Норвегийәдә хитайға қарши намайиш өткүзүлди

Ихтийарий мухбиримиз оғузхан
2017-10-03
Елхәт
Пикир
Һәмбәһр
Принт
  • Принт
  • Һәмбәһр
  • Пикир
  • Елхәт
Норвегийәдики уйғур җамаити пайтәхт ослодики хитай әлчиханиси алдида өткүзгән намайишидин көрүнүш. 2017-Йили 1-Өктәбир.
Норвегийәдики уйғур җамаити пайтәхт ослодики хитай әлчиханиси алдида өткүзгән намайишидин көрүнүш. 2017-Йили 1-Өктәбир.
RFA/Oghuzxan

Бүгүн, йәни 1-Өктәбир күни норвегийәдики уйғур җамаити пайтәхт ослодики хитай әлчиханиси алдиға йиғилип, хитайға қарши наразилиқ намайиши өткүзди.

Бу қетимқи намайиш хитай коммунист һакимийитиниң уйғур дийарида 68 йилдин буйан йүргүзүп кәлгән мустәмликә һөкүмранлиқиға қарши күч көрситишни мәқсәт қилди.

Намайиш осло вақти чүштин кейин саәт 1:30 да башлинип саәт 3:30 да ахирлашти. Намайишқа норвегийә уйғур комитети йетәкчилик қилди. Пайтәхт осло вә йеқин әтраптики уйғур җамаити намайишқа актиплиқ билән иштирак қилди.

Норвегийә уйғур комитетиниң рәиси бәхтийар өмәр әпәнди нәқ мәйданда зийаритимизни қобул қилип мундақ деди: «гәрчә бүгүн ослода һава йамғурлуқ вә боранлиқ болсиму, әмма норвегийәдики уйғур җамаити имканийитиниң йетишичә намайишни қоллиди вә қатнашти. Бу уйғурларниң өз вәтинигә болған мәсулийитиниң унтулуп қалмиғанлиқиниң бир бәлгиси.»

Норвегийә уйғур комитетиниң һәйәт әзалиридин сәмәт абла әпәндиму хитайға қарши намайишниң муһаҗирәттики уйғурлар үчүн бир әмәлий қаршилиқ көрситиш мәйдани икәнликини тәкитлиди.

Норвегийәдики пешқәдәм уйғурлардин 70 йашлиқ өмәр һаҗим зийаритимизни қобул қилип, уйғур тарихиниң бүгүнки әң қараңғу йиллирида муһаҗирәттики уйғурларниң ухлап йатмаслиқини чақириқ қилди.

Ахирида норвегийә уйғур комитетиниң һәйәт әзалиридин хәлчәм ханим норвегийәниң җай-Җайлиридин кәлгән намайишчи аммиға болған тәшәккүрини билдүрди. У, чәтәлдики уйғур җамаитигә чақириқ қилип, «гәрчә биз әркин дунйада йашаватқан болсақму, лекин хитай мустәмликиси астидики вәтинимизни һәргизму унтуп қалмаслиқимиз керәк,» деди.

Толуқ бәт