Xanériq saqchixanisining xadimi semet abdukérimning charchashtin ölgenliki ilgiri sürülmekte

Muxbirimiz shöhret hoshur
2017-01-13
Élxet
Pikir
Hembehr
Print
  • Print
  • Hembehr
  • Pikir
  • Élxet
Charchashtin ölgen saqchi semet abdukérim
Charchashtin ölgen saqchi semet abdukérim
Photo: RFA

Ündidardiki saqchi xadimliri topida tarqalghan bir uchurda bayan qilinishiche, xotenning xanériq saqchixanisining semet isimlik bir xadimi 1-ayning 9-küni charchashtin ölgen, uchurda semetning ölümige teziyeler bildürülgen. Muxbirimizning buninggha asasen éniqlishi dawamida, ölgen saqchining familisining abdukérim ikenliki we 9-yaniwar chüshtin kéyin ishxanisida jan üzgenliki ashkarilandi. Semet abdukérimning ölümining qariqash partkomigha hujum qilish weqesidin 11 kün, gumida qéchip yürüwatqan 3 neper gumandarni étiwétish weqesidin ikki kün kéyin'ge toghra kélishi, nöwettiki xoten weziyitining jiddiy we ensizlikini yene bir nuqtidin körsi'itip bermekte.

Hörmetlik radiyo anglighuchilar, anglighininglar xanériq saqchixanining bayanliri, bu uchurlardin semet abdukérimning xizmet dawamida ishxanisida jan üzgenliki melum, uning xizmetdashlirining bayan qilishiche, u charchashtin ölgen؛ emma u, xotende yüz bergen yéqinqi ikki weqedin kéyinki délo bir terep qilish we muqimliq tedbirliride wezipe alghanmu-almighanmu, alghan bolsa qandaq wezipe alghan? biz bu heqte melumat élish üchün xoten sheherlik saqchixanigha téléfon qilduq. Saqchi xadimi, bu heqte özlirining melumat bérelmeydighanliqini éytti we yuqiri orunlardin melumat élishimizni tewsiye qildi.

Hörmetlik radiyo anglighuchilar, saqchi semet abdukérim xizmet waqtida hayatidin ayrilghinigha bügün 5 kün bolghan bolsimu, xitayning meyli dölet, meyli yerlik axbarat orunliri bu heqte héchqandaq xewer bermidi. Semet abdukérimning xizmet dawamida qandaq bésim yaki xewp-xeterlerge duch kelgenliki, uning burunqi salametlik ehwali hazirche melum emes.

Yuqiridiki ulinishtin muxbirimizning bu heqte igiligen melumatlirini anglaysiler.

Toluq bet