«Kespiy maharet bilen terbiyilesh merkizi» ning kursanti: béshimgha qara xalta keydürülüp élip kélindim

Muxbirimiz shöhret hoshur
2017-08-11
Élxet
Pikir
Hembehr
Print
  • Print
  • Hembehr
  • Pikir
  • Élxet
Uyghur élining melum rayonidiki öginishke yighiwélinghan uyghurlar.
Uyghur élining melum rayonidiki öginishke yighiwélinghan uyghurlar.
ts.cn

Ghulja nahiyiside kespiy maharet bilen terbiyilesh nami astida échilghan yépiq terbiyilesh merkizining omumiy ehwali heqqidiki éniqlashlirimiz dawamida, ailisi bilen munasiwiti pütünley késilgen halette  mejburiy terbiyiliniwatqan bu 1500 etrapidiki kishige siyasiy-Qanun sahesidin bashqa, maarip sahesidiki aktip partiye ezaliriningmu hemkarlishiwatqanliqi melum boldi. Oqutquchilardin birining téléfonimizni sunup bérishi bilen muxbirimizning soallirigha jawab bergen bir kursant, özining bu terbiyilesh merkizige béshigha qara xalta keydürülüp ekilingenlikini ashkarilidi. Bügün bu heqte pikir bayan qilghan dunya uyghur qurultiyi muawin reisi perhat muhemmet ependi, dairilerning ghulja nahiyisidiki bu atalmish terbiyisini «1500 ahalini görüge éliwélish » dep eyiblidi.

Ghulja nahiyiside 1500 kishini ailisidin ayrip tashlighan, minglarche ailini perishan qilghan, bu atalmish kespiy maharet terbiyilesh merkizide kimlerning, qandaq rol oynawatqanliqini éniqlash meqsitide, ghulja nahiyisidiki alaqidar orun we shexslerge téléfon qilduq. Terbiyilesh merkezliridin biride wezipe ötewatqan bir oqutquchi, özining kündilik wezipisi heqqide melumat berdi.

Melum bolushiche, siyasiy qanun sahesidiki kadirlardin bashqa, maarip sahesidiki aktip partiye ezaliri bu terbiyilesh merkezliride yétekchi oqutquchi bolup xizmet ishlimekte.  Mezkur xanim, bu mektepning bir kespiy terbiyilesh orni ikenlikini herqanche medhiyilisimu, emma uning bir qamaqxana ikenliki, ene shu merkezde telim éliwatqan bir kursant teripidin delillendi.

Kursant özining bu mektepke, béshigha qara xalta keydürülüp ekilingenlikini ashkarilidi. Bu heqte pikir bayan qilghan dunya uyghur qurultiyining teshwiqatqa mesul muawin reisi perhat muhemmet ependi, dairilerning ghulja nahiyidiki bu qilmishini «1500 ahalini görüge éliwélish» dep eyiblidi. Perhat muhemmet ependi sözining axirida, dunya uyghur qurultiyining bu ehwalni b d t qatarliq xelqara organlargha melum qilidighanliqini éytti.

Toluq bet