Gollandiyediki Uyghurlar aptonomiyining aldamchiliq ikenlikini bildürüshti

Ixtiyariy muxbirimiz pida'iy
2015.10.02
gollandiye-1-october-namayishidin-korunushler-1.jpg Gollandiyediki Uyghurlar denhax shehirige jaylashqan xitay konsulxanisi aldida aptonomiyining aldamchiliq ikenlikini bildürüp, élip barghan namayishidin körünüsh. 2015-Yili 1-öktebir.
RFA/Pida’iy

2015‏-Yili 1‏-öktebir xitay kommunist hakimiyitining 65 yilliqi we atalmish shinjang Uyghur aptonom rayoni qurulghanliqining 60 yilliqi tebrikliniwatqan bu künde, chet'ellerde yashawatqan Uyghurlar özliri turuwatqan döletlerde türlük pa'aliyetlerni teshkillep, xitay hakimiyitining zulumi we tajawuzchiliqlirigha qarshi naraziliqini ipadilidi.

Jümlidin gollandiyediki Uyghurlarmu 1‏-öktebir gollandiyening denhax shehirige jaylashqan xitay konsulxanisi aldida namayish pa'aliyiti élip bardi.

“Gollandiye Uyghur birliki teshkilati” uyushturghan bu pa'aliyetke “Yawropa sherqiy türkistan ma'arip jem'iyiti” ezaliri hemdemde boldi.

Namayishchi Uyghurlar shu yer waqti chüsh sa'et 12 din bir yérimge qeder xitay hakimiyitining sherqiy türkistandiki tajawuzchiliqliri we assimilyatsiye heriketliri tenqid qilin'ghan pilaka-lozunkilirini xitay konsulxanisi aldida tiklep, ay-yultuzluq kök bayraqlirini lepildetti. Jarangliq sho'arliri bilen xitayning 60 yildin buyanqi qilmish-etmishlirini eyiblidi we ghezep-nepritini ipadilidi.

Pa'aliyette ziyaritimizni qobul qilghan gollandiye Uyghur birliki teshkilatining mes'uli sadiqjan seley ependi pa'aliyettin uchur berdi. Pa'aliyet ishtirakchiliridin bezilirimu özlirining yürek sözlirini radi'o anglighuchilirimiz bilen ortaqlashti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.