Anglighuchilarning inkasi: “Mezin ekber nesirdin nezirde polu yémigenliki üchün solaqta”
2016.03.25
Oymanbaytoqayda kolléktip tutqun qilin'ghan 41 siyasiy mehbus heqqidiki xewerlirimiz tarqalghandin kéyin anglighuchilirimizdin biri radiyomizgha inkas yézip, 41 tutqunning hemmisiningla nezirge barmighanliqi üchün tutulmighanliqini, bulardin mezin ekber nesirdin qatarliqlarning mezkur nezirge bérip polu yémey qaytqanliqi üchün solaqta ikenlikini pash qildi. Muxbirimizning ilgirilep ehwal éniqlishi dawamida bu inkasningmu toghriliqi delillendi.
Melum bolushiche 31 yashliq mezin ekber nesirdin nezirige barghan, emma u nezirdin baldur qaytqan. U nezirdin qaytqanda, uning bir türküm dostlirimu birlikte qaytqan. Sabiq kompartiye ezasi harun dégen kishining yette nezirining jama'etsiz ötishi teweliktiki xitay dölet amanliq saqchilirining diqqitini tartqan.
Xitay ötken yili, diniy esebiylikning 75 xil alamiti namliq bir qollanma tarqatqan. Bu qollanmining 8 - maddisida partiye ezaliri bilen kent kadirliri bilen salamlashmasliq, ular bilen qudilashmasliq, ularning méyitini uzatmasliq diniy esebiylikning alamiti dep körsitilgen. Bu qollanma eyni chaghda Uyghur siyasiy pa'aliyetchi we közetchilerning diqqitini tartqan.
Anglighininglar, türkiyediki siyasiy közetküchi abdul'e'iziz ependining bayanliri. Démek oymanbaytoqaydiki kolléktip tutqun xitay da'iriliri ötken yili tarqatqan diniy esebiylikning 75 xil alamiti namliq siyasiy qollanmigha asasen élip bérilghan.