D u q rehberliri b d t yighida uyghur diyarining eng yéqinqi weziyitini anglatmaqta

Ixtiyariy muxbirimiz ekrem
2017-11-29
Élxet
Pikir
Hembehr
Print
  • Print
  • Hembehr
  • Pikir
  • Élxet
Soldin onggha: d u q programma yétekchisi pitér irwén, d u q re'isi dolqun eysa we qurultay xadimi rayin ependiler b d t binasi aldida xatire sürette. 2017-Yili 29-noyabir, jenwe.
Soldin onggha: d u q programma yétekchisi pitér irwén, d u q re'isi dolqun eysa we qurultay xadimi rayin ependiler b d t binasi aldida xatire sürette. 2017-Yili 29-noyabir, jenwe.
RFA/Ekrem

Dunya uyghur qurultiyining re'isi dolqun eysa bashliq bir guruppa wekiller jenwediki b d t shtabida chaqirilghan bir qatar yighinlargha qatniship, uyghur diyarida künsayin keskinlishiwatqan éghir weziyetni anglatmaqta.

D u q ning re'isi dolqun eysa ependining b d t ning jenwediki bash shtabidin bergen melumatlirigha asaslan'ghanda, d u q ning 3 kishidin terkib tapqan wekiller ömiki 29-noyabirdin étibaren b d t diki pa'aliyetlirini bashliwetken.

Dolqun eysa bashliq qurultay wekilliri bügün b d t ning bezi yighinlirigha qatnashqan. D u q xadimliri bezi döletlerning b d t diki elchiliri bilen söhbet élip barghan we b d t alahide xadimliri bilenmu uchrashqan.

D u q ning programma yétekchisi pétér irwin ependimu ziyaritimizni qobul qilip, d u q rehberlirining b d t diki pa'aliyetlirining netijilik dawam qiliwatqanliqini tilgha aldi. U mundaq dédi: "bügünki yighinlarda uyghurlar duch kéliwatqan éghir weziyetler heqqide melumat bérish we xitayning zulum siyasitini pash qilish jehette belgilik netije qazanduq, dep oylaymen. Meyli b d t xadimliri bilen bolghan uchrishishlarda bolsun yaki herqaysi döletlerning b d t diki elchiliri bilen élip barghan söhbetler dawamida bolsun we yaki kishilik hoquq teshkilatlirining mesulliri bilen ötküzgen söhbetler jeryanida bolsun, uyghurlarning paji'elik hayatini tonushturup, köpligen kishilerde uyghurlargha nisbeten hésdashliq qozghiduq. Etidin bashlap az sanliqlar munbiri yighinida téximu köp pa'aliyet qilish pursitimiz bolidu."

D u q rehberliri etidin bashlap b d t diki "az sanliqlar munbiri" yighinigha qatnishidiken. Dolqun eysa ependi bu yighinda otturigha qoymaqchi bolghan uyghurlar mesilisige a'it témilar heqqide melumat berdi. Dolqun eysa ependi yene etiki yighinda bir qisim guwahchilarni teklip qilip, uyghur diyaridiki qazaq, qirghiz qatarliq az sanliq milletler mesilisinimu nuqtiliq küntertipke ekélidighanliqini bildürdi.

Toluq bet