Һейт күни қирғизистандики моһтаҗ уйғурларға гөш тарқитилди

Ихтийарий мухбиримиз фирузә
2017-09-05
Елхәт
Пикир
Һәмбәһр
Принт
  • Принт
  • Һәмбәһр
  • Пикир
  • Елхәт
Мәркизи германийәниң дүссәлдорф шәһиридә турушлуқ журналист рәҗәп атәш әпәнди моһтаҗ аилиләргә қурбанлиқ тарқатти. 2017-Йили 1-Сентәбир, қирғизистан.
Мәркизи германийәниң дүссәлдорф шәһиридә турушлуқ журналист рәҗәп атәш әпәнди моһтаҗ аилиләргә қурбанлиқ тарқатти. 2017-Йили 1-Сентәбир, қирғизистан.
RFA/Firuze

Үч йилдин буйан қирғизистандики «иттипақ» җәмийити чу вилайитиниң йеза-Шәһәрлиридә моһтаҗ аилиләргә қурбанлиқларни тарқитип кәлмәктә.

1-Сентәбир күни қирғизистандики уйғурлар дөләттә йашаватқан һәммә мусулман хәлқләр билән бирликтә улуғ қурбан һейт намизи оқуди. Байрам ибадәтлири мәмликәтлик мәсчитләрдә вә бишкәк шәһириниң мәркизий мәйданида оқулди.

Қирғизистан уйғурлири «иттипақ» җәмийити уйуштурған қурбанлиқ тарқитиш комитетиниң әзалири артиқ һаҗийеф башчилиқида һейт намизидин кейин сахавәтлик ишларни башлиди.

Үч йилдин буйан «иттипақ» җәмийити қирғизистан тәвәсидики чу вилайитиниң уйғурлар көп санда йашаватқан йеза-Шәһәрлиридә моһтаҗ аилиләргә қурбанлиқларни тарқитип кәлмәктә. Шундақла 2016-Йилдин башлап җәнубий вилайәтлиридиму қурбанлиқ қилиниватиду. Һәр йили йардәм көрситилгән аилиләрниң сани көпийиватиду.

Қирғизистанға германийә шәрқий түркистан учур мәркизидин абдуҗелил қарақаш әпәнди арқилиқ 2015-Йили 400 ошуқ аилиләргә биринчи қетим қурбанлиқ әвәтилгән иди.

Бу йили, германийәниң дйуселдорф шәһиридики түрк қериндашлардин журналист рәҗәп атәш әпәнди қирғизистанға вәкил болуп келип, һәр қайси милләтләрдин 2000 ға йеқин моһтаҗ аилиләргә қурбанлиқ тарқитилди.

Иттипақ җәмийитиниң ақ-Сақаллар кеңишиниң рәиси мирзаким абдулов қурбанлиқ пәқәт уйғурларға әмәс, әмма қирғиз, өзбек, татар вә башқа милләтләрдики мискин аилиләргә тарқитилғанлиқини ейтти.

Қурбанлиқ тарқитиш комитети бу үч йилдин буйан сахавәт ишлирини илгири сүрүп кәлмәктә. Дәсләп йезилардики йигит башлири тәрипидин йетим-Мискинләрниң тизимлики тәййарланди, пакиз қушханилар талланди. Дәсләп йезилардин, андин шәһәрләрдин йигит башлири тәклип қилинип һалал гөшләр мәһәллиләргә әвәтилди.

Бу йили германийәдики шәрқий түркистан учур мәркизи қирғизистан уйғурлири «иттипақ» җәмийитиниң һәмкарлиқида һейтниң үч күн ичидә чу вилайитидә 200 дин ошуқ қой қурбан қилинди. Җәнуб тәвәсидики ош, җалал-Абад вә өзгән вилайәтлиридә он бир буқа қурбанлиққа сойулди. Шундақла түркийәдики шәрқий түркистан « маарип» җәмийити тәрипидин 50 қой қурбанлиқ қилинди. Бу йили қурбанлиқ гөш биринчи қетим иссиқ көл вилайитиниң қара-Қол шәһиридики уйғур җамаәтчиликигә әвәтилди.

Қирғизистан уйғурлири «иттипақ» җәмийитиниң рәиси артиқ һаҗийеф мушу сахавәтлик ишлар қилиниватқанлиқи үчүн йардәм көрсәткән мәркәзләр вә шәхсләргә рәһмитини билдүрди.

Қирғизистан уйғурлири «иттипақ» җәмийитиниң муһим бир чарилиридин бири -Қирғизистан вә дунйа бойичә уйғурларни тонуштуруш: уйғур хәлқиниң мәдәнийәт байлиқлири, өрп-Адәтләрниң қиммитини көрситиштур. Әлвәттә қирғизистан пуқралири уйғур хәлқигә рәһмитини билдүрүп турмақта.

Һазир қирғизистанда һөкүмәт санлиқ мәлумати бойичә 60 миң әтрапида уйғур йашайду. Уйғурлар өзлири болса, әмәлийәттә уйғурларниң униңдин көп икәнликини ейтишмақта. Уйғурлар өзлириниң тили, мәдәнийити, өрп-Адәтлирини йахши сақлап қалған. Қирғизистан һөкүмити дини етиқад әркинликигә йол қойғанлиқи үчүн уйғурлар дини паалийәтлири шуниңдәк миллий мәдәнийәт паалийәтлирини давамлиқ елип бармақта.

Пикирләр (0)
  • Принт
  • Һәмбәһр
  • Елхәт
Толуқ бәт