ﭘﺮﯦﺰﯨﺪﯦﻨﺖ ﺟﻮﺭﺝ ﺑﯘﺵ ﻧﯘﺗﯘﻕ ﺳﯚﺯﻟﻪﭖ، ﺋﯘﻳﻐﯘﺭﻻﺭ ﻗﺎﺗﺎﺭﻟﯩﻖ ﻣﯘﺳﺘﻪﺑﯩﺖ ﺗﯜﺯﯛﻡ ﺋﺎﺳﺘﯩﺪﺍ، ﺩﯨﻨﯩﻲ ﺋﻪﺭﻛﯩﻨﻠﯩﻜﯩﺪﯨﻦ ﻣﻪﻫﺮﯗﻡ ﻗﺎﻟﻐﺎﻥ ﺋﯩﻨﺴﺎﻧﻼﺭﻏﺎ ﻫﯚﺭﻣﻪﺕ ﺑﯩﻠﺪﯛﺭﮔﻪﻥ

14 - ﺋﯩﻴﯘﻝ ﻛﯜﻧﻰ ﺧﻪﻟﻘﺌﺎﺭﺍ ﺩﯨﻨﯩﻲ ﺋﻪﺭﻛﯩﻨﻠﯩﻚ ﻗﺎﻧﯘﻧﻰ ﺋﯧﻼﻥ ﻗﯩﻠﯩﻨﻐﺎﻧﻠﯩﻘﯩﻨﯩﯔ 10 ﻳﯩﻠﻠﯩﻘﯩﻨﻰ ﺧﺎﺗﯩﺮﯨﻠﻪﺵ ﻛﯜﻧﻰ ﭘﺮﯦﺰﯨﺪﯦﻨﺖ ﺟﻮﺭﺝ ﺑﯘﺵ ﻧﯘﺗﯘﻕ ﺳﯚﺯﻟﻪﭖ، ﻫﺎﺯﯨﺮ ﺩﯗﻧﻴﺎﻧﯩﯔ ﺑﯩﺮ ﻗﯩﺴﯩﻢ ﺟﺎﻳﻠﯩﺮﯨﺪﯨﻜﻰ ﻣﯘﺳﺘﻪﺑﯩﺖ ﺗﯜﺯﯛﻡ ﺋﺎﺳﺘﯩﺪﺍ، ﺩﯨﻨﯩﻲ ﺋﻪﺭﻛﯩﻨﻠﯩﻜﯩﺪﯨﻦ ﻣﻪﻫﺮﯗﻡ ﻗﺎﻟﻐﺎﻥ ﻫﻪﻡ ﺩﯨﻨﯩﻲ ﺋﯧﺘﯩﻘﺎﺩ ﻫﻮﻗﯘﻗﻠﯩﺮﻯ ﺩﻩﺧﻠﻰ - ﺗﻪﺭﯛﺯﮔﻪ ﺋﯘﭼﺮﺍﯞﺍﺗﻘﺎﻥ ﺋﯩﻨﺴﺎﻧﻼﺭﻏﺎ ﻫﯚﺭﻣﻪﺕ ﺑﯩﻠﺪﯛﺭﮔﻪﻥ.

ﺟﻮﺭﺝ ﺑﯘﺵ، ﺋﻪﻧﻪ ﺷﯘﻧﺪﺍﻕ ﺩﯨﻨﯩﻲ ﻫﻮﻗﯘﻗﻠﯩﺮﯨﺪﯨﻦ ﻣﻪﻫﺮﯗﻡ ﻗﺎﻟﻐﺎﻥ ﻣﯩﻠﻠﻪﺗﻠﻪﺭﻧﻰ ﺳﺎﻧﺎﭖ، ﺗﯩﺒﻪﺕ ﯞﻩ ﺋﯘﻳﻐﯘﺭﻻﺭﻧﻰ ﺗﯩﻠﻐﺎ ﺋﺎﻟﺪﻯ ﻫﻪﻡ ﺋﯘﻳﻐﯘﺭﻻﺭ ﻫﻪﻗﻘﯩﺪﻩ ﻣﯘﻧﺪﺍﻕ ﺩﯦﺪﻯ: " ﺑﯩﺰ ﺧﯩﺘﺎﻳﺪﺍ ﺩﯨﻨﯩﻲ ﺋﻪﺭﻛﯩﻨﻠﯩﻚ ﺋﯜﭼﯜﻥ ﺋﯩﺰﺩﯨﻨﯩﯟﺍﺗﻘﺎﻥ ﺋﺎﺷﯘ ﻛﯩﺸﯩﻠﻪﺭﻧﻰ ﺋﯘﻧﯘﺗﻤﺎﻳﻤﯩﺰ، ﺑﯩﺰ ﻳﻪﻧﻪ ﺋﯘﻳﻐﯘﺭ ﻣﯘﺳﯘﻟﻤﺎﻧﻠﯩﺮﯨﻐﺎ ﺋﻮﺧﺸﺎﺵ ﺋﯚﺯ ﺋﺎﺯﺍﺩﻟﯩﻘﻰ ﺋﯜﭼﯜﻥ ﺗﯩﺮﻣﯩﺸﯩﯟﺍﺗﻘﺎﻥ ﺋﺎﺷﯘ ﻛﯩﺸﯩﻠﻪﺭﮔﻪ ﺋﯧﻬﺘﯩﺮﺍﻡ ﺑﯩﻠﺪﯛﺭﯨﻤﯩﺰ. ﻣﻪﻥ ﺭﺍﺑﯩﻴﻪ ﻗﺎﺩﯨﺮ ﺑﯩﻠﻪﻥ ﻛﯚﺭﯛﺷﯜﺵ ﺷﻪﺭﯨﭙﯩﮕﻪ ﻣﯘﻳﻪﺳﺴﻪﺭ ﺑﻮﻟﺪﯗﻡ."

ﺋﯘﻳﻐﯘﺭ ﺩﯨﻨﯩﻲ ﯞﻩ ﺋﯩﻨﺴﺎﻥ ﻫﻮﻗﯘﻗﻰ ﭘﺎﺋﺎﻟﯩﻴﻪﺗﭽﯩﻠﯩﺮﻯ ﭘﺮﯦﺰﯨﺪﯦﻨﺖ ﺑﯘﺷﻨﯩﯔ ﺑﯘ ﺳﯚﺯﯨﻨﻰ ﺋﯚﺯﻟﯩﺮﯨﻨﯩﯔ ﭘﺎﺋﺎﻟﯩﻴﻪﺗﻠﯩﺮﯨﮕﻪ ﺟﯜﻣﻠﯩﺪﯨﻦ ﺋﯘﻳﻐﯘﺭﻻﺭﻏﺎ ﺑﯧﺮﯨﻠﮕﻪﻥ ﺋﻪﯓ ﻳﯘﻗﯩﺮﻯ ﺑﺎﻫﺎ ﺩﻩﭖ ﻫﯧﺴﺎﺑﻼﺷﺘﺎ.
ﭘﺮﯦﺰﯨﺪﯦﻨﺖ ﺑﯘﺵ ﻧﯘﺗﻘﯩﺪﺍ ﺩﯨﻨﯩﻲ ﺋﻪﺭﻛﯩﻨﻠﯩﻚ ﻫﻮﻗﯘﻗﯩﻨﯩﯔ ﻛﯩﺸﯩﻠﯩﻚ ﻫﻮﻗﯘﻕ ﻗﺎﻧﯘﻧﻨﯩﯔ ﺑﯩﺮﯨﻨﭽﻰ ﻣﺎﺩﺩﯨﺴﻰ ﺋﯩﻜﻪﻧﻠﯩﻜﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﯘﭖ: "ﺋﯘﻻﺭ ﺑﯩﺮ ﺋﯩﻨﺴﺎﻧﻨﯩﯔ ﺋﻪﯓ ﺋﻪﻗﻪﻟﻠﯩﻲ ﻫﻮﻗﯘﻗﯩﻨﯩﯔ: ﺋﯚﺯﻯ ﻣﯘﯞﺍﭘﯩﻖ ﺩﻩﭖ ﺗﻮﻧﯘﻏﺎﻥ ﺋﯚﺯ ﺋﯩﻼﻫﯩﻐﺎ ﭼﻮﻗﯘﻧﯘﺵ ﻫﻮﻗﯘﻗﻰ ﺋﯩﻜﻪﻧﻠﯩﻜﯩﻨﻰ ﺗﻮﻧﯘﭖ ﻳﻪﺗﻜﻪﻥ" ﺩﯦﺪﻯ.

ﺋﯘ ﻳﻪﻧﻪ ﻣﯘﻧﺪﺍﻕ ﺩﯦﺪﻯ: "ﻳﻪﻧﻪ ﻧﯘﺭﻏﯘﻧﻠﯩﻐﺎﻥ ﺩﯙﻟﻪﺗﻠﻪﺭﺩﻩ ﺋﻪﺭﻛﯩﻨﻠﯩﻜﻨﻰ ﺋﯩﭙﺎﺩﯨﻠﻪﺵ، ﻣﯘﺳﺘﻪﺑﯩﺘﻠﯩﻚ، ﺳﻪﺑﺮﯨﺴﯩﺰﻟﯩﻚ ﯞﻩ ﺯﯗﻟﻤﻪﺕ ﺑﯩﻠﻪﻥ ﺟﯩﻤﯩﻘﺘﯘﺭﯗﻟﯘﭖ ﻛﻪﻟﻤﻪﻛﺘﻪ. ﺷﯘﯕﺎ ﺋﻮﻥ ﻳﯩﻞ ﺋﯩﻠﮕﯩﺮﻯ ﺩﯙﻟﻪﺕ ﻣﻪﺟﻠﯩﺴﻰ ﺋﻪﺯﺍﻟﯩﺮﻯ، ﺩﯨﻨﯩﻲ ﺭﻩﻫﺒﻪﺭﻟﻪﺭ ﯞﻩ ﻛﯩﺸﯩﻠﯩﻚ ﻫﻮﻗﯘﻕ ﭘﺎﺋﺎﻟﯩﻴﻪﺗﭽﯩﻠﯩﺮﻯ، ﺩﯨﻨﯩﻲ ﺋﻪﺭﻛﯩﻨﻠﯩﻜﻨﻰ ﻳﻪﺭ ﺷﺎﺭﯨﻨﯩﯔ ﻫﻪﺭ ﺑﯩﺮ ﺑﯘﻟﯘﯓ ﭘﯘﺷﻘﺎﻗﻠﯩﺮﯨﻐﯩﭽﻪ ﻛﯧﯖﻪﻳﺘﯩﺶ ﺋﯜﭼﯜﻥ ﺑﯩﺮ ﻳﻪﺭﮔﻪ ﻳﯩﻐﯩﻠﻐﺎﻥ ﺋﯩﺪﻯ. ﺧﻪﻟﻘﺌﺎﺭﺍ ﺩﯨﻨﯩﻲ ﺋﻪﺭﻛﯩﻨﻠﯩﻚ ﻗﺎﻧﯘﻧﯩﻲ ﺋﯘﻻﺭﻧﯩﯔ ﺗﯩﺮﯨﺸﭽﺎﻧﻠﯩﻘﯩﻨﯩﯔ ﻣﻪﻫﺴﯘﻟﯩﺪﯗﺭ."

ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﯩﺪﻩ ﺋﯘﻳﻐﯘﺭ ﻣﻪﺩﻩﻧﯩﻴﻪﺕ ﻛﯜﻧﻰ ﭘﺎﺋﺎﻟﯩﻴﯩﺘﻰ ﺋﯚﺗﻜﯜﺯﯛﻟﺪﻯ

ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﯩﻨﯩﯔ ﻛﯩﺸﯩﻠﯩﻚ ﻫﻮﻗﯘﻕ ﮔﯘﺭﯗﭘﭙﯩﺴﻰ ﺑﯩﻠﻪﻥ ﺋﺎﻣﯧﺮﯨﻜﺎ ﺋﯘﻳﻐﯘﺭ ﺑﯩﺮﻟﻪﺷﻤﯩﺴﻰ ﯞﻩ ﺧﻪﻟﻘﺌﺎﺭﺍ ﺋﯘﻳﻐﯘﺭ ﻛﯩﺸﯩﻠﯩﻚ ﻫﻮﻗﯘﻕ ﻓﻮﻧﺪﻯ ﺟﻪﻣﯩﻴﯩﺘﻰ ﺑﯩﺮﻟﯩﻜﺘﻪ 16 ‏ - ﺋﯩﻴﯘﻝ ﻛﯜﻧﻰ، ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﻰ ﺑﯩﻨﺎﺳﯩﺪﺍ 2 ‏ - ﻗﯧﺘﯩﻤﻠﯩﻖ ﺋﯘﻳﻐﯘﺭ ﻣﻪﺩﻩﻧﯩﻴﻪﺕ ﻛﯜﻧﻰ ﭘﺎﺋﺎﻟﯩﻴﯩﺘﻰ ﺋﯚﺗﻜﯜﺯﺩﻯ.

ﺑﯩﺮﯨﻨﭽﻰ ﻗﯧﺘﯩﻤﻠﯩﻖ ﭘﺎﺋﺎﻟﯩﻴﻪﺕ ﺋﯩﻜﻜﻰ ﻳﯩﻞ ﺋﯩﻠﮕﯩﺮﻯ 15 - ﻣﺎﺭﺗﺘﺎ ﺋﯚﺗﻜﯜﺯﯛﻟﮕﻪﻥ ﻫﻪﻣﺪﻩ ﺩﯙﻟﻪﺕ ﻣﻪﺟﻠﯩﺲ ﺋﻪﺯﺍﺳﻰ ﺗﻮﻡ ﻻﻧﺘﻮﺱ ﺋﻪﭘﻪﻧﺪﻯ ﻧﯘﺗﯘﻕ ﺳﯚﺯﻟﯩﮕﻪﻥ ﺋﯩﺪﻯ. ﺑﯘ ﻗﯧﺘﯩﻢ ﻣﻪﺩﻩﻧﯩﻴﻪﺕ ﻛﯜﻧﯩﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﺪﺍ ﺩﯙﻟﻪﺕ ﻣﻪﺟﻠﯩﺴﻰ ﻛﯩﺸﯩﻠﯩﻚ ﻫﻮﻗﯘﻕ ﮔﯘﺭﯗﭘﭙﯩﺴﯩﻨﯩﯔ ﺩﯨﺮﯦﻜﺘﻮﺭﻯ ﺧﺎﻧﺲ ﺋﻪﭘﻪﻧﺪﻯ ﺳﯚﺯ ﻗﯩﻠﯩﭗ، ﺋﯘﻳﻐﯘﺭﻻﺭﻧﯩﯔ ﻣﻪﺩﻩﻧﯩﻴﻪﺕ ﻛﯜﻧﯩﻨﻰ ﺗﻪﺑﺮﯨﻜﻠﯩﺪﻯ. ﺋﯧﭽﯩﻠﯩﺶ ﻣﯘﺭﺍﺳﯩﻤﯩﺪﺍ ﻳﻪﻧﻪ ﺋﯘﻳﻐﯘﺭ ﻣﯩﻠﻠﯩﻲ ﻫﻪﺭﯨﻜﯩﺘﯩﻨﯩﯔ ﺭﻩﻫﺒﯩﺮﻯ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ ﺳﯚﺯ ﻗﯩﻠﯩﭗ، ﺋﺎﻣﯧﺮﯨﻜﺎ ﻫﯚﻛﯜﻣﯩﺘﯩﮕﻪ ﺭﻩﻫﻤﯩﺘﯩﻨﻰ ﯞﻩ ﻣﻪﺯﻛﯘﺭ ﭘﺎﺋﺎﻟﯩﻴﻪﺗﻨﻰ ﺑﺎﺷﻼﭖ ﺑﯧﺮﯨﭗ، ﯞﺍﭘﺎﺕ ﺑﻮﻟﻐﺎﻥ ﻻﻧﺘﻮﺱ ﺋﻪﭘﻪﻧﺪﯨﻨﻰ ﺋﻪﺳﻠﻪﻳﺪﯨﻐﺎﻧﻠﯩﻘﯩﻨﻰ ﺗﻪﻛﯩﺘﻠﻪﭖ ﺋﯚﺗﺘﻰ.

ﻣﻪﺩﻩﻧﯩﻴﻪﺕ ﻛﯜﻧﻰ ﭘﺎﺋﺎﻟﯩﻴﯩﺘﻰ ﺋﯘﻳﻐﯘﺭﻻﺭﻧﯩﯔ ﻣﯩﻠﻠﯩﻲ ﻛﯩﻴﯩﻤﻠﯩﺮﻯ، ﻳﯧﻤﻪﻙ - ﺋﯩﭽﻤﻪﻛﻠﯩﺮﻯ ﯞﻩ ﻣﯩﻠﻠﯩﻲ ﻧﺎﺧﺸﺎ - ﺋﯘﺳﯘﻟﻠﯩﺮﻯ ﻧﺎﻣﺎﻳﻪﻥ ﻗﯩﻠﯩﻨﻐﺎﻥ ﺑﻮﻟﯘﭖ، ﺋﺎﻣﯧﺮﯨﻜﯩﻨﯩﯔ ﺩﯙﻟﻪﺕ ﻣﻪﺟﻠﯩﺴﻰ، ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻜﻰ ﯞﻩ ﺑﺎﺷﻘﺎ ﻣﯘﻧﺎﺳﯩﯟﻩﺗﻠﯩﻚ ﺗﻪﺷﻜﯩﻼﺗﻼﺭﺩﯨﻦ ﻛﻪﻟﮕﻪﻥ ﺋﻪﺭﺑﺎﺑﻼﺭ، ﺋﺎﻣﯧﺮﯨﻜﯩﻠﯩﻖ ﺋﯘﻳﻐﯘﺭ ﻣﻪﺳﯩﻠﯩﺴﻰ ﺗﻪﺗﻘﯩﻘﺎﺗﭽﯩﻠﯩﺮﻯ ﺋﯘﻳﻐﯘﺭ ﺗﺎﺋﺎﻣﻠﯩﺮﻯ ﻫﻪﻡ ﺋﯘﻳﻐﯘﺭ ﺋﯘﺳﯘﻟﻠﯩﺮﯨﺪﯨﻦ ﻫﻮﺯﯗﺭ ﺋﯧﻠﯩﺸﺘﻰ.

ﺩﯙﻟﻪﺕ ﻣﻪﺟﻠﯩﺴﯩﺪﯨﻜﻰ ﺑﯘ ﭘﺎﺋﺎﻟﯩﻴﻪﺗﻜﻪ ﯞﺍﺷﯩﻨﮕﺘﻮﻥ ﺋﻪﺗﺮﺍﭘﻰ ﯞﻩ ﺑﺎﺷﻘﺎ ﺷﯩﺘﺎﺗﻼﺭﺩﯨﻦ ﻛﻪﻟﮕﻪﻥ ﺧﯧﻠﻰ ﻛﻮﭖ ﺳﺎﻧﺪﺍ ﺋﯘﻳﻐﯘﺭﻻﺭ ﻫﻪﻡ ﺋﺎﻣﯧﺮﯨﻜﯩﻠﯩﻖ ﺋﻪﺭﺑﺎﺑﻼﺭ ﺋﯩﺸﺘﯩﺮﺍﻙ ﻗﯩﻠﺪﻯ.

ﺋﯩﻠﻰ ﺗﻪﯞﻩﺳﯩﺪﯨﻜﻰ ﺋﯘﻳﻐﯘﺭﻻﺭ ﺯﯨﭻ ﺟﺎﻳﻼﺭﺩﺍ ﺗﺎﺯﯨﻼﺵ ﺋﯧﻠﯩﭗ ﺑﯧﺮﯨﻠﯩﯟﺍﺗﯩﺪﯗ

ﺋﯩﮕﯩﻠﯩﺸﯩﻤﯩﺰﭼﻪ، ﺋﯩﻜﻜﻰ ﻫﻪﭘﺘﯩﺪﯨﻦ ﺑﯘﻳﺎﻥ ﺋﯘﻳﻐﯘﺭ ﺋﯧﻠﯩﻨﯩﯔ ﺋﯩﻠﻰ ﻗﺎﺯﺍﻕ ﺋﺎﭘﺘﻮﻧﻮﻡ ﺋﻮﺑﻼﺳﺘﻰ ﺗﻪﯞﻩﺳﯩﺪﯨﻜﻰ ﻏﯘﻟﺠﺎ ﺷﻪﻫﯩﺮﯨﻨﻰ ﻣﻪﺭﻛﻪﺯ ﻗﯩﻠﻐﺎﻥ ﻫﻪﺭ ﻗﺎﻳﺴﻰ ﻧﺎﻫﯩﻴﯩﻠﻪﺭﺩﻩ ﺋﺎﻳﺮﯨﻢ - ﺋﺎﻳﺮﯨﻢ ﻫﺎﻟﺪﺍ ﺗﺎﺯﯨﻼﺵ ﻫﻪﺭﯨﻜﯩﺘﻰ ﺋﯧﻠﯩﭗ ﺑﯧﺮﯨﻠﻤﺎﻗﺘﺎ.

ﺋﯩﻨﻜﺎﺳﻼﺭﻏﺎ ﺗﺎﻳﺎﻧﻐﺎﻧﺪﺍ "ﻣﻪﺭﻛﻪﺯﻟﯩﻚ ﺗﺎﺯﯨﻼﺵ،" ﺩﻩﭖ ﻧﺎﻡ ﺑﯧﺮﯨﻠﮕﻪﻥ ﺑﯘ ﻫﻪﺭﯨﻜﻪﺗﻨﯩﯔ ﻧﯩﺸﺎﻧﻰ ﺋﺎﺳﺎﺳﻠﯩﻘﻰ ﺋﯘﻳﻐﯘﺭﻻﺭ ﻛﯚﭖ ﺳﺎﻧﻠﯩﻘﻨﻰ ﺋﯩﮕﯩﻠﻪﻳﺪﯨﻐﺎﻥ ﺋﺎﺗﺎﻟﻤﯩﺶ "ﺗﺎﺳﺎﺩﯨﭙﯩﻲ ﯞﻩﻗﻪﻟﻪﺭ ﻳﯜﺯ ﺑﯧﺮﯨﺶ ﺋﯧﻬﺘﯩﻤﺎﻟﻰ ﺯﻭﺭ ﻳﯧﺰﺍ - ﻛﻪﻧﺖ ﯞﻩ ﻣﻪﻫﻪﻟﻠﯩﻠﻪﺭ" ﮔﻪ ﻗﺎﺭﯨﺘﯩﻠﻐﺎﻥ. ﺑﯘ ﻫﻪﺭﯨﻜﻪﺗﻨﯩﯔ ﺋﻮﺑﻼﺳﺘﻠﯩﻖ ﭘﺎﺭﺗﻜﻮﻡ ﺗﻪﺭﯨﭙﯩﺪﯨﻦ ﭼﯩﻘﯩﺮﯨﻠﻐﺎﻥ ﻗﺎﺭﺍﺭ ﺑﻮﻳﯩﭽﻪ ﺋﯧﻠﯩﭗ ﺑﯧﺮﯨﻠﯩﯟﺍﺗﻘﺎﻧﻠﯩﻘﻰ ﺋﯩﻨﻜﺎﺱ ﻗﯩﻠﯩﻨﻤﺎﻗﺘﺎ.

ﺋﯩﻠﻰ ﺋﻮﺑﻼﺳﺘﻰ ﺝ ﺥ ﺋﯩﺪﺍﺭﯨﺴﯩﻨﯩﯔ " ﻗﯩﺴﻘﺎ ﺧﻪﯞﻩﺭﻟﻪﺭ ﮔﯧﺰﯨﺘﻰ" ﺩﻩ ﺋﯧﻼﻥ ﻗﯩﻠﯩﻨﻐﺎﻥ ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﻼﺭﺩﺍ ﻏﯘﻟﺠﺎ ﺷﻪﻫﻪﺭﻟﯩﻚ ﺝ ﺥ ﺋﯩﺪﺍﺭﯨﺴﻰ ﺗﻮﻏﺮﺍﻕ ﺳﺎﻗﭽﯩﺨﺎﻧﯩﺴﯩﻨﯩﯔ ﻗﺎﺭﻣﯩﻘﯩﺪﯨﻜﻰ ﻫﺎﺟﻰ ﻣﻪﻫﻪﻟﻠﻪ ﯞﻩ ﻗﺎﺭﯨﯟﺍﻱ ﻣﻪﻫﻪﻟﻠﯩﺴﯩﺪﻩ "ﺗﺎﺯﯨﻼﺵ" ﺋﯧﻠﯩﭗ ﺑﺎﺭﻏﺎﻧﻠﯩﻘﯩﻨﻰ، ﻣﻪﺯﻛﯘﺭ ﻣﻪﻫﻪﻟﻠﯩﺪﯨﻜﻰ 279 ﺋﺎﺋﯩﻠﯩﻨﯩﯔ ﺗﺎﺯﯨﻼﻧﻐﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﮔﻪﻥ ﺑﻮﻟﺴﯩﻤﯘ، ﻟﯧﻜﯩﻦ ﻗﺎﻧﭽﯩﻠﯩﻚ ﺋﺎﺩﻩﻣﻨﯩﯔ ﻗﻮﻟﻐﺎ ﺋﯧﻠﯩﻨﻐﺎﻧﻠﯩﻘﻰ ﻫﻪﻗﻘﯩﺪﻩ ﻫﯧﭽﻨﯧﻤﻪ ﺩﯦﻤﯩﮕﻪﻥ.

ﺗﻮﻏﺮﺍﻗﺘﯩﻜﻰ ﺳﺎﻗﭽﯩﺨﺎﻧﯩﻨﯩﯔ ﺑﯩﺮ ﺧﺎﺩﯨﻤﻰ ﻣﯘﺧﺒﯩﺮﯨﻤﯩﺰﻧﯩﯔ ﺗﯧﻠﯧﻔﻮﻥ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﯩﭗ، ﺗﺎﺯﯨﻼﺵ ﻫﻪﺭﯨﻜﯩﺘﻰ ﺋﯧﻠﯩﭗ ﺑﯧﺮﯨﻠﯩﯟﺍﺗﻘﺎﻧﻠﯩﻘﯩﻨﻰ ﺋﯧﺘﯩﺮﺍﭖ ﻗﯩﻠﻐﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﻫﻪﺭﯨﻜﻪﺗﻨﯩﯔ ﺗﻪﭘﺴﯩﻠﯩﻲ ﺋﻪﻫﯟﺍﻟﻰ ﺋﯜﺳﺘﯩﺪﻩ ﺗﻮﺧﺘﯩﻠﯩﺸﻨﻰ ﺭﻩﺕ ﻗﯩﻠﺪﻯ.

ﺧﯩﺘﺎﻱ ﻫﯚﻛﯜﻣﯩﺘﻰ ﺋﺎﻟﯩﻲ ﻣﻪﻛﺘﻪﭖ ﭘﯜﺗﺘﯜﺭﮔﻪﻥ ﺧﯩﺘﺎﻱ ﻳﺎﺷﻠﯩﺮﯨﻨﻰ ﺋﯘﻳﻐﯘﺭ ﺩﯨﻴﺎﺭﯨﻐﺎ ﻳﯚﺗﻜﯩﻤﻪﻛﺘﻪ

ﺧﯩﺘﺎﻳﻨﯩﯔ ﺷﯩﻨﺨﯘﺍ ﺧﻪﯞﻩﺭ ﺗﻮﺭﯨﺪﯨﻜﻰ ﺋﯘﭼﯘﺭﺩﯨﻦ ﺋﺎﺷﻜﺎﺭﯨﻠﯩﻨﯩﺸﯩﭽﻪ، ﺑﯘ ﻳﯩﻞ "ﻏﻪﺭﺑﯩﻲ ﺭﺍﻳﻮﻧﻼﺭﻧﻰ ﺋﯧﭽﯩﺶ ﭘﯩﺪﺍﺋﯩﻴﻠﯩﺮﻯ" ﺩﯦﮕﻪﻥ ﻧﺎﻡ ﺑﯩﻠﻪﻥ ﺋﯘﻳﻐﯘﺭ ﺋﯧﻠﯩﮕﻪ ﻳﻪﻧﻪ 908 ﻧﻪﭘﻪﺭ ﺋﺎﻟﯩﻲ ﻣﻪﻛﺘﻪﭖ ﭘﯜﺗﺘﯜﺭﮔﻪﻥ ﺧﯩﺘﺎﻱ ﺋﻮﻗﯘﻏﯘﭼﻰ ﺋﻪﯞﻩﺗﯩﻠﯩﺪﯨﻐﺎﻥ ﺑﻮﻟﯘﭖ، ﺧﻪﯞﻩﺭﺩﻩ ﻛﯚﺭﺳﯩﺘﯩﻠﯩﺸﯩﭽﻪ، ﺋﺎﻟﯩﻲ ﻣﻪﻛﺘﻪﭖ ﭘﯜﺗﺘﯜﺭﮔﻪﻥ ﺑﯘ ﺧﯩﺘﺎﻱ ﻳﺎﺷﻼﺭ ﺋﯘﻳﻐﯘﺭ ﺋﯧﻠﯩﺪﯨﻜﻰ ﺑﯩﯖﺘﯘﻩﻧﻨﯩﯔ ﺋﻮﺭﮔﺎﻧﻠﯩﺮﯨﻐﺎ ﺗﻪﻗﺴﯩﻢ ﻗﯩﻠﯩﻨﻐﺎﻥ.

ﻫﯚﻛﯜﻣﻪﺕ ﺑﯘ ﻳﺎﺷﻼﺭﻧﻰ ﻳﺎﺧﺸﻰ ﺧﯩﺰﻣﻪﺕ ﯞﻩ ﻣﺎﺋﺎﺵ ﻗﺎﺗﺎﺭﻟﯩﻘﻼﺭﺩﯨﻦ ﺑﻪﻫﺮﯨﻤﻪﻥ ﻗﯩﻠﺪﯗﺭﯗﭖ، ﺋﯘﻻﺭﻧﯩﯔ ﺋﯘﻳﻐﯘﺭ ﺋﯧﻠﯩﻐﺎ ﻣﺎﻛﺎﻧﻠﯩﺸﯩﺸﯩﻨﻰ ﺗﻪﺷﻪﺑﺒﯘﺱ ﻗﯩﻠﻐﺎﻥ. "ﭘﯩﺪﺍﺋﯩﻴﻼﺭ" ﻧﺎﻣﻰ ﺋﺎﺳﺘﯩﺪﺍ ﺋﯩﭽﻜﯩﺮﯨﺪﯨﻦ ﻳﺎﺷﻼﺭﻧﻰ ﻳﯚﺗﻜﻪﺵ ﺑﯩﺮ ﻗﺎﻧﭽﻪ ﻳﯩﻠﻼﺭﺩﯨﻦ ﺑﯘﻳﺎﻥ ﺩﺍﯞﺍﻣﻠﯩﺸﯩﯟﺍﺗﻘﺎﻥ ﺑﻮﻟﯘﭖ، ﺧﯩﺘﺎﻱ ﻣﻪﺗﺒﯘﺋﺎﺗﻠﯩﺮﯨﺪﺍ ﺑﯘ ﻳﺎﺷﻼﺭﻧﯩﯔ ﺧﯧﻠﻰ ﻛﯚﭘﯩﻨﯩﯔ ﭘﺎﺭﺗﻜﻮﻡ ﺳﯧﻜﺮﯨﺘﺎﺭﻯ ﯞﺍﯕﻠﯧﭽﯘﺋﻪﻧﻨﯩﯔ ﻳﯘﺭﺗﻰ ﺷﻪﻧﺪﯗﯓ ﺋﯚﻟﻜﯩﺴﯩﺪﯨﻦ ﺋﯩﻜﻪﻧﻠﯩﻜﻰ ﺑﯩﻠﺪﯛﺭﯛﻟﻤﻪﻛﺘﻪ.

ﻟﻮﻧﺪﻭﻧﺪﯨﻜﻰ ﺋﯘﻳﻐﯘﺭ ﻧﺎﺧﺸﺎ - ﺋﯘﺳﯘﻝ ﺋﯚﻣﯩﻜﻰ ﺳﻪﻧﺌﻪﺕ ﺑﺎﻳﺮﯨﻤﯩﻐﺎ ﻗﺎﺗﻨﺎﺷﺘﻰ

ﻟﻮﻧﺪﻭﻥ ﺋﯘﻳﻐﯘﺭ ﻧﺎﺧﺸﺎ - ﺋﯘﺳﯘﻝ ﺋﯚﻣﯩﻜﻰ 7 - ﺋﺎﻳﻨﯩﯔ 12 - ﻛﯜﻧﻰ ﻟﻮﻧﺪﻭﻥ ﺷﻪﻫﯩﺮﯨﺪﯨﻜﻰ ﭘﺎﺩﯨﺸﺎﻫﻠﯩﻖ ﺑﺎﻏﭽﯩﺴﯩﺪﺍ ﺋﯚﺗﻜﯜﺯﯛﻟﮕﻪﻥ ﺋﻪﻧﮕﻠﯩﻴﯩﮕﻪ ﻛﯚﭼﯜﭖ ﻛﻪﻟﮕﻪﻥ ﻣﯩﻠﻠﻪﺗﻠﻪﺭﻧﯩﯔ ﺳﻪﻧﺌﻪﺕ ﺑﺎﻳﺮﯨﻤﯩﻐﺎ ﻗﺎﺗﻨﺎﺷﺘﻰ.

ﻫﻪﺭ ﻳﯩﻠﻰ ﺋﯚﺗﻜﯜﺯﯛﻟﯩﺪﯨﻐﺎﻥ ﺑﯘ ﺳﻪﻧﺌﻪﺕ ﺑﺎﻳﺮﯨﻤﯩﻐﺎ ﺑﯘ ﻳﯩﻞ ﻣﺎﻛﯧﺪﻭﻧﯩﻴﻪ، ﺑﻮﺳﻨﯩﻴﻪ، ﻛﯘﺑﺎ ﯞﻩ ﺗﯜﺭﻛﯩﻴﻪ ﻗﺎﺗﺎﺭﻟﯩﻖ 20 ﺩﯙﻟﻪﺕ ﯞﻩ ﺭﺍﻳﻮﻧﺪﯨﻦ ﻛﻪﻟﮕﻪﻥ ﺳﻪﻧﺌﻪﺕ ﺋﯚﻣﯩﻜﻰ ﻗﺎﺗﻨﺎﺷﻘﺎﻥ ﺑﻮﻟﯘﭖ، ﻟﻮﻧﺪﻭﻥ ﺋﯘﻳﻐﯘﺭ ﺳﻪﻧﺌﻪﺕ ﺋﯚﻣﯩﻜﻰ ﺑﯩﺮﯨﻨﭽﻰ ﺑﻮﻟﯘﭖ ﺳﻪﻫﻨﯩﮕﻪ ﭼﯩﻘﯩﭗ، ﺋﯘﻳﻐﯘﺭ ﻧﺎﺧﺸﺎ - ﻣﯘﺯﯨﻜﯩﻠﯩﺮﯨﻨﻰ ﺋﻮﺭﯗﻧﺪﯨﻐﺎﻥ ﺷﯘﻧﯩﯖﺪﻩﻙ ﺳﻪﻫﻨﯩﺪﻩ ﺋﯘﻳﻐﯘﺭﻻﺭﻧﯩﯔ ﺗﺎﺭﯨﺨﻰ، ﻛﯩﻤﻠﯩﻜﻰ ﯞﻩ ﻫﺎﺯﯨﺮﻗﻰ ﯞﻩﺯﯨﻴﯩﺘﻰ ﻫﻪﻗﻘﯩﺪﻩ ﻗﯩﺴﻘﯩﭽﻪ ﻣﻪﻟﯘﻣﺎﺕ ﺑﯧﺮﯨﭗ ﺋﯚﺗﯜﻟﮕﻪﻥ.

ﻟﻮﻧﺪﻭﻥ ﺋﯘﻳﻐﯘﺭ ﺋﺎﻧﺴﺎﻣﺒﯩﻠﻰ ﺑﯩﺮ ﻗﺎﻧﭽﻪ ﻳﯩﻠﻼﺭﺩﯨﻦ ﺑﯘﻳﺎﻥ ﻫﻪﺭ ﻗﺎﻳﺴﻰ ﺟﺎﻳﻼﺭﺩﺍ ﺋﯘﻳﻐﯘﺭﭼﻪ ﻧﺎﺧﺸﺎ - ﻣﯘﺯﯨﻜﯩﻼﺭﻧﻰ ﺋﻮﺭﯗﻧﺪﺍﭖ، ﺋﻪﻧﮕﯩﻠﯩﻴﯩﻠﯩﻜﻠﻪﺭﮔﻪ ﺋﯘﻳﻐﯘﺭ ﺳﻪﻧﺌﯩﺘﯩﻨﻰ ﻧﺎﻣﺎﻳﻪﻥ ﻗﯩﻠﻤﺎﻗﺘﺎ.

ﺑﯩﺮ ﻗﯩﺴﯩﻢ ﺧﻪﻟﻘﺌﺎﺭﺍ ﺗﻪﺷﻜﯩﻼﺗﻼﺭ، ﭘﺮﯦﺰﯨﺪﯦﻨﺖ ﺑﯘﺷﻨﻰ ﺧﯩﺘﺎﻳﻐﺎ ﻛﯩﺸﯩﻠﯩﻚ ﻫﻮﻗﯘﻕ ﻣﻪﺳﯩﻠﯩﻠﯩﺮﯨﺪﻩ ﺑﯧﺴﯩﻢ ﺋﯩﺸﻠﯩﺘﯩﺸﻜﻪ ﭼﺎﻗﯩﺮﺩﻯ

ﺋﺎﻣﯧﺮﯨﻜﺎ ﺩﯨﻨﯩﻲ ﺋﻪﺭﻛﯩﻨﻠﯩﻚ ﻛﻮﻣﯩﺘﯧﺘﻰ، ﺧﻪﻟﻘﺌﺎﺭﺍ ﻛﻪﭼﯜﺭﯛﻡ ﺗﻪﺷﻜﯩﻼﺗﻰ ﻗﺎﺗﺎﺭﻟﯩﻖ ﺧﻪﻟﻘﺌﺎﺭﺍ ﺗﻪﺷﻜﯩﻼﺗﻼﺭ، ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﻰ ﺟﻮﺭﺝ ﺑﯘﺷﻨﯩﯔ 8 - ﺋﺎﻳﺪﺍ ﺑﯧﻴﺠﯩﯖﻐﺎ ﺋﻮﻟﯩﻤﭙﯩﻚ ﻳﯩﻐﯩﻨﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻐﺎ ﺑﺎﺭﻏﺎﻧﺪﺍ ﺧﯩﺘﺎﻳﻐﺎ ﻛﯩﺸﯩﻠﯩﻚ ﻫﻮﻗﯘﻕ ﻣﻪﺳﯩﻠﯩﻠﯩﺮﯨﺪﻩ ﻗﺎﺗﺘﯩﻘﺮﺍﻕ ﺑﻮﻟﯘﺷﯩﻨﻰ ﺗﻪﻟﻪﭖ ﻗﯩﻠﻐﺎﻥ.

ﺋﺎﻣﯧﺮﯨﻜﺎ ﺧﻪﻟﻘﺌﺎﺭﺍ ﺩﯨﻨﯩﻲ ﺋﻪﺭﻛﯩﻨﻠﯩﻚ ﻛﻮﻣﯩﺘﯧﺘﻰ، ﺧﻪﻟﻘﺌﺎﺭﺍ ﻛﻪﭼﯜﺭﯛﻡ ﺗﻪﺷﻜﯩﻼﺗﻰ ﻗﺎﺗﺎﺭﻟﯩﻖ ﺋﻮﺭﮔﺎﻧﻼﺭ ﺋﺎﺭﻗﺎ - ﺋﺎﺭﻗﯩﺪﯨﻦ ﺋﺎﺧﺒﺎﺭﺍﺕ ﺋﯧﻼﻥ ﻗﯩﻠﯩﭗ، ﭘﺮﯦﺰﯨﺪﯦﻨﺖ ﺑﯘﺷﺘﯩﻦ ﺑﯧﻴﺠﯩﯖﺪﺍ ﺧﯩﺘﺎﻱ ﺭﻩﺋﯩﺴﻰ ﺧﯘ ﺟﯩﻨﺘﺎﯞ ﺑﯩﻠﻪﻥ ﺳﯚﺯﻟﻪﺷﻜﻪﻧﺪﻩ ﺧﯩﺘﺎﻱ ﻛﯩﺸﯩﻠﯩﻚ ﻫﻮﻗﯘﻕ ﺧﺎﺗﯩﺮﯨﺴﯩﮕﻪ ﺋﺎﺋﯩﺖ ﺑﯩﺮ ﻗﺎﺗﺎﺭ ﻣﻪﺳﯩﻠﯩﻠﻪﺭﻧﻰ ﺋﻮﺗﺘﯘﺭﯨﻐﺎ ﻗﻮﻳﯘﺷﯩﻨﻰ ﻛﯚﺭﺳﯩﺘﯩﭗ، ﺧﯩﺘﺎﻳﻨﯩﯔ ﻛﯩﺸﯩﻠﯩﻚ ﻫﻮﻗﯘﻕ ﯞﻩﺯﯨﻴﯩﺘﯩﮕﻪ ﺋﺎﺋﯩﺖ ﺑﯩﺮ ﻗﺎﺗﺎﺭ ﻣﻪﺳﯩﻠﯩﻠﻪﺭﻧﻰ ﺋﻪﺳﻠﯩﺘﯩﭗ ﺋﯚﺗﺘﻰ.