Lükchünlük qiz: lükchün saqchixanisigha hujum qilish weqesi bizge ders boldi

Muxbirimiz gülchéhre
2013.12.24
pichan-lukchun-saqchi-charlash.jpg Pichan lükchün weqesidin kéyin saqchilar axbarat orunlirining resimge tartishini tosuwatqan körünüsh. 2013-Yili 27-iyun, pichan.
AFP

26-Iyun pichan lükchün saqchixanigha hujum qilish weqesi bu yil Uyghur éli ichide Uyghurlarning élip barghan qarshiliqliri ichide adem ölüsh sani köp, eng zor weqelerning biri.

Radi'omiz lükchündin igiligen uchurlardin toqunushta 46 ademning ölgenliki melum, weqede 11 hujumchi xitay saqchiliri teripidin étiwétilgen, emma weqedin kéyin qanchilik kishining tutqun qilin'ghanliqi heqqide hazirghiche éniq melumat yoq.

Yéqinda xitayning melum ölkisidiki bir studént qiz, radi'omizgha téléfon qilip, lükchünde weqedin kéyinki Uyghur dindar yashlarni tutqun qilishning hazirgha qeder dawam qiliwatqanliqi,öziningmu tutup qoyuwétilgenlerdin biri ikenliki heqqide melumat berdi hemde yurtida yüz bergen bu weqede köp qan tökülgen, xelq nurghun bedel töligen bolsimu, weqedin lükchün xelqining, bolupmu Uyghur yashlarning hemde öziningmu bir lükchün qizi bolush süpiti bilen pexirlinidighanliqini bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.