ﻫﯚﺭﻣﻪﺗﻠﯩﻚ ﺋﻮﻗﯘﺭﻣﻪﻧﻠﻪﺭ، ﻧﯚﯞﻩﺗﺘﻪ ﻫﻪﭘﺘﯩﻠﯩﻚ ﻣﯘﻫﯩﻢ ﺧﻪﯞﻩﺭﻟﻪﺭ ﺳﻪﻫﯩﭙﯩﻤﯩﺰ ﺑﻮﻳﯩﭽﻪ ﻣﻪﻟﯘﻣﺎﺗﻼﺭ ﺑﯧﺮﯨﻤﯩﺰ، ﺳﻪﻫﯩﭙﯩﻤﯩﺰﺩﻩ ﮔﯚﻟﭽﯧﻬﺮﻩ ﺑﯘ ﺑﯩﺮ ﻫﻪﭘﺘﻪ ﺟﻪﺭﻳﺎﻧﯩﺪﺍ، ﺩﯗﻧﻴﺎ ﺳﯩﻴﺎﺳﯩﻲ ﯞﻩﺯﯨﻴﯩﺘﯩﺪﻩ، ﺧﯩﺘﺎﻳﺪﺍ ﻫﻪﻡ ﺋﯘﻳﻐﯘﺭﻻﺭﺩﺍ ﻗﯩﺰﯨﻖ ﻧﯘﻗﺘﺎ ﺑﻮﻟﻐﺎﻥ ﯞﻩﻗﻪ ﻫﻪﻡ ﻫﺎﺩﯨﺴﯩﻠﻪﺭ ﻫﻪﻗﻘﯩﺪﻩ ﺋﯩﺴﺘﺎﻧﺴﯩﻤﯩﺰﺩﺍ ﺑﯧﺮﯨﻠﮕﻪﻥ ﺋﯘﭼﯘﺭ ﻫﻪﻡ ﻣﻪﻟﯘﻣﺎﺗﻼﺭﻧﻰ ﻗﯩﺴﻘﯩﭽﻪ ﺗﻪﻛﺮﺍﺭﻻﭖ ﺋﯚﺗﯩﺪﯗ.

ﺩﯗﻧﻴﺎ ﺋﺎﺧﺒﺎﺭﺍﺗﯩﺪﺍ ﻗﯩﺰﯨﻖ ﻧﯘﻗﺘﺎ

ﮔﻪﺭﭼﻪ ﺋﯩﺮﺍﻥ ﻫﯚﻛﯜﻣﯩﺘﻰ ﻗﺎﻻﻳﻤﯩﻘﺎﻧﭽﯩﻠﯩﻘﻼﺭﺩﯨﻦ ﻛﯧﻴﯩﻦ ﭼﻪﺗﺌﻪﻟﻠﯩﻚ ﻣﯘﺧﺒﯩﺮﻻﺭﻧﻰ ﻗﻮﻏﻼﭖ ﺗﯧﻠﯧﯟﯨﺰﯨﻴﻪ ﯞﻩ ﺋﺎﺧﺒﺎﺭﺍﺗﻨﻰ ﻗﺎﺗﺘﯩﻖ ﻛﻮﻧﺘﺮﻭﻝ ﺋﺎﺳﺘﯩﻐﺎ ﺋﺎﻟﻐﺎﻥ ﺑﻮﻟﺴﯩﻤﯘ، ﺋﯩﺮﺍﻥ ﺑﯘ ﻫﻪﭘﺘﻪ ﻳﻪﻧﯩﻼ ﺧﻪﻟﻘﺌﺎﺭﺍ ﻣﻪﺗﺒﯘﺋﺎﺗﻨﯩﯔ ﻣﻪﺭﻛﯩﺰﻯ ﻧﯘﻗﺘﯩﺴﻰ ﺑﻮﻟﯘﭖ ﻛﻪﻟﺪﻯ.

ﺋﯩﺮﺍﻧﺪﺍ 12 - ﺋﯩﻴﯘﻧﺪﯨﻜﻰ ﺳﺎﻳﻼﻣﻨﯩﯔ ﻧﻪﺗﯩﺠﯩﺴﯩﮕﻪ ﺑﻮﻟﻐﺎﻥ ﻧﺎﺭﺍﺯﯨﻠﯩﻖ ﺑﯩﻠﻪﻥ ﺑﺎﺷﻼﻧﻐﺎﻥ ﻗﺎﻻﻳﻤﯩﻘﺎﻧﭽﯩﻠﯩﻘﻼﺭ ﺩﺍﯞﺍﻡ ﻗﯩﻠﻤﺎﻗﺘﺎ. ﺑﯘ ﺟﻪﺭﻳﺎﻧﺪﺍ ﻫﺎﺯﯨﺮﻏﯩﭽﻪ 17 ﻛﯩﺸﯩﻨﯩﯔ ﺋﯚﻟﮕﻪﻧﻠﯩﻜﻰ ﻣﻪﻟﯘﻡ.

ﺋﺎﻣﯧﺮﯨﻜﺎ ﺋﺎﯞﺍﻡ ﭘﺎﻻﺗﺎﺳﻰ ﺋﯩﺮﺍﻥ ﻫﯚﻛﯜﻣﯩﺘﻰ ﺳﺎﻳﻼﻡ ﻧﻪﺗﯩﺠﯩﺴﯩﮕﻪ ﻗﺎﺭﺷﻰ ﭘﯩﻜﯩﺮ ﺑﺎﻳﺎﻥ ﻗﯩﻠﻐﺎﻥ ﺧﻪﻟﻘﻨﻰ ﺑﺎﺳﺘﯘﺭﻏﺎﻧﻠﯩﻘﻰ ﺋﯜﭼﯜﻥ، ﺋﯘﻧﻰ ﺋﻪﻳﯩﺒﻠﻪﺵ ﻫﻪﻗﻘﯩﺪﻩ ﺑﯩﺮ ﻗﺎﺭﺍﺭ ﻣﺎﻗﯘﻟﻠﯩﺪﻯ.

ﯞﻩﻗﻪﻟﻪﺭﻧﯩﯔ ﺯﻭﺭﯨﻴﯩﭗ ﻛﯧﺘﯩﺸﻰ ﺑﯩﻠﻪﻥ ﺋﺎﻣﯧﺮﯨﻜﺎ ﭘﺮﯦﺰﺩﯦﻨﺘﻰ ﺑﺎﺭﺍﻙ ﺋﻮﺑﺎﻣﺎ ﺋﯩﺮﺍﻧﻨﯩﯔ ﺑﯘ ﻗﺎﺗﺘﯩﻖ ﭘﻮﺯﯨﺘﺴﯩﻴﯩﺴﯩﻨﻰ ﺗﻪﻧﺘﻘﯩﺪﻟﻪﭖ ﻧﺎﻣﺎﻳﯩﺸﭽﻰ ﺋﺎﻣﻤﯩﻨﯩﯔ ﺗﻪﻫﺪﯨﺘﻜﻪ ﺋﯘﭼﺮﯨﺸﻰ، ﺗﺎﻳﺎﻕ ﻳﯧﻴﯩﺸﻰ ﯞﻩ ﻗﻮﻟﻐﺎ ﺋﯧﻠﯩﻨﯩﺸﯩﻐﺎ ﭘﯜﺗﯜﻥ ﺩﯗﻧﻴﺎﻧﯩﯔ ﻏﻪﺯﻩﺑﻠﯩﻨﯩﯟﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﯛﭖ، ﺋﯚﻟﮕﻪﻥ ﮔﯘﻧﺎﻫﺴﯩﺰ ﻛﯩﺸﯩﻠﻪﺭ ﺋﯜﭼﯜﻥ ﻗﺎﺗﺘﯩﻖ ﻗﺎﻳﻐﯘﺭﻏﺎﻧﻠﯩﻘﯩﻨﻰ ﺋﯩﭙﺎﺩﻩ ﻗﯩﻠﺪﻯ.

ﻏﻪﺭﺏ ﺋﻪﻟﻠﯩﺮﯨﻨﻰ ﺋﯩﺮﺍﻧﻨﻰ ﻗﺎﻻﻳﻤﯩﻘﺎﻥ ﻗﯩﻠﯩﺶ ﺑﯩﻠﻪﻥ ﺋﻪﻳﯩﺒﻠﻪﭖ ﻛﻪﻟﮕﻪﻥ ﺋﻪﺧﻤﻪﺩﻯ ﻧﯩﺠﺎﺩ ﭘﻪﻳﺸﻪﻧﺒﻪ ﻛﯜﻧﻰ ﺑﺎﺭﺍﻙ ﺋﻮﺑﺎﻣﺎﻧﯩﯔ ﺑﯘ ﺳﯚﺯﻟﯩﺮﯨﻨﻰ ﺋﻪﻳﯩﺒﻠﻪﭖ، ﺋﯘﻧﻰ ﺋﯩﺮﺍﻧﻨﯩﯔ ﺋﯩﭽﻜﻰ ﺋﯩﺸﻠﯩﺮﯨﻐﺎ ﺋﺎﺭﯨﻼﺷﻤﺎﺳﻠﯩﻘﻘﺎ ﭼﺎﻗﯩﺮﺩﻯ ﯞﻩ ﺋﻮﺑﺎﻣﺎﻧﯩﯔ ﺑﯘ ﺧﯩﻞ ﭘﻮﺯﯨﺘﺴﯩﻴﯩﺴﯩﻨﯩﯔ ﺋﯩﻜﻜﻰ ﺩﯙﻟﻪﺕ ﺋﺎﺭﯨﺴﯩﺪﺍ ﺩﯨﺌﺎﻟﻮﮒ ﺑﺎﺷﻠﯩﺘﯩﻠﯩﺸﯩﻐﺎ ﺋﯩﺠﺎﺑﯩﻲ ﺗﻪﺳﯩﺮ ﻛﯚﺭﺳﻪﺗﻤﻪﻳﺪﯨﻐﺎﻧﻠﯩﻘﯩﻨﻰ ﺩﯦﺪﻯ.

ﺋﯘﻳﻐﯘﺭﻻﺭﺩﺍ ﻏﯘﻟﻐﯘﻻ

ﺋﯜﺭﯛﻣﭽﻰ ﺧﻪﯞﻩﺭﻟﯩﺮﯨﺪﯨﻦ ﻣﻪﻟﯘﻡ ﺑﻮﻟﯘﺷﯩﭽﻪ، ﺋﯘﻳﻐﯘﺭ ﺩﯨﻴﺎﺭﯨﻨﯩﯔ 2009 - ﻳﯩﻠﻠﯩﻖ ﺋﻪﻳﺪﯨﺰ ﻳﯘﻗﯘﻡ ﺋﻪﻫﯟﺍﻟﻰ ﻳﻪﻧﯩﻤﯘ ﺋﯧﻐﯩﺮﻻﺷﻘﺎﻥ.ﻫﺎﺯﯨﺮ ﺋﯘﻳﻐﯘﺭ ﺩﯨﻴﺎﺭﯨﺪﺍ ﺗﯩﺰﯨﻤﻼﺗﻘﺎﻥ ﺋﻪﻳﺪﯨﺰ ﺑﯩﻠﻪﻥ ﻳﯘﻗﯘﻣﻼﻧﻐﯘﭼﻰ 25694 ﻧﻪﭘﻪﺭ ﺋﯩﻜﻪﻥ. ﻛﯧﺴﻪﻝ ﻗﻮﺯﻏﺎﻟﻐﺎﻧﻼﺭ 3083، ﺋﯚﻟﮕﻪﻧﻠﻪﺭ ﺑﻮﻟﺴﺎ 1720 ﻧﻪﭘﻪﺭ ﺑﻮﻟﯘﭖ، ﻳﯘﻗﯘﻣﻠﯩﻨﯩﺶ ﺋﻪﻫﯟﺍﻟﻰ ﺑﻮﻳﯩﭽﻪ ﺧﯩﺘﺎﻳﺪﺍ 4 - ﺋﻮﺭﯗﻧﺪﺍ ﺗﯘﺭﯨﺪﯨﻜﻪﻥ. ﺋﯘﻳﻐﯘﺭ ﺋﯧﻠﯩﻨﯩﯔ ﺋﻪﻳﺪﯨﺰ ﻳﻘﯘﯗﻡ ﺋﻪﻫﯟﺍﻟﻰ ﺋﺎﻟﺪﯨﻨﻘﻰ ﻳﯩﻞ ﺋﻮﺧﺸﺎﺵ ﻣﻪﺯﮔﯩﻠﮕﻪ ﻗﺎﺭﯨﻐﺎﻧﺪﺍ 27 ﭘﯩﺮﺳﻪﻧﺖ ﺋﺎﺷﻘﺎﻥ.

ﻳﯧﻘﯩﻨﺪﺍ ﺭﺍﺩﯨﺌﻮﻣﯩﺰﻏﺎ ﻛﻪﻟﮕﻪﻥ ﺋﯩﻨﻜﺎﺳﻼﺭﻏﺎ ﻗﺎﺭﯨﻐﺎﻧﺪﺍ، ﻗﺎﻏﯩﻠﯩﻖ ﻧﺎﻫﯩﻴﯩﺴﯩﺪﯨﻜﻰ ﺑﺎﺷﻼﻧﻐﯘﭺ ﻣﻪﻛﺘﻪﭘﻠﻪﺭﺩﻩ ﺋﻮﻗﯘﻏﯘﻏﯘﭼﯩﻼﺭﻧﯩﯔ ﻣﻪﻛﺘﻪﭖ ﺋﯩﭽﯩﺪﻩ ﺑﺎﺵ ﻛﯩﻴﯩﻢ ﻛﯩﻴﯩﺸﻰ ﭼﻪﻛﻠﻪﻧﮕﻪﻥ. ﺑﯩﺰﮔﻪ ﺑﯘ ﺋﻪﻫﯟﺍﻟﻨﻰ ﺋﯩﻨﻜﺎﺱ ﻗﯩﻠﻐﺎﻥ ﺋﻮﻗﯘﺗﻘﯘﭼﯩﻨﯩﯔ ﺑﯩﻠﺪﯛﺭﯛﺷﯩﭽﻪ، ﺋﯘﻻﺭﻧﯩﯔ ﻣﻪﻛﺘﯩﭙﯩﺪﻩ ﺑﯘ ﻣﻪﯞﺳﯘﻡ ﻛﯩﺮﮔﻪﻧﺪﯨﻦ ﺑﯘﻳﺎﻥ ﺑﺎﺭﻟﯩﻖ ﺋﻮﻗﯘﺗﻘﯘﭼﻰ - ﺋﻮﻗﯘﻏﯘﭼﯩﻼﺭﻧﯩﯔ ﻣﻪﻛﺘﻪﭘﻜﻪ ﺑﺎﺵ ﻛﯩﻴﯩﻤﺴﯩﺰ ﻛﯧﻠﯩﺸﻰ ﺑﻪﻟﮕﯩﻠﻪﻧﮕﻪﻥ، ﺑﯘ ﻗﺎﺋﯩﺪﯨﮕﻪ ﺧﯩﻼﭘﻠﯩﻖ ﻗﯩﻠﻐﺎﻥ ﺋﻮﻗﯘﺗﻘﯘﭼﯩﻼﺭﺩﯨﻦ ﻫﻪﺗﺘﺎ ﺟﻪﺭﯨﻤﺎﻧﻪ ﺋﯧﻠﯩﻨﻐﺎﻥ.

ﺧﯩﺘﺎﻱ ﻣﻪﺭﻛﯩﺰﯨﻲ ﺗﯧﻠﯧﯟﯨﺰﯨﻴﯩﺴﻰ ﺧﯩﺘﺎﻱ ﺩﯙﻟﻪﺗﻠﯩﻚ ﻗﺎﺭﯨﻐﺎ ﺋﯧﺘﯩﺶ ﻛﻮﻣﺎﻧﺪﯨﺴﯩﺪﯨﻜﻰ ﺋﻮﺳﻤﺎﻥ ﺋﯩﺴﻤﺎﺋﯩﻞ ﺋﯩﺴﯩﻤﻠﯩﻚ ﺑﯩﺮ ﺋﯘﻳﻐﯘﺭ ﻣﺎﻫﯩﺮﻧﻰ ﺗﻮﻧﯘﺷﺘﯘﺭﺩﻯ. ﺋﯘﻳﻐﯘﺭ ﺗﻮﺭ ﺑﻪﺗﻠﯩﺮﻯ ﺋﻮﺳﻤﺎﻥ ﺋﯩﺴﻤﺎﺋﯩﻠﻨﻰ ﺧﯩﺘﺎﻱ ﺩﯙﻟﻪﺗﻠﯩﻚ ﻗﺎﺭﯨﻐﺎ ﺋﯧﺘﯩﺶ ﻛﻮﻣﺎﻧﺪﯨﺴﯩﺪﯨﻜﻰ ﺗﯘﻧﺠﻰ ﺋﯘﻳﻐﯘﺭ ﻣﺎﻫﯩﺮ ﺩﻩﭖ ﺋﯧﻼﻥ ﻗﯩﻠﻐﺎﻥ ﺑﻮﻟﯘﭖ، ﺑﯘ ﻳﯩﻞ 22 ﻳﺎﺷﻘﺎ ﻛﯩﺮﮔﻪﻥ ﺋﻮﺳﻤﺎﻥ ﺋﯩﺴﻤﺎﺋﯩﻞ ﺋﯚﺯﯨﻨﯩﯔ ﻛﯚﺭﯛﻧﻪﺭﻟﯩﻚ ﻧﻪﺗﯩﺠﯩﻠﯩﺮﻯ ﺑﯩﻠﻪﻥ ﺧﯩﺘﺎﻱ ﺩﯙﻟﻪﺗﻠﯩﻚ ﻛﻮﻣﺎﻧﺪﯨﺴﯩﻐﺎ ﺗﺎﻟﻠﯩﻨﯩﭗ، ﻣﻪﺷﯩﻖ ﻗﯩﻠﺪﯗﺭﯗﻟﻤﺎﻗﺘﺎ.

ﺗﯜﺭﻛﯩﻴﻪ ﺟﯘﻣﻬﯘﺭﯨﻴﯩﺘﯩﻨﯩﯔ ﺭﻩﺋﯩﺴﻰ ﺋﺎﺑﺪﯗﻟﻼﻫ ﮔﯜﻝ 6 - ﺋﺎﻳﻨﯩﯔ 24 - ﻛﯜﻧﯩﺪﯨﻦ 29 - ﻛﯜﻧﯩﮕﯩﭽﻪ ﺧﯩﺘﺎﻳﺪﺍ ﺯﯨﻴﺎﺭﻩﺕ ﺋﯧﻠﯩﭗ ﺑﺎﺭﯨﺪﯨﻐﺎﻥ ﺑﻮﻟﯘﭖ، ﺑﯧﻴﺠﯩﯔ، ﺋﯜﺭﯛﻣﭽﻰ، ﺷﯩﺌﻪﻥ ﯞﻩ ﺷﯧﻨﺠﯧﻦ ﻗﺎﺗﺎﺭﻟﯩﻖ ﺟﺎﻳﻼﺭﻏﺎ ﺑﺎﺭﯨﺪﯨﻜﻪﻥ. ﺋﺎﺑﺪﯗﻟﻼﻫ ﮔﯜﻟﻨﯩﯔ ﺋﯜﺭﯛﻣﭽﻰ ﺯﯨﻴﺎﺭﯨﺘﻰ ﺗﯜﺭﻛﯩﻴﻪ ﺟﯘﻣﻬﯘﺭﯨﻴﯩﺘﻰ ﺗﺎﺭﯨﺨﯩﺪﺍ ﺗﯘﻧﺠﻰ ﻗﯧﺘﯩﻢ ﺑﯩﺮ ﺩﯙﻟﻪﺕ ﺭﻩﺋﯩﺴﯩﻨﯩﯔ ﺋﯘﻳﻐﯘﺭ ﺩﯨﻴﺎﺭﯨﻐﺎ ﺋﯧﻠﯩﭗ ﺑﺎﺭﻏﺎﻥ ﺯﯨﻴﺎﺭﯨﺘﻰ ﻫﯧﺴﺎﺑﻠﯩﻨﯩﺪﯨﻜﻪﻥ.

ﺗﯜﺭﻛﯩﻴﻪ ﺟﯘﻣﻬﯘﺭﯨﻴﯩﺘﻰ ﺭﻩﺋﯩﺴﻰ ﺋﺎﺑﺪﯗﻟﻼﻫ ﮔﯜﻟﻨﯩﯔ 6 - ﺋﺎﻳﻨﯩﯔ 23 - ﻛﯜﻧﻰ ﺧﯩﺘﺎﻳﻐﺎ ﺭﻩﺳﻤﯩﻲ ﺯﯨﻴﺎﺭﻩﺕ ﺋﯜﭼﯜﻥ ﺑﯧﺮﯨﺸﺘﯩﻦ ﺑﯘﺭﯗﻥ، ﺩ ﺋﯘ ﻕ ﻣﯘﺋﺎﯞﯨﻦ ﺑﺎﺷﻠﯩﻘﻰ ﺳﯧﻴﯩﺖ ﺗﯜﻣﺘﯜﺭﻙ ﺋﻪﭘﻪﻧﺪﻯ ﺑﺎﺷﭽﯩﻠﯩﻘﯩﺪﯨﻜﻰ ﻫﻪﻳﺌﻪﺕ 6 - ﺋﺎﻳﻨﯩﯔ 18 - 17 - ﻛﯜﻧﻠﯩﺮﻯ ﺗﯜﺭﻛﯩﻴﻪ ﭘﺎﺭﻻﻣﯧﻨﺖ ﺋﻪﺯﺍﻟﯩﺮﻯ ﺑﯩﻠﻪﻥ ﻛﯚﺭﯛﺷﯜﭖ،ﺋﯘﻳﻐﯘﺭ ﺩﯨﻴﺎﺭﯨﺪﯨﻜﻰ ﺋﯩﻨﺴﺎﻥ ﻫﻪﻗﻠﯩﺮﻯ ﺩﻩﭘﺴﻪﻧﺪﯨﻠﯩﺮﻯ ﻫﻪﻗﻘﯩﺪﯨﻜﻰ ﺋﻪﯓ ﻳﯧﯖﻰ ﻣﻪﻟﯘﻣﺎﺗﻼﺭﻧﻰ ﺗﻮﭘﻼﭖ ﺗﻪﻳﻴﺎﺭﻟﯩﻐﺎﻥ ﺩﻭﻛﻼﺗﻨﻰ ﺑﻪﺭﮔﻪﻥ ﺷﯘﻧﺪﺍﻗﻼ ﺑﯘ ﻣﻪﺳﯩﻠﯩﻠﻪﺭﻧﻰ ﺗﯜﺭﻛﯩﻴﻪ ﺟﯘﻣﻬﯘﺭﯨﻴﯩﺘﻰ ﺭﻩﺋﯩﺴﻰ ﺋﺎﺑﺪﯗﻟﻼﻫ ﮔﯜﻟﻨﯩﯔ ﺋﯜﺭﯛﻣﭽﯩﮕﻪ ﺋﯧﻠﯩﭗ ﺑﺎﺭﻏﺎﻥ ﺯﯨﻴﺎﺭﯨﺘﻰ ﺟﻪﺭﻳﺎﻧﯩﺪﺍ ﺧﯩﺘﺎﻱ ﺭﻩﻫﺒﻪﺭﻟﯩﺮﯨﮕﻪ ﺩﯦﻴﯩﺸﯩﻨﻰ ﺗﻪﻟﻪﭖ ﻗﯩﻠﻐﺎﻥ.

ﺋﯘﻳﻐﯘﺭﻻﺭ ﺩﯗﻧﻴﺎ ﻣﻪﺗﺒﯘﺋﺎﺗﯩﺪﺍ

13 ﻧﻪﭘﻪﺭ ﺋﯘﻳﻐﯘﺭ ﻣﯘﺳﺎﭘﯩﺮﺩﯨﻦ ﭘﻪﻗﻪﺕ 8 ﻛﯩﺸﻰ ﭘﺎﻻﯞﻏﺎ ﺑﯧﺮﯨﺸﻨﻰ ﻗﻮﺑﯘﻝ ﻗﯩﻠﯩﭗ، ﺋﯚﺗﻜﻪﻥ ﻫﻪﭘﺘﻪ ﻻﮔﯩﺮﻧﻰ ﺯﯨﻴﺎﺭﻩﺕ ﻗﯩﻠﻐﺎﻥ ﭘﺎﻻﯞ ﻫﯚﻛﯜﻣﻪﺕ ﺋﻪﻣﻪﻟﺪﺍﺭﻟﯩﺮﻯ ﺑﯩﻠﻪﻥ ﺳﯚﻫﺒﻪﺕ ﺋﯧﻠﯩﭗ ﺑﺎﺭﻏﺎﻥ. ﺗﯩﻨﭻ ﺋﻮﻛﻴﺎﻧﺪﯨﻜﻰ ﺋﺎﺭﺍﻝ ﺩﯙﻟﯩﺘﻰ ﭘﺎﻻﯞﻧﯩﯔ ﭘﺮﯦﺰﯨﺪﯦﻨﺘﻰ ﺗﻮﺭﯨﺒﯩﺌﻮﯓ ﻣﯘﺧﺒﯩﺮﻻﺭﻏﺎ ﺑﻪﺭﮔﻪﻥ ﺑﺎﻳﺎﻧﺎﺗﯩﺪﺍ ﻣﯘﺳﺎﭘﯩﺮﻻﺭﻧﯩﯔ "ﺑﯩﺮ ﻗﯩﺴﯩﻤﻰ ﻛﻪﻟﻤﻪﺳﻠﯩﻜﻰ ﻣﯘﻣﻜﯩﻦ" ﺩﯦﮕﻪﻥ. ﺋﻪﮔﻪﺭ ﮔﯜﻩﻧﺘﺎﻧﺎﻣﻮﺩﯨﻜﻰ ﺑﯩﺮ ﻗﯩﺴﯩﻢ ﺋﯘﻳﻐﯘﺭ ﻣﯘﺳﺎﭘﯩﺮﻻﺭ ﭘﺎﻻﯞﻏﺎ ﺋﻮﺭﯗﻧﻼﺷﺘﯘﺭﯗﻟﺴﺎ، ﺋﯘﻳﻐﯘﺭ ﻣﯘﺳﺎﭘﯩﺮﻻﺭﻧﻰ ﻗﻮﺑﯘﻝ ﻗﯩﻠﻐﺎﻥ 3 ‏ - ﺩﯙﻟﻪﺕ ﺑﻮﻟﯘﭖ ﻗﺎﻟﯩﺪﯗ.

ﺷﯟﯦﺘﺴﯩﯩﻴﻪ ﺗﺎﺷﻘﯩﻲ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻘﻰ 22 - ﺋﯩﻴﻮﻥ ﺩﯛﺷﻪﻧﺒﻪ ﻛﯜﻧﻰ ﺷﯟﯦﺘﺴﯩﻴﻪ ﺑﯩﺨﻪﺗﻪﺭﻟﯩﻚ ﺩﺍﺋﯩﺮﯨﻠﯩﺮﻯ ﺗﻪﺭﯨﭙﯩﺪﯨﻦ ﻳﯧﻘﯩﻨﺪﺍ ﻗﻮﻟﻐﺎ ﺋﯧﻠﯩﻨﻐﺎﻥ "ﺑﺎﺑﯘﺭ ﺟﺎﺳﯘﺳﻠﯘﻕ ﯞﻩﻗﻪﺳﻰ"ﮔﻪ ﭼﯧﺘﯩﺸﻠﯩﻖ ﺑﯩﺮ ﺧﯩﺘﺎﻱ ﺩﯨﭙﻠﻮﻣﺎﺗﻨﯩﯔ ﭼﯧﮕﺮﯨﺪﯨﻦ ﻗﻮﻏﻼﭖ ﭼﯩﻘﯩﺮﯨﻠﻐﺎﻧﻠﯩﻘﯩﻨﻰ ﺋﯧﻼﻥ ﻗﯩﻠﺪﻯ.

ﺑﯘ ﻳﯩﻞ 61 ﻳﺎﺷﻼﺭﺩﯨﻜﻰ ﺑﺎﺑﯘﺭ ﻣﻪﺧﺴﯘﺕ ﻟﻪﻧﺠﯘﺩﺍ ﺗﯘﻏﯘﻟﻐﺎﻥ ﺑﻮﻟﯘﭖ، 1980 ‏ - ﻳﯩﻠﻠﯩﺮﻯ ﺧﻮﺗﻪﻧﺪﻩ ﻳﺎﺷﯩﻐﺎﻥ. 1990 ‏ - ﻳﯩﻠﻼﺭﻧﯩﯔ ﺋﺎﺧﯩﺮﻯ ﺷﯟﯦﺘﺴﯩﻴﯩﮕﻪ ﻛﯧﻠﯩﭗ ﺳﯩﻴﺎﺳﯩﻲ ﭘﺎﻧﺎﻫﻠﯩﻖ ﺗﯩﻠﯩﮕﻪﻥ. 20002 ‏ - ﻳﯩﻠﻰ ﺷﯟﯦﺘﺴﯩﻴﻪ ﯞﻩﺗﻪﻧﺪﺍﺷﻠﯩﻘﯩﻐﺎ ﺋﯚﺗﻜﻪﻥ ﺋﯩﺪﻯ. ﺑﺎﺑﯘﺭ ﻣﻪﺧﺴﯘﺕ 1948 - ﻳﯩﻠﻰ ﻟﻪﻧﺠﯘﺩﺍ ﺗﯘﻏﯘﻟﻐﺎﻥ، ﺗﻴﻪﻧﺠﯩﻨﺪﻩ ﭼﻮﯓ ﺑﻮﻟﻐﺎﻥ. ﺑﺎﺑﯘﺭ ﻣﻪﺧﺴﯘﺗﻨﯩﯔ ﺩﺍﺩﺍ ﺗﻪﺭﻩﭖ ﺟﻪﻣﻪﺗﻰ ﺋﯘﻳﻐﯘﺭ؛ ﺋﺎﻧﺎ ﺗﻪﺭﻩﭖ ﺟﻪﻣﻪﺗﻰ ﺑﻮﻟﺴﺎ ﺗﯘﯕﮕﺎﻥ ﻣﯩﻠﻠﯩﺘﯩﺪﯨﻦ. ﺋﯘ، 6 ‏- ﺋﺎﻳﻨﯩﯔ 4 ‏ - ﻛﯜﻧﻰ ﺧﯩﺘﺎﻱ ﺋﻪﻟﭽﯩﺨﺎﻧﯩﺴﯩﻨﯩﯔ ﭼﯧﮕﺮﯨﺪﯨﻦ ﻗﻮﻏﻼﭖ ﭼﯩﻘﯩﺮﯨﻠﻐﺎﻥ ﺩﯨﭙﻠﻮﻣﺎﺗﯩﻐﺎ ﺋﺎﺧﺒﺎﺭﺍﺕ ﺑﯧﺮﯨﯟﺍﺗﻘﺎﻧﺪﺍ، ﺷﯟﯦﺘﺴﯩﻴﻪ ﺑﯩﺨﻪﺗﻪﺭﻟﯩﻚ ﺩﺍﺋﯩﺮﯨﻠﯩﺮﻯ ﺗﻪﺭﯨﭙﯩﺪﯨﻦ ﻗﻮﻟﻐﺎ ﺋﯧﻠﯩﻨﻐﺎﻥ ﺋﯩﺪﻯ.

6 - ﺋﺎﻳﻨﯩﯔ 20 - 21 - ﻛﯜﻧﻠﯩﺮﻯ ﺭﯗﺳﯩﻴﯩﻨﯩﯔ ﭘﺎﻳﺘﻪﺧﺘﻰ ﻣﻮﺳﻜﯟﺍﺩﺍ ﺋﯚﺗﻜﯜﺯﯛﻟﮕﻪﻥ 10 - ﻧﯚﯞﻩﺗﻠﯩﻚ ﺧﻪﻟﻘﺌﺎﺭﺍﻟﯩﻖ ﻗﯘﺭﺋﺎﻥ ﺋﻮﻗﯘﺵ ﻣﯘﺳﺎﺑﯩﻘﯩﺴﯩﮕﻪ ﺋﯘﻳﻐﯘﺭﻻﺭﻏﺎ ﯞﺍﻛﺎﻟﯩﺘﻪﻥ ﻫﺎﺯﯨﺮ ﻓﯩﻨﻼﻧﺪﯨﻴﯩﺪﻩ ﻳﺎﺷﺎﯞﺍﺗﻘﺎﻥ ﺋﻮﺑﯘﻝ ﻗﺎﺳﯩﻢ ﻗﺎﺭﻯ ﻗﺎﺗﻨﺎﺷﻘﺎﻥ. ﻣﯘﺳﺎﺑﯩﻘﯩﮕﻪ ﻗﺎﺗﻨﺎﺷﻘﯘﭼﯩﻼﺭ ﺋﯚﺯ ﺩﯙﻟﻪﺗﻠﯩﺮﯨﺪﻩ ﺋﯚﺗﻜﯜﺯﯛﻟﮕﻪﻥ ﻗﯘﺭﺋﺎﻥ ﺋﻮﻗﯘﺵ ﻣﯘﺳﺎﺑﯩﻘﯩﺴﯩﺪﺍ ﺑﯩﺮﯨﻨﭽﯩﻠﯩﻜﻜﻪ ﺋﯧﺮﯨﺸﻜﻪﻥ ﻛﯩﺸﯩﻠﻪﺭ ﺋﯩﻜﻪﻥ. ﺑﯘ ﻣﯘﺳﺎﺑﯩﻘﯩﺪﺍ ﺗﯜﺭﻛﯩﻴﯩﺪﯨﻦ ﻛﻪﻟﮕﻪﻥ ﺑﯘﻧﻴﺎﻣﯩﻦ ﺳﻪﻟﭽﯘﻗﺌﻮﻏﻠﯘ ﻗﺎﺭﻯ ﺑﯩﺮﯨﻨﭽﯩﻠﯩﻜﻜﻪ، ﺋﺎﻟﺠﯩﺮﯨﻴﯩﺪﯨﻦ ﻳﺎﺳﯩﻦ ﺋﯩﺴﻤﺎﺋﯩﻞ ﻗﺎﺭﻯ ﺋﯩﻜﻜﯩﻨﭽﯩﻠﯩﻜﻜﻪ ﯞﻩ ﻣﺎﻻﻳﺸﯩﻴﺎﺩﯨﻦ ﺋﺎﺑﺪﯗﻟﻼﻫ ﺳﯧﻴﯩﺖ ﻗﺎﺭﻯ ﺋﯜﭼﯩﻨﭽﯩﻠﯩﻜﻜﻪ ﺋﯧﺮﯨﺸﻜﻪﻥ.

ﺋﯘﻳﻐﯘﺭﻻﺭﻏﺎ ﯞﺍﻛﺎﻟﯩﺘﻪﻥ ﺑﯘ ﻣﯘﺳﺎﺑﯩﻘﯩﮕﻪ ﻗﺎﺗﻨﺎﺷﻘﺎﻥ ﺋﻮﺑﯘﻝ ﻗﺎﺳﯩﻢ ﺋﻪﭘﻪﻧﺪﻯ ﮔﻪﺭﭼﻪ ﺋﺎﻟﺪﯨﻨﻘﻰ ﺋﯜﭼﻨﯩﯔ ﻗﺎﺗﺎﺭﯨﻐﺎ ﻛﯩﺮﻩﻟﻤﯩﮕﻪﻥ ﺑﻮﻟﺴﯩﻤﯘ، ﻟﯧﻜﯩﻦ ﺋﯘﻳﻐﯘﺭﭼﻪ ﻛﯩﻴﯩﻤﻠﯩﺮﻯ ﺑﯩﻠﻪﻥ ﻣﯘﺳﯘﻟﻤﺎﻧﻼﺭﻧﯩﯔ ﺩﯨﻘﻘﻪﺕ - ﺋﯧﺘﯩﺒﺎﺭﯨﻨﻰ ﻗﻮﺯﻏﯩﻐﺎﻥ. ﺋﯚﺯﯨﻨﯩﯔ ﺋﯧﻴﺘﯩﺸﯩﭽﻪ ﻣﻮﺳﻜﯟﺍﺩﺍ 3 ﺗﯧﻠﯧﯟﯨﺰﯨﻴﻪ ﻗﺎﻧﯩﻠﯩﻨﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﯩﭗ، ﺧﯩﺘﺎﻳﻼﺭﻧﯩﯔ ﺋﯘﻳﻐﯘﺭ ﻣﯘﺳﯘﻟﻤﺎﻧﻼﺭﻏﺎ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺯﯗﻟﯘﻡ ﺳﯩﻴﺎﺳﯩﺘﯩﻨﻰ ﺋﺎﯕﻼﺗﻘﺎﻥ.

ﺧﯩﺘﺎﻳﻨﯩﯔ ﺋﯩﭽﻰ - ﺗﯧﺸﯩﺪﺍ

ﺋﺎﻓﻐﺎﻧﯩﺴﺘﺎﻥ ﭘﺎﺭﻻﻣﯧﻨﺘﯩﻨﯩﯔ ﺗﯚﯞﻩﻥ ﭘﺎﻻﺗﺎ ﺭﻩﺋﯩﺴﻰ ﻳﯘﻧﯘﺱ ﻗﺎﻧﯘﻧﻰ ﺑﯩﻠﻪﻥ ﺧﯩﺘﺎﻱ ﺧﻪﻟﻖ ﻗﯘﺭﯗﻟﺘﯩﻴﯩﻨﯩﯔ ﻣﯘﺩﯨﺮﻯ ﯞﯗ ﺑﺎﯕﮕﻮ ﺑﯧﻴﺠﯩﯖﺪﺍ ﻛﯚﺭﯛﺷﯜﭖ، "ﺗﯧﺮﺭﻭﺭﻟﯘﻕ " ﯞﻩ ﺯﻩﻫﻪﺭﻟﯩﻚ ﭼﯧﻜﯩﻤﻠﯩﻚ ﺋﻪﺗﻜﻪﺳﭽﯩﻠﯩﻜﯩﮕﻪ ﻗﺎﺭﺷﻰ ﻛﯜﺭﻩﺷﺘﯩﻜﻰ ﻫﻪﻣﻜﺎﺭﻟﯩﻘﻨﻰ ﻛﯜﭼﻪﻳﺘﯩﺸﻜﻪ ﻛﯧﻠﯩﺸﻜﻪﻥ.

ﺧﯩﺘﺎﻳﻨﯩﯔ ﺷﯩﻨﺨﯘﺍ ﺋﺎﮔﯧﻨﺘﻠﯩﻘﻰ ﺑﯘ ﻫﻪﻗﺘﯩﻜﻰ ﺑﯩﺮ ﺧﻪﯞﯨﺮﯨﺪﻩ ﯞﯗ ﺑﺎﯕﮕﻮﻧﯩﯔ "ﺑﯩﺰ ﺋﺎﻓﻐﺎﻧﯩﺴﺘﺎﻥ ﺑﯩﻠﻪﻥ ﺗﯧﺮﺭﻭﺭﻟﯘﻕ ﯞﻩ ﺯﻩﻫﻪﺭﻟﯩﻚ ﭼﯧﻜﯩﻤﻠﯩﻜﻜﻪ ﻣﯘﻧﺎﺳﯩﯟﻩﺗﻠﯩﻚ ﺟﯩﻨﺎﻳﻰ ﺋﯩﺸﻼﺭﻏﺎ ﻗﺎﺭﺷﻰ ﻫﻪﻣﻜﺎﺭﻟﯩﻘﻨﻰ ﻛﯜﭼﻪﻳﺘﯩﺸﻜﻪ ﺗﻪﻳﻴﺎﺭ" ﺩﯦﮕﻪﻧﻠﯩﻜﯩﻨﻰ ﺧﻪﯞﻩﺭ ﻗﯩﻠﻐﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﺋﺎﺗﺎﻟﻤﯩﺶ "ﺗﯧﺮﺭﻭﺭﻟﯘﻕ " ﻗﺎ ﻗﺎﺭﺷﻰ ﻫﻪﻣﻜﺎﺭﻟﯩﻘﻨﯩﯔ ﺗﻪﭘﺴﯩﻠﯩﻲ ﺩﯨﺘﺎﻟﻠﯩﺮﯨﻨﻰ ﺗﯩﻠﻐﺎ ﺋﺎﻟﻤﯩﻐﺎﻥ.
 
ﺷﺎﯕﺨﻪﻱ ﻫﻪﻣﻜﺎﺭﻟﯩﻖ ﺗﻪﺷﻜﯩﻼﺗﯩﻨﯩﯔ ﺭﺍﻣﻜﯩﺴﻰ ﺋﺎﺳﺘﯩﺪﺍ ﻗﯘﺭﯗﻟﻐﺎﻥ ﻗﺎﺯﺍﻗﯩﺴﺘﺎﻥ - ﺧﯩﺘﺎﻱ ﻗﻮﺭﻏﺎﺱ ﺧﻪﻟﻘﺌﺎﺭﺍﻟﯩﻖ ﭼﯧﮕﺮﺍ ﻫﻪﻣﻜﺎﺭﻟﯩﻖ ﻣﻪﺭﻛﯩﺰﻯ 18 - ﺋﯩﻴﯘﻥ ﻛﯜﻧﯩﺪﯨﻦ ﺋﯧﺘﯩﺒﺎﺭﻩﻥ ﺧﻪﻟﻘﺌﺎﺭﺍﻟﯩﻖ ﺳﺎﻳﺎﻫﻪﺕ ﺑﺎﻳﺮﯨﻤﻰ ﺋﯚﺗﻜﯜﺯﮔﻪﻥ ﺑﻮﻟﯘﭖ، ﺋﯩﻜﻜﻰ ﺗﻪﺭﻩﭖ ﺳﺎﻳﺎﻫﻪﺗﭽﯩﻠﯩﺮﻯ ﺑﯘ ﻳﻪﺭﮔﻪ ﺟﻪﻡ ﺑﻮﻟﯘﭖ، ﻣﺎﻝ ﺳﯧﺘﯩﯟﻩﻟﯩﺶ، ﻛﯚﯕﯜﻝ ﺋﯧﭽﯩﺶ، ﺳﺎﻳﺎﻫﻪﺕ ﻗﯩﻠﯩﺶ ﻗﺎﺗﺎﺭﻟﯩﻖ ﺋﯩﺸﻼﺭﻧﻰ ﺋﯧﻠﯩﭗ ﺑﺎﺭﻏﺎﻥ.

ﺧﯩﺘﺎﻱ ﺑﯩﻠﻪﻥ ﻗﺎﺯﺍﻗﯩﺴﺘﺎﻧﻨﯩﯔ ﺑﯩﺮﻟﻪﺷﻤﻪ ﺧﻪﻟﻘﺌﺎﺭﺍﻟﯩﻖ ﻣﻪﺭﻛﯩﺰﻯ ﻗﺎﺯﺍﻗﯩﺴﺘﺎﻥ ﺗﻪﺭﻩﭘﻨﯩﯔ 1.2 ﻛﯟﺍﺩﯨﺮﺍﺕ ﻛﯩﻠﻮﻣﯧﺘﯩﺮ، ﺧﯩﺘﺎﻳﻨﯩﯔ 3.43 ﻛﯟﺍﺩﺭﺍﺕ ﻛﯩﻠﻮﻣﯧﺘﯩﺮ ﻳﻪﺭ ﭼﯩﻘﯩﺮﯨﺸﻰ ﺑﯩﻠﻪﻥ ﻗﯘﺭﯗﻟﻐﺎﻥ ﺑﻮﻟﯘﭖ، ﺑﯘﻧﯩﯔ ﺋﺎﺯ ﻗﯩﺴﯩﻤﻰ ﻗﺎﺯﺍﻗﯩﺴﺘﺎﻧﺪﺍ، ﻛﯚﭖ ﻗﯩﺴﯩﻤﻰ ﺧﯩﺘﺎﻱ ﺋﯩﮕﯩﺪﺍﺭﭼﯩﻠﯩﻘﯩﺪﺍ ﺋﯩﻜﻪﻥ. ﻣﻪﺯﻛﯘﺭ ﻣﻪﺭﻛﻪﺯﺩﻩ ﺳﻮﺩﺍ ﺑﯩﻨﺎﺳﻰ، ﻣﺎﻝ ﺗﻮﺷﯘﺵ ﺋﻮﺭﻧﻰ، ﻛﯚﯕﯜﻝ ﺋﯧﭽﯩﺶ ﻣﯘﻻﺯﯨﻤﻪﺕ ﺋﻮﺭﯗﻧﻠﯩﺮﻯ ﺑﺎﺭ ﺑﻮﻟﯘﭖ، ﺋﺎﺳﺎﺳﻠﯩﻘﻰ ﺳﻮﺩﺍ ﻗﯩﻠﯩﺸﻨﻰ ﻣﯘﺩﺩﯨﺌﺎ ﻗﯩﻠﻐﺎﻥ.

ﺗﻪﻳﯟﻩﻥ ﺧﻪﯞﻩﺭﻟﯩﺮﯨﮕﻪ ﻗﺎﺭﯨﻐﺎﻧﺪﺍ، ﺗﻪﻳﯟﻩﻧﺪﻩ 'ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﮕﻪ ﻗﺎﺭﺷﻰ ﺗﯘﺭﯗﭖ ﯞﻩﺗﻪﻧﻨﻰ ﻗﯘﺗﻘﯘﺯﯗﺵ ﺗﻪﻳﯟﻩﻥ ﭘﻮﻟﻜﻰ' ﻧﺎﻣﻠﯩﻖ ﺑﯩﺮ ﺗﻪﺷﻜﯩﻼﺕ ﻗﯘﺭﯗﻟﻐﺎﻧﻠﯩﻘﻰ 6‏ - ﺋﺎﻳﻨﯩﯔ 27‏ - ﻛﯜﻧﻰ ﭼﻮﯓ ﻳﯩﻐﯩﻦ ﺋﯧﭽﯩﭗ ﺟﺎﻛﺎﺭﻟﯩﻨﯩﺪﯨﻜﻪﻥ.

ﺧﻪﯞﻩﺭﺩﻩ ﺋﯧﻴﺘﯩﻠﯩﺸﯩﭽﻪ، ﺗﻪﻳﯟﻩﻧﺪﻩ، ﺟﺎﯓ ﺟﯩﻨﮕﻮ ﺩﻩﯞﺭﯨﺪﻩ 'ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﮕﻪ ﻗﺎﺭﺷﻰ ﺗﯘﺭﯗﭖ ﯞﻩﺗﻪﻥ ﻗﯘﺗﻘﯘﺯﯗﺵ ﺟﯘﯕﮕﻮ ﭘﻮﻟﻜﻰ' ﻗﯘﺭﯗﻟﻐﺎﻥ ﺋﯩﺪﻯ. ﺗﻪﻳﯟﻩﻧﺪﯨﻜﻰ ﺯﯨﻴﺎﻟﯩﻴﻼﺭ ﻫﺎﺯﯨﺮ ﺩﯦﻤﻮﻛﺮﺍﺗﯩﻚ ﺗﯜﺯﯛﻡ ﺋﯚﻟﭽﯩﻤﻰ ﺑﯘﻳﯩﭽﻪ، ﺑﯘ ﺗﻪﺷﻜﯩﻼﺗﻨﻰ ﻗﺎﻳﺘﯩﺪﯨﻦ ﺋﯩﺴﻼﻫ ﻗﯩﻠﯩﭗ، ﺗﻪﻳﯟﻩﻧﻨﻰ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺪﯨﻦ ﺳﺎﻗﻼﺵ ﺋﯜﭼﯜﻥ، ﺋﺎﻟﺪﻯ ﺑﯩﻠﻪﻥ ﺑﯘ ﺗﻪﺷﻜﯩﻼﺗﻨﯩﯔ ﻧﺎﻣﯩﺪﯨﻜﻰ 'ﺟﯘﯕﮕﻮ' ﺩﯦﮕﻪﻥ ﺳﯚﺯﻧﻰ 'ﺗﻪﻳﯟﻩﻥ' ﺩﻩﭖ ﺋﯚﺯﮔﻪﺭﺗﻜﻪﻥ.

ﻫﺎﺯﯨﺮ ﺯﯨﻴﺎﻟﯩﻴﻼﺭ ﺑﯘ ﻧﺎﻣﻨﻰ 'ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﮕﻪ ﻗﺎﺭﺷﻰ ﺗﯘﺭﯗﭖ ﯞﻩﺗﻪﻥ ﻗﯘﺗﻘﯘﺯﯗﺵ ﺗﻪﻳﯟﻩﻥ ﭘﻮﻟﻜﻰ' ﺩﻩﭖ ﺋﯚﺯﮔﻪﺭﺗﻜﻪﻥ.
 
ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﺧﯩﺘﺎﻳﺪﺍ ﺋﯩﺸﻠﻪﭘﭽﯩﻘﯩﺮﯨﻠﻐﺎﻥ ﻫﻪﺭ ﻗﺎﻧﺪﺍﻕ ﻛﻮﻣﭙﻴﯘﺗﯧﺮﻏﺎ "ﻳﯧﺸﯩﻞ ﺗﻮﺳﻤﺎ" ﺗﻮﺭ ﺳﯜﺯﮔﯜﭺ ﻳﯘﻣﺸﺎﻕ ﺩﯦﺘﺎﻟﻰ ﺋﻮﺭﯗﻧﻼﺷﺘﯘﺭﯗﺵ ﺑﯘﻳﺮﯗﻗﻰ ‏ﭘﺎﺕ ﻳﯧﻘﯩﻨﺪﺍ ﺭﻩﺳﻤﯩﻲ ﻳﻮﻟﻐﺎ ﻗﻮﻳﯘﻟﯩﺪﯗ. ﺷﯘ ﻛﯜﻧﺪﯨﻦ ﺑﺎﺷﻼﭖ ﻛﻮﻣﭙﻴﯘﺗﯧﺮ ﺋﯩﺸﻠﻪﭘﭽﯩﻘﯩﺮﯨﺪﯨﻐﺎﻥ ﻫﻪﺭ ﻗﺎﻧﺪﺍﻕ ﻛﺎﺭﺧﺎﻧﺎ ﻣﻪﻫﺴﯘﻻﺗﯩﻐﺎ ﺑﯘ ﺩﯦﺘﺎﻟﻨﻰ ﻗﺎﭼﯩﻠﯩﺸﻰ ﻛﯧﺮﻩﻙ. ﺧﯩﺘﺎﻱ ﻫﯚﻛﯜﻣﯩﺘﻰ ﻣﻪﺯﻛﯘﺭ ﻳﯘﻣﺸﺎﻕ ﺩﯦﺘﺎﻟﻨﯩﯔ ﺳﯧﺮﯨﻖ ﭼﺎﭘﻼﻧﻤﯩﻼﺭﻧﻰ ﺗﻮﺳﺎﺷﻨﻰ ﻣﻪﻗﺴﻪﺕ ﻗﯩﻠﻐﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﻣﻪﻛﺘﻪ.

ﻟﯧﻜﯩﻦ ﻣﻪﺯﻛﯘﺭ ﺑﻪﻟﮕﯩﻠﯩﻤﻪ ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻼﺗﻠﯩﺮﯨﻨﻰ، ﺧﯩﺘﺎﻱ ﭼﻮﯓ ﻗﯘﺭﯗﻗﻠﯘﻗﯩﺪﯨﻜﻰ ﺗﻮﺭ ﻗﻮﻟﻼﻧﻐﯘﭼﯩﻼﺭﻧﻰ ﺷﯘﻧﺪﺍﻗﻼ ﺋﯘﻳﻐﯘﺭ ﺋﯩﻠﯩﺪﯨﻜﻰ ﺗﻮﺭ ﻫﻪﯞﻩﺳﻜﺎﺭﻟﯩﺮﯨﻨﻰ، ﺋﺎﻣﯧﺮﯨﻜﺎ ﯞﻩ ﻳﺎﯞﺭﻭﭘﺎ ﺋﻪﻟﻠﯩﺮﯨﻨﻰ ﺑﯩﺌﺎﺭﺍﻡ ﻗﯩﻠﻤﺎﻱ ﻗﺎﻟﻤﯩﺪﻯ.

ﺋﺎﻣﯧﺮﯨﻜﺎ ﺳﻮﺩﺍ ﻣﯩﻨﯩﺴﺘﯩﺮﻯ ﮔﻪﺭﯨﻲ ﻟﻮ ﯞﻩ ﺋﺎﻣﯧﺮﯨﻜﺎ ﺳﻮﺩﺍ ﯞﻩﻛﯩﻠﻰ ﺭﻭﻥ ﻛﯩﺮﻙ ﺧﯩﺘﺎﻱ ﻫﯚﻛﯚﻣﻪﺕ ﺩﺍﺋﯩﺮﯨﻠﯩﺮﯨﮕﻪ ﺧﻪﺕ ﻳﯧﺰﯨﭗ، ﺧﯩﺘﺎﻳﻨﯩﯔ " ﻳﯧﺸﯩﻞ ﺗﻮﺳﻤﺎ" ﭘﯩﻼﻧﯩﻨﻰ ﺋﻪﺭﻛﯩﻦ ﺳﻮﺩﺍ ﻛﯧﻠﯩﺸﯩﻤﯩﮕﻪ ﺧﯩﻼﭖ، ﺩﻩﭖ ﺋﻪﻳﯩﺒﻠﯩﮕﻪﻥ.

ﺧﯩﺘﺎﻳﻨﯩﯔ ﺋﯩﻨﺘﯧﺮﻧﯧﺘﻜﻪ ﭼﻪﻛﻠﯩﻤﻪ ﻗﻮﻳﯘﭖ، ﭘﯩﻜﯩﺮ ﺋﻪﺭﻛﯩﻨﻠﯩﻜﯩﻨﻰ ﺑﻮﻏﯘﯞﺍﺗﻘﺎﻥ، ﻛﯩﺸﯩﻠﻪﺭﻧﯩﯔ ﻧﺎﺯﯗﻙ ﺳﯩﻴﺎﺳﯩﻲ، ﺋﯩﺠﺘﯩﻤﺎﺋﯩﻲ ﻣﻪﺳﯩﻠﯩﻠﻪﺭﺩﻩ ﺋﻪﺭﻛﯩﻦ ﭘﯩﻜﯩﺮ ﻗﯩﻠﯩﺸﯩﻨﻰ ﭼﻪﻛﻠﻪﯞﺍﺗﻘﺎﻥ ﺩﯙﻟﻪﺕ، ﺩﯦﮕﻪﻥ ﺋﺎﺗﯩﻘﻰ ﺑﺎﺭ.

پىكىر - قاراشلىرىڭىزنى ئوتتۇرىغا قويۇڭ

پىكىر - بايانلىرىڭىز تور باشقۇرغۇچىسى تەرىپىدىن تەستىقلىنىشى كېرەك بولۇپ، تور بەتتە شۇ زامان ئېلان قىلىنمايدۇ. بىر ئاز ۋاقىتتىن كېيىن، پىكىر - بايانلىرىڭىزنىڭ تەستىقلانغان ياكى تەستىقلانمىغانلىقىنى قايتا تەكشۈرۈپ كۆرۈشىگىزنى سورايمىز. پىكىر - قاراشلىرىڭىزنى تۆۋەندىكى جەدۋەل ئارقىلىق، ئۇيغۇر كونا يېزىقى بويىچە يوللىيالايسىز.

ئىسىم (ئىختىيار)

شەھەر (ئىختىيار)

پىكىر - قاراشلىرىڭىز