“Insaniyetke qarita ötküzülgen jinayetler” mawzuluq yighinda muhim teklipler otturigha qoyuldi

Uyghurlarning kishilik hoquq weziyiti heqqidiki xelq'araliq yighin'gha qatnashquchilar xatire sürette. 2014-Yili 16-aprél, myunxén.

14-Apréldin 16-aprélghiche gérmaniyede chaqirilghan xelq'araliq yighin qatnashchiliri iz-déreksiz ghayib bolghan, xalighanche tutqun qilin'ghan we sotsiz öltürülgen Uyghurlar mesilisini tepsiliy otturigha qoyup, némilerni qilish toghrisida pikir birlikige keldi.

Yawropa döletliri, awstraliye, rusiye, qazaqistan, qirghizistan we türkiye qatarliq 15 dölettin kelgen 60 etrapida Uyghur qatnashqan, chet'ellik we Uyghur mutexessislerdin bolup 13 kishi doklat bergen yighin 16-aprél küni ghelibilik axirlashti.

Yighinda iz-déreksiz ghayib bolghanlar, xalighanche tutqun qilin'ghanlar toghrisida matériyal toplash, dawamliq halda ularning tizimlikini turghuzush, bular toghrisida igilen'gen melumatlarni ijtima'iy taratqular arqiliq dunyagha tarqitish shundaqla bular toghrisida igilen'gen melumatlarni her xil tillargha terjime qilip, her qaysi döletlerning parlaméntlirigha sunush qatarliq mesililerde hem pikir boldi.

Yighin toghrisida téximu tepsiliy melumat igilesh üchün bu yighinni uyushturghan d u q ning ijra'iye komitéti mudiri dolqun eysa ependi we adwokat nuri türkel ependiler bilen söhbet élip barduq.