﺎﻧﻠﯩﻘﯩﻨﻰ، ﻟﯧﻜﯩﻦ ﻫﻪﺭ ﺑﯩﺮ ﻛﯩﺸﯩﻨﯩﯔ ﻣﺎﺗﯧﺮﯨﻴﺎﻟﯩﻨﻰ ﺋﺎﻳﺮﯨﻢ - ﺋﺎﻳﺮﯨﻢ ﻛﯚﺭﯛﭖ ﭼﯩﻘﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

ﺗﺎﻻﻧﺘﻠﯩﻖ ﻳﺎﺵ ﻳﺎﺯﻏﯘﭼﻰ ﻫﯜﺳﻪﻳﯩﻦ ﺗﺎﺵ ﯞﺍﭘﺎﺕ ﺑﻮﻟﺪﻯ

ﺗﻮﻧﯘﻟﻐﺎﻥ ﻳﺎﺵ ﻳﺎﺯﻏﯘﭼﻰ ﻫﯜﺳﻪﻳﯩﻦ ﺗﺎﺵ 30 - ﻣﺎﻱ ﻛﯜﻧﻰ ﻛﯧﭽﻪ ﺳﺎﺋﻪﺕ 2 ﺩﻩ ﺋﺎﺷﻘﺎﺯﺍﻥ ﺭﺍﻛﻰ ﺑﯩﻠﻪﻥ ﺩﺍﯞﺍﻻﺵ ﺋﯜﻧﯜﻡ ﺑﻪﺭﻣﻪﻱ ﺋﯜﺭﯛﻣﭽﯩﺪﻩ ﯞﺍﭘﺎﺕ ﺑﻮﻟﺪﻯ.

ﺗﺎﺵ 90 - ﻳﯩﻠﻼﺭﺩﯨﻦ ﻛﯧﻴﯩﻦ ﺋﯘﻳﻐﯘﺭ ﺋﻪﺩﻩﺑﯩﻴﺎﺗﯩﺪﺍ ﻧﺎﻫﺎﻳﯩﺘﻰ ﺗﯩﺰ ﻛﯚﺯﮔﻪ ﻛﯚﺭﯛﻧﮕﻪﻥ ﺗﺎﻻﻧﺘﻠﯩﻖ ﻳﺎﺵ ﻳﺎﺯﻏﯘﭼﯩﻼﺭﻧﯩﯔ ﺑﯩﺮﻯ ﺋﯩﺪﻯ.

ﺋﯘﻧﯩﯔ ﺋﻪﺳﻪﺭﻟﯩﺮﻯ ﺋﯘﻳﻐﯘﺭ ﺋﻮﻗﯘﺭﻣﻪﻧﻠﯩﺮﯨﻨﯩﯔ ﺑﻮﻟﯘﭘﻤﯘ ﺋﯘﻳﻐﯘﺭ ﻳﺎﺵ ﺋﻮﻗﯘﺭﻣﻪﻧﻠﯩﺮﯨﻨﯩﯔ ﺳﯚﻳﯜﭖ ﺋﻮﻗﯘﺷﯩﻐﺎ ﺳﺎﺯﺍﯞﻩﺭ ﺑﻮﻟﻐﺎﻥ ﺑﻮﻟﯘﭖ، ﺋﯘﻧﯩﯔ ﺋﻪﺳﻪﺭﻟﯩﺮﯨﮕﻪ ﺑﺎﻫﺎ ﺑﻪﺭﮔﯜﭼﯩﻠﻪﺭ "ﺋﯘﻧﯩﯔ ﭘﺮﻭﺯﺍ ﺋﻪﺳﻪﺭﻟﯩﺮﻯ ﺋﯘﻳﻐﯘﺭ ﺋﻪﺩﻩﺑﯩﻴﺎﺗﯩﺪﺍ ﺗﯧﮕﯩﺸﻜﻪ ﺑﻮﻟﻤﺎﻳﺪﯗ ﺩﻩﭖ ﻗﺎﺭﯨﻠﯩﭗ ﻛﯧﻠﯩﯟﺍﺗﻘﺎﻥ، ﺋﯘﻳﻐﯘﺭ ﺭﻭﻫﯩﻴﯩﺘﯩﻨﯩﯔ ﻧﺎﺯﯗﻙ ﻗﺎﺗﻼﻣﻠﯩﺮﯨﻐﺎ ﺑﯚﺳﯜﭖ ﻛﯩﺮﯨﭗ، ﺋﯩﭙﺎﺩﯨﻠﻪﺵ ﻗﯩﻴﯩﻦ ﺑﻮﻟﻐﺎﻥ ﻧﺎﺯﯗﻙ ﺗﯘﻳﻐﯘﻻﺭﻧﻰ ﭼﯩﺮﺍﻳﻠﯩﻖ ﺷﻪﻛﯩﻠﻠﻪﺭ ﺑﯩﻠﻪﻥ ﺋﯩﭙﺎﺩﯨﻠﻪﭖ ﺑﻪﺭﮔﻪﻥ،" ﺩﻩﭖ ﺗﻪﺭﯨﭙﻠﻪﺷﻜﻪﻥ ﺋﯩﺪﻯ.

ﺋﯘﻧﯩﯔ "ﻳﯩﻼﻥ ﻳﯩﻠﻠﯩﻖ ﻗﯩﺰ"،" ﻫﯧﻠﯩﻤﻨﯩﯔ ﻫﺎﻣﻤﯩﺴﻰ"، "ﺋﺎﻗﻘﯘ"، "ﺋﺎﺟﺮﯨﺸﯩﺶ ﺧﯩﺘﺎﺑﻨﺎﻣﯩﺴﻰ"، "ﻳﯩﺮﮔﯩﻨﯩﺶ"، " ﭼﯩﯖﻘﻰ ﭼﯜﺷﺘﯩﻜﻰ ﻣﯘﻫﻪﺑﺒﻪﺕ" ﻗﺎﺗﺎﺭﻟﯩﻖ ﭘﻮﯞﯦﺴﺖ، ﻫﯧﻜﺎﻳﯩﻠﯩﺮﻯ ﺋﯘﻧﯩﯔ ﺋﻪﺩﻩﺑﯩﻲ ﺋﯩﺠﺎﺩﯨﻴﯩﺘﯩﮕﻪ ﯞﻩﻛﯩﻠﻠﯩﻚ ﻗﯩﻠﯩﺪﯗ.

ﻫﯜﺳﻪﻳﯩﻦ ﺗﺎﺵ 1966 - ﻳﯩﻠﻰ 12 - ﺋﺎﻳﻨﯩﯔ 22 - ﻛﯜﻧﻰ ﻗﻪﺷﻘﻪﺭ ﺗﻮﻗﻘﯘﺯﺍﻕ ﻧﺎﻫﯩﻴﻪ ﺑﯘﻻﻗﺴﯘﺩﺍ ﺗﯘﻏﯘﻟﻐﺎﻥ. 1985 - ﻳﯩﻠﻰ ﻗﻪﺷﻘﻪﺭ ﭘﯧﺪﺍﮔﻮﮔﯩﻜﺎ ﺋﯩﻨﺴﺘﯩﺘﯘﺗﯩﻨﯩﯔ ﺋﻪﺩﻩﺑﯩﻴﺎﺕ ﻓﺎﻛﯘﻟﺘﯧﺘﯩﻐﺎ ﺋﻮﻗﯘﺷﻘﺎ ﻛﯩﺮﮔﻪﻥ. 1994 - ﻳﯩﻠﻰ ﭘﻮﻻﺕ - ﺗﯚﻣﯜﺭ ﮔﯧﺰﯨﺘﯩﮕﻪ ﻳﯚﺗﻜﯩﻠﯩﭗ، ﺗﺎﻛﻰ ﻫﺎﻳﺎﺗﯩﻨﯩﯔ ﺋﺎﺧﯩﺮﻏﯩﭽﻪ ﺷﯘ ﻳﻪﺭﺩﻩ ﺗﻪﻫﺮﯨﺮ، ﺑﺎﺵ ﺗﻪﻫﺮﯨﺮ ﺑﻮﻟﯘﭖ ﺋﯩﺸﻠﯩﮕﻪﻥ.

ﻛﺎﻟﯩﻔﻮﺭﻧﯩﻴﯩﺪﯨﻜﻰ ﻣﯘﺗﻪﺧﻪﺳﺴﯩﺲ ﻣﯩﺮﯨﺌﺎﻡ ﺝ ﯞﻭﺩﯨﺲ ﺧﯧﻨﯩﻢ ﻗﻪﺷﻘﻪﺭ ﻗﻪﺩﯨﻤﯩﻲ ﺷﻪﻫﯩﺮﯨﻨﻰ ﻗﻮﻏﺪﺍﭖ ﻗﯧﻠﯩﺶ ﺋﯘﭼﯘﻥ ﺋﯩﻤﺰﺍ ﺗﻮﭘﻼﺵ ﭘﺎﺋﺎﻟﯩﻴﯩﺘﻰ ﺋﯧﻠﯩﭗ ﺑﺎﺭﻣﺎﻗﺘﺎ

ﻗﻪﺷﻘﻪﺭ ﻗﻪﺩﯨﻤﯩﻲ ﺷﻪﻫﯩﺮﯨﻨﯩﯔ ﭼﯧﻘﯩﻠﯩﺸﯩﻐﺎ ﻳﯧﻘﯩﻨﺪﯨﻦ ﻛﯚﯕﯜﻝ ﺑﻮﻟﯘﭖ ﻛﯧﻠﯩﯟﺍﺗﻘﺎﻥ ﻣﯩﺮﯨﺌﺎﻡ ﺝ ﯞﻭﺩﯨﺲ ﺧﯧﻨﯩﻢ، ﻣﻪﺯﻛﯘﺭ ﺷﻪﻫﻪﺭﻧﻰ ﯞﻩﻳﺮﺍﻧﭽﯩﻠﯩﻘﺘﯩﻦ ﺗﻮﺳﯘﭖ ﻗﯧﻠﯩﺶ ﺋﯘﭼﯘﻥ ﺋﯩﻨﺘﯧﺮﻧﯧﺘﺘﺎ ﺋﯩﻤﺰﺍ ﺗﻮﭘﻼﺵ ﭘﺎﺋﺎﻟﯩﻴﯩﺘﻰ ﺋﯧﻠﯩﭗ ﺑﺎﺭﻣﺎﻗﺘﺎ.

ﯞﻭﺩﯨﺲ ﺧﯧﻨﯩﻢ ﺋﺎﻟﺪﯨﻨﻘﻰ ﻫﻪﭘﺘﻪ، ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﻰ ﺑﺎﺭﺍﻙ ﺋﻮﺑﺎﻣﺎﻏﺎ ﻣﻪﻛﺘﯘﭖ ﻳﻮﻟﻼﭖ، ﺋﯘﻧﻰ ﻗﻪﺷﻘﻪﺭ ﻗﻪﺩﯨﻤﯩﻲ ﺷﻪﻫﯩﺮﯨﻨﻰ ﭼﯧﻘﯩﻠﯩﺸﺘﯩﻦ ﻗﻮﻏﺪﺍﭖ ﻗﯧﻠﯩﺸﺘﺎ ﻗﻮﻟﯩﺪﯨﻦ ﻛﯧﻠﯩﺪﯨﻐﺎﻥ ﻳﺎﺭﺩﻩﻣﻠﻪﺭﺩﻩ ﺑﻮﻟﯘﺷﻘﺎ ﺋﯜﻧﺪﯨﮕﻪﻥ ﺋﯩﺪﻯ.

ﺋﯘ ﺑﯘ ﻫﻪﻗﺘﻪ ﺗﻮﺧﺘﯩﻠﯩﭗ: "ﭘﺮﯦﺰﯨﺪﯦﻨﺖ ﺋﻮﺑﺎﻣﺎ ﻗﻪﺷﻘﻪﺭﻧﯩﯔ ﻗﯩﻤﻤﯩﺘﻰ، ﺷﯩﻨﺠﺎﯕﻨﯩﯔ ﺑﺎﻱ ﻣﻪﺩﻩﻧﯩﻴﯩﺘﯩﻨﯩﯔ ﻣﯘﻫﯩﻤﻠﯩﻘﻰ ﺗﻮﻏﺮﯨﺴﯩﺪﺍ ﺑﺎﺷﻘﯩﻼﺭﻧﯩﯔ ﺩﯨﻘﻘﯩﺘﯩﻨﻰ ﺟﻪﻟﭗ ﻗﯩﻼﻻﻳﺪﯗ. ﺋﯘ ﺳﯚﺯﻟﯩﺴﻪ ﻛﯩﺸﯩﻠﻪﺭ ﻗﯘﻻﻕ ﺳﺎﻟﯩﺪﯗ. ﺷﯘﯕﺎ ﻣﻪﻥ ﺋﯘﻧﻰ ﺑﯘ ﻫﻪﻗﺘﻪ ﺳﯚﺯﻟﻪﺷﻜﻪ ﻛﯚﻧﺪﯛﺭﯛﺷﻜﻪ ﻫﻪﺭﯨﻜﻪﺕ ﻗﯩﻠﻤﻪﻥ" ﺩﯦﺪﻯ.

ﺧﯩﺘﺎﻱ ﺋﻮﻟﯩﻤﭙﯩﻚ ﻣﻪﺯﮔﯩﻠﯩﺪﻩ ﻏﯘﻟﺠﯩﺪﺍ ﺗﯘﺗﯘﻟﻐﺎﻥ 12 ﻧﻪﭘﻪﺭ ﺋﯘﻳﻐﯘﺭﻧﻰ ﻗﺎﺗﺘﯩﻖ ﺟﺎﺯﺍﻟﯩﺪﻯ

ﻳﻪﺭﻟﯩﻚ ﺧﯩﺘﺎﻱ ﻫﯚﻛﯜﻣﯩﺘﻰ 2008 - ﻳﯩﻠﻠﯩﻖ ﺋﻮﻟﯩﻤﭙﯩﻚ ﺑﯩﺨﻪﺗﻪﺭﻟﯩﻜﯩﻨﻰ ﺑﺎﻫﺎﻧﻪ ﻗﯩﻠﯩﭗ، ﺋﯘﻳﻐﯘﺭ ﺋﯩﻠﯩﻨﯩﯔ ﻫﻪﺭ ﻗﺎﻳﺴﻰ ﺟﺎﻳﻠﯩﺮﯨﺪﺍ ﺗﯘﺗﻘﯘﻥ ﻗﯩﻠﯩﺶ ﻫﻪﺭﯨﻜﯩﺘﻰ ﻗﺎﻧﺎﺕ ﻳﺎﻳﺪﯗﺭﻏﺎﻥ ﺑﻮﻟﯘﭖ، ﺑﯘ ﺟﻪﺭﻳﺎﻧﺪﺍ ﭘﻪﻗﻪﺕ ﻏﯘﻟﺠﺎ ﺗﻪﯞﻩﺳﯩﺪﯨﻨﻼ 12 ﻧﻪﭘﻪﺭ ﺋﯘﻳﻐﯘﺭ ﻳﺎﺷﻘﺎ ﺟﺎﺯﺍ ﻫﯚﻛﯜﻡ ﻗﯩﻠﻐﺎﻥ.

ﺭﺍﺩﯨﺌﻮﻣﯩﺰ ﺋﯩﮕﯩﻠﯩﮕﻪﻥ ﻣﻪﻟﯘﻣﺎﺗﻼﺭﻏﺎ ﻗﺎﺭﯨﻐﺎﻧﺪﺍ، ﺧﯩﺘﺎﻱ ﻫﯚﻛﯜﻣﯩﺘﻰ، ﻏﯘﻟﺠﺎ ﺗﻪﯞﻩﺳﯩﺪﯨﻦ ﺑﯘﻟﺘﯘﺭ ﺋﻮﻟﯩﻤﭙﯩﻚ ﻣﻪﺯﮔﯩﻠﯩﺪﻩ ﻳﻪﻧﻰ 2008 - ﻳﯩﻠﻰ 4 - ﺋﺎﻳﺪﯨﻦ 6 - ﺋﺎﻳﻐﯩﭽﻪ ﺑﻮﻟﻐﺎﻥ ﺋﺎﺭﯨﻠﯩﻘﺘﺎ ﻣﻪﺭﺩﺍﻥ ﺳﯩﻴﯩﺘﺎﺧﯘﻥ، ﺋﻪﺧﻤﻪﺗﺠﺎﻥ ﺋﻪﻣﻪﺕ ﯞﻩ ﻣﻪﯞﻻﻧﺠﺎﻥ ﺋﻪﺧﻤﻪﺕ ﻗﺎﺗﺎﺭﻟﯩﻖ 12 ﻧﻪﭘﻪﺭ ﺋﯘﻳﻐﯘﺭ ﻳﺎﺷﻨﻰ ﺗﯘﺗﻘﯘﻥ ﻗﯩﻠﻐﺎﻥ.

ﺧﯩﺘﺎﻱ ﻫﯚﻛﯜﻣﯩﺘﻰ، ﺑﯘ ﻳﺎﺷﻼﺭ ﺋﯘﺳﺘﯩﺪﯨﻦ 2008 - ﻳﯩﻠﻰ 11 - ﺋﺎﻳﺪﺍ ﺳﻮﺕ ﺋﺎﭼﻘﺎﻥ ﯞﻩ 2009 - ﻳﯩﻠﻰ 3 - ﺋﺎﻳﻨﯩﯔ 24 - ﻛﯜﻧﻰ ﻫﯚﻛﯜﻡ ﺋﯧﻼﻥ ﻗﯩﻠﻐﺎﻥ.

ﺋﯩﻠﻰ ﺋﻮﺑﻼﺳﺘﻠﯩﻖ ﺳﻮﺕ ﻣﻪﻫﻜﯩﻤﯩﺴﻰ ﺗﻪﺭﯨﭙﯩﺪﯨﻦ ﭼﯩﻘﯩﺮﯨﻠﻐﺎﻥ 2008 - ﻳﯩﻞ 106 - ﻧﻮﻣﯘﺭﻟﯘﻕ ﻫﯚﻛﯜﻣﻨﺎﻣﯩﺪﻩ، ﻣﻪﺯﻛﯘﺭ ﺋﯘﻳﻐﯘﺭ ﻳﺎﺷﻼﺭﻧﯩﯔ " ﺩﯙﻟﻪﺗﻨﻰ ﭘﺎﺭﭼﯩﻼﺵ ﺟﯩﻨﺎﻳﯩﺘﻰ" ﺑﯩﻠﻪﻥ ﺋﻪﻳﯩﺒﻠﯩﻨﯩﭗ، ﺋﺎﻟﺪﯨﻐﺎ ﻣﯘﺩﺩﻩﺗﺴﯩﺰ ﻗﺎﻣﺎﻕ ﺟﺎﺯﺍﺳﻰ، ﻛﻪﻳﻨﯩﮕﻪ 3 ﻳﯩﻠﻠﯩﻖ ﻗﺎﻣﺎﻕ ﺟﺎﺯﺍﺳﻰ ﺑﯧﺮﯨﻠﮕﻪﻧﻠﯩﻜﻰ ﻛﯚﺭﺳﯩﺘﯩﻠﮕﻪﻥ.

ﺑﯘ ﺋﯘﻳﻐﯘﺭ ﻳﺎﺷﻠﯩﺮﻯ ﻏﯘﻟﺠﺎ ﻧﺎﻫﯩﻴﯩﺴﻰ، ﻏﯘﻟﺠﺎ ﺷﻪﻫﯩﺮﻯ ﯞﻩ ﻧﯩﻠﻘﺎ ﻧﺎﻫﯩﻴﯩﺴﻰ ﺗﻪﯞﻩﺳﯩﺪﯨﻦ ﺗﯘﺗﯘﻟﻐﺎﻥ ﺗﯩﺠﺎﺭﻩﺗﭽﻰ ﻳﺎﺷﻼﺭ ﺑﻮﻟﯘﭖ، ﺭﺍﺩﯨﺌﻮﻣﯩﺰ ﺋﺎﻟﺪﯨﻨﻘﻰ ﻛﯜﻧﻰ ﺟﺎﺯﺍ ﻫﯚﻛﯜﻡ ﻗﯩﻠﯩﻨﻐﺎﻥ ﺑﺎﻟﯩﻼﺭﻧﯩﯔ ﺋﯩﺴﯩﻤﻠﯩﻜﻰ، ﯞﻩ ﺋﯘﻻﺭﻏﺎ ﺑﯧﺮﯨﻠﮕﻪﻥ ﺟﺎﺯﺍ ﻫﯚﻛﯜﻣﯩﻨﯩﯔ ﺗﻪﭘﺴﯩﻼﺗﯩﻨﻰ ﺋﺎﯕﻼﺗﻘﺎﻥ ﺋﯩﺪﻯ.

ﺋﻮﺑﺎﻣﺎ ﺋﯩﺴﻼﻡ ﺩﯗﻧﻴﺎﺳﯩﻐﺎ ﻗﺎﺭﯨﺘﺎ ﺋﻪﻫﻤﯩﻴﻪﺗﻠﯩﻚ ﻧﯘﺗﯘﻕ ﺳﯚﺯﻟﯩﺪﻯ

4 - ﺋﯩﻴﯘﻥ ﻛﻪﭼﻘﯘﺭﯗﻥ ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﻰ ﺑﺎﺭﺍﻙ ﺋﻮﺑﺎﻣﺎ ﻣﯩﺴﯩﺮﻧﯩﯔ ﺩﺍﯕﻠﯩﻖ ﺧﻪﻟﻘﺌﺎﺭﺍﻟﯩﻖ ﺋﯘﻧﯩﯟﯦﺮﺳﯩﺘﯧﺘﻰ ﻗﺎﻫﯩﺮﻩ ﺋﯘﻧﯩﯟﯦﺮﺳﯩﺘﯧﺘﯩﺪﺍ ﺋﯩﺴﻼﻡ ﺩﯗﻧﻴﺎﺳﯩﻐﺎ ﻗﺎﺭﯨﺘﯩﻠﻐﺎﻥ ﻧﯘﺗﯘﻕ ﺳﯚﺯﻟﯩﺪﻯ.

ﭘﺮﯦﺰﯨﺪﯦﻨﺖ ﺋﻮﺑﺎﻣﺎﻧﯩﯔ ﺑﯘ ﻧﯚﯞﻩﺗﻠﯩﻚ ﻧﯘﺗﯘﻗﯩﻨﯩﯔ ﺑﺎﺵ ﺗﯧﻤﯩﺴﻰ ﺋﺎﻣﯧﺮﯨﻜﺎ ﺑﯩﻠﻪﻥ ﺋﯩﺴﻼﻡ ﺩﯗﻧﻴﺎﺳﻰ ﺋﺎﺭﯨﺴﯩﺪﯨﻜﻰ ﺋﯘﻗﯘﺷﻤﺎﺳﻠﯩﻘﻼﺭﻏﺎ ﺧﺎﺗﯩﻤﻪ ﺑﯧﺮﯨﭗ ﺋﯚﺯﺋﺎﺭﺍ ﺩﻭﺳﺘﻠﯘﻗﻨﻰ ﺋﯩﻠﮕﯩﺮﻯ ﺳﯜﺭﯛﺷﻜﻪ ﻣﻪﺭﻛﻪﺯﻟﻪﺷﻜﻪﻥ.

ﭘﺮﯦﺰﯨﺪﯦﻨﺖ ﺋﻮﺑﺎﻣﺎﻧﯩﯔ ﺋﯩﺴﻼﻡ ﺩﯗﻧﻴﺎﺳﯩﻐﺎ ﻗﺎﺭﺍﺗﻘﺎﻥ ﻧﯘﺗﻘﻰ ﻳﻪﺗﺘﻪ ﭼﻮﯓ ﻣﻪﺳﯩﻠﯩﮕﻪ ﺋﯩﺨﭽﺎﻣﻠﯩﻐﺎﻥ ﺑﻮﻟﯘﭖ، ﺋﯘﻻﺭ: ﺗﯧﺮﺭﻭﺭﭼﯩﻠﯩﻘﻘﺎ ﻗﺎﺭﺷﻰ ﺗﯘﺭﯗﭖ، ﺗﯩﻨﭽﻠﯩﻘﻨﻰ ﻗﻮﻏﺪﺍﺵ، ﭘﻪﻟﻪﺳﺘﯩﻨﺪﻩ، ﺋﯩﺴﺮﺍﺋﯩﻠﯩﻴﻪ - ﭘﻪﻟﻪﺳﺘﯩﻨﺪﯨﻦ ﺋﯩﺒﺎﺭﻩﺕ ﺋﯩﻜﻜﻰ ﺩﯙﻟﻪﺗﻨﯩﯔ ﻗﻪﺩ ﻛﯚﺗﯜﺭﯛﭖ ﺗﯘﺭﯗﺷﯩﻨﻰ ﺋﻪﻣﻪﻟﮕﻪ ﺋﺎﺷﯘﺭﯗﺵ، ﺋﯩﺮﺍﻧﻨﯩﯔ ﻳﺎﺩﺭﻭ ﺋﯧﻨﯧﺮﮔﯩﻴﻪ ﭘﺮﻭﮔﺮﺍﻣﻤﯩﺴﯩﻨﯩﯔ ﺧﻪﺗﯩﺮﯨﻨﯩﯔ ﺋﺎﻟﺪﯨﻨﻰ ﺋﯧﻠﯩﺶ، ﺩﯨﻦ ﺗﺎﻟﻼﺵ ﯞﻩ ﺩﯨﻨﯩﻲ ﭘﺎﺋﺎﻟﯩﻴﻪﺗﻠﻪﺭ ﺑﯩﻠﻪﻥ ﺷﯘﻏﯘﻟﻠﯩﻨﯩﺶ ﺋﻪﺭﻛﯩﻨﻠﯩﻜﯩﻨﻰ ﻗﺎﻧﺎﺕ ﻳﺎﻳﺪﯗﺭﯗﺵ، ﺩﯨﻨﯩﻲ ﺋﯚﺯﮔﯩﭽﯩﻠﯩﻜﻠﻪﺭﮔﻪ ﭼﻪﻙ ﻗﻮﻳﻤﺎﺳﻠﯩﻖ، ﺩﯦﻤﻮﻛﺮﺍﺗﯩﻴﯩﻨﻰ ﺩﯗﻧﻴﺎﻧﯩﯔ ﻫﻪﻣﻤﯩﻼ ﺟﺎﻳﻠﯩﺮﯨﺪﺍ ﺋﻪﻣﻪﻟﮕﻪ ﺋﺎﺷﯘﺭﯗﭖ، ﺧﻪﻟﻘﻨﯩﯔ ﺋﻪﺭﻛﯩﻦ ﻳﺎﺷﺎﺵ ﻫﯚﺭﯨﻴﯩﺘﯩﻨﻰ ﻗﻮﻏﺪﺍﺵ، ﺋﺎﻳﺎﻟﻼﺭﻧﯩﯔ ﻫﻮﻗﯘﻗﯩﻨﻰ ﻗﻮﻏﺪﺍﺵ، ﺋﯘﻻﺭﻧﯩﯔ ﺩﯨﻨﯩﻲ ﻗﯩﻴﺎﭘﻪﺗﻠﯩﺮﯨﮕﻪ ﯞﻩ ﺑﯩﻠﯩﻢ ﺋﯧﻠﯩﺶ ﺋﻪﺭﻛﯩﻨﻠﯩﻜﯩﮕﻪ ﭼﻪﻙ ﻗﻮﻳﻤﺎﺳﻠﯩﻖ، ﺋﯩﻘﺘﯩﺴﺎﺩﻧﻰ ﺟﺎﻧﻼﻧﺪﯗﺭﯗﭖ، ﺑﺎﺭ ﺋﯩﻤﻜﺎﻧﯩﻴﻪﺗﻠﻪﺭﺩﯨﻦ ﭘﺎﻳﺪﯨﻠﯩﻨﯩﺶ ﻫﻪﻣﺪﻩ ﺩﯙﻟﻪﺗﻠﻪﺭ ﺋﺎﺭﺍ ﻫﻪﻣﻜﺎﺭﻟﯩﻘﻨﻰ ﺟﺎﻧﻼﻧﺪﯗﺭﯗﺵ ﻗﺎﺗﺎﺭﻟﯩﻘﻼﺭﺩﯨﻦ ﺋﯩﺒﺎﺭﻩﺕ.

ﺋﻮﺑﺎﻣﺎ ﻧﯘﺗﻘﯩﺪﺍ ﻳﻪﻧﻪ ﮔﯘﻩﻧﺘﺎﻧﺎﻣﻮ ﺗﯜﺭﻣﯩﺴﯩﻨﯩﯔ ﻛﯧﻠﻪﺭ ﻳﯩﻠﯩﻨﯩﯔ ﺑﯧﺸﯩﻐﯩﭽﻪ ﺗﺎﻗﯩﻠﯩﭗ ﺑﻮﻟﯩﺪﯨﻐﺎﻧﻠﯩﻘﯩﻨﯩﻤﯘ ﺗﯩﻠﻐﺎ ﺋﺎﻟﺪﻯ.