5 - Iyuldin kéyin iz - Déreksiz ghayip bolghanlar (38) - Nijat qurban

Muxbirimiz shöhret hoshur
2014-06-06
Élxet
Pikir
Hembehr
Print
  • Print
  • Hembehr
  • Pikir
  • Élxet
5-Iyul weqesidin kiyin ghayib bolghan kishiler (sol terep yuqiridin saet istirilikisining yönilishi boyiche): memetabla abduréhim, zakir memet, muxter mexet, tursunjan toxti
5-Iyul weqesidin kiyin ghayib bolghan kishiler (sol terep yuqiridin saet istirilikisining yönilishi boyiche): memetabla abduréhim, zakir memet, muxter mexet, tursunjan toxti
Photo: RFA


5 - Iyul weqesining 6 - Yilliq xatire küni yéqinlashmaqta. Mezkur weqedin qalghan untulmas xatirilerdin biri - Iz - Déreksiz ghayip bolghanlar mesilisi. Bezi közetküichlerning qarishiche, yéqidin buyan uyghur milliy qarshliq heriketlirining barghanséri küchiyip kétishide, 5 - Iyuldin kéyin iz - Déreksiz ghayip bolghanlar heqqide xitayning hazirgha qeder héchqandaq jawab bermeslikidin ibaret, bir qanun dölitige xas bolmighan, eksiche neq bir qaraqchilar guruhini eslitidighan zorawan qilmishning muhim roli bar.

Emma, xitay dairiliri xelqara ammiwiy teshkilatlarning bu heqtiki jiddiy tenqidlirige pisent qilmay, ghayiplar mesilisidiki banditlargha xas pozitsiyesini dawamlashturmaqta. Kimliki téxi yéqinda éniqlanghan atushning azaq yézisidiki 22 yashliq nijat qurbanning ghayip bolush jeryani we uning atisining shikayetliri yuqiriqi weziyetni eks ettürmekte.

Melum bolushiche, ghayip nijat qurban atushning azaq yéza yuqiri ishtachi kent, 5 - Mehellisidin. 2009 - Yili tajikistanda tijaret qiliwatqan 22 yashliq nijat qurban, 5 - Iyul weqesidin biraz awwal ürümchige kelgen bolup, tajikistangha qaytqiche bolghan ariliqtiki bu qisqa mezgilde bu palaketchilikke yoluqqan. Ürümchidiki sodiger akisining öyide turuwatqan nijat qurban 5 - Iyuldin bir kün kéyin ürümchining bulaqbéshi yeni senshixangza mehellisidiki bir dostining öyide parangliship olturghan mezgilde ikki dosti bilen birlikte tutup kétilgen. Arisida peqet birsila uyghur, qalghanliri xitay bolghan bir saqchi etriti öyge bésip kirip, ularning maykilirini béshigha örüp, putliridiki ayaqlirini chiqirip tashlap yérim yalingach we yalangayaq mangghuzup öydin achiqip ketken. Tutqunlar awwal bulaqbéshidiki jenubiy qowuq yeni nengüen saqchixanisigha aprilghan, etisi kechte shisen türmisige yötkigen. Shisen türmiside nijat qurban ikki dostidin ayrim bir kamirgha qamalghan. Uning ikkisi dostidin biri tutulup 3 aydin, yene birsi 6 aydin kéyin qoyuwétilgen, emma nijat qurbanning nediliki we aqiwiti heqqide ailisige saqchilar ta bügünge qeder melumat bermigen. Nijat qurbanning dadisi balisining dérikini qilip atush sheherlik saqchi idarisigha barghinida sheherlik saqchidiki xitay bashliqning qopal muamilisige uchrighan. U ürümchige izdep béripmu héchqandaq melumatqa érishelmigen. Nijat qurbanning dadisimu xuddi bashqa ghayiplar aile - Tawabiatigha oxshashla, balisining hökümettin tirikini emes, uchurini sorawatqanliqini, arzusining bir ölüm murasimi ötküzüp qelblirige teselliy tépish ikenlikini bayan qilishmaqta. Emma mana bu addiy, eqelliy telepmu xitay dairiliri teripidin yenila ret qilinmaqta.

Toluq bet