Сайбағ районлуқ сақчи идариси мәрәмнисахандин тартивелинған йардәм пул һәққидә тәкшүрүш елип баридиғанлиқини билдүрди

Мухбиримиз шөһрәт һошур
2013-08-23
Елхәт
Пикир
Һәмбәһр
Принт
  • Принт
  • Һәмбәһр
  • Пикир
  • Елхәт
5-Ийул үрүмчи вәқәсидин кейин из-Дерәксиз ғайиб болған мәмтимин йасин.
5-Ийул үрүмчи вәқәсидин кейин из-Дерәксиз ғайиб болған мәмтимин йасин.
RFA


Үрүмчидики ғайиплар аилә - Тавабатлиридин мәрәмниса турдиға муһаҗирәттики уйғурлар тәрипидин берилгән 3000 сом йардәм пул, үрүмчиниң хотән йоли сақчиханиси тәрипидин һейтниң һарпа күни тартивелинған иди. Мухбиримиз бүгүн үрүмчидики мунасивәтлик сақчи органлириға телефон қилип, мәзкур әһвал һәққидә җүмлидин чәтәлдин кәлгән йардәм пулни елишқа болмайду дәйдиған бир бәлгилиминиң бар - Йоқлуқи һәққидә мәлумат игилиди.

Хотән йоли сақчиханисиниң алақидар хадими арзүгүл талип, тартивелинған пулдин хәвири барлиқини, әмма бу һәқтики соалларға җаваб беришкә өзиниң һоқуқи йәтмәйдиғанлиқини билдүрди. Сайбағ районлуқ сақчи идарисниң әрзийәт бөлүми болса, мәрәмниса турдиниң әһвалини өзлиригә мәлум қилиши керәкликини, андин бу һәқтә тәкшүрүш елип баридиғанлиқини байан қилди.

Төвәндә мухбиримиз шөһрәт һошурниң бу һәқтә тәййарлиған программисини аңлайсиләр:

Үрүмчи шәһири хотән йоли сақчиханисиниң дөләт аманлиқ сақчиси арзүгүл талипни зийарәт

Мухбир: силиниң сақчиханиниң хадимлири сәншихаңзидики мәрәмниса дегән айалға чәтәлдин кәлгән йардәм пулини тартип әкитипту؛ мушу пул қайтуруп бериләмду, қандақ болиду?

Арзүгүл: бу делони соҗаңлар ишләватиду, шулардин сораң, шулар дәп бәрсун.

Мухбир: телефон номуриңизни ли соҗаңдин алдим, ли силәрниң соҗаңғу?

Арзүгүл: шундақ.

Мухбир: ли бизгә «бизниң дөләт аманлиқ сақчимиз арзүгүл талип, әһвални шуниңдин сораң» деди.

Арзүгүл: ундақ болса, бизниң гобав дадүйниң (дөләт аманлиқ сақчи әтритиниң) пәрһат дәп бир дадуйҗаңи бар, шуниңдинму сораң. Шулар бизгә бу иш һәққидә сәйфаң(мухбир зийаритини) қобул қилсаң болиду дәп орунлаштурса, андин җаваб берәләймән.

Мухбир: мәрәмнисадин шу пулниң тартивелинғанлиқидин хәвириңиз бар - Йоқлуқиниму дейәлмәмсиз?

Арзүгүл: дейәләймән, хәвирим бар. Лекин мениң үстүмдә башлиқ бар - Дә?

Мухбир: демәк, бу иш һәққидики соалға җаваб бериш сизниң һоқуқ даириңизниң сиртида?

Арзүгүл: бизниңму бир түзүмимиз бар.......

Үрүмчи шәһәрлик сақчи идариси разиветка бөлүмини зийарәт

Мухбир: бу үрүмчи шәһәрлик сақчи идарисиму?

Хадим: һә, шундақ.

Мухбир: сорап бақидиған бир иш барти: мәрәмниса дегән бир тул айалға чәтәлдин кәлгән 3000 сом йардәм пул хотән йоли сақчиханиси тәрипидин тартивелинипту.....

Хадим: хата уруп қапсиз, әрзийәт бөлүмигә телефон қилиң.

Мухбир: иш әрзийәткә мунасивәтлик әмәс, билмәкчи болғиним, чәтәлдин кәлгән йардәм пулни қобул қилишқа болмайду дәйдиған силәрниң идарә тәрипидин чүшүрүлгән бир һөҗҗәт барму?

Хадим: бу ишларни мән билмәймән.

Мухбир: әмисә, силәрниң идариниң қайси бөлүми бу ишқа алақидар, ким билән көришишимиз керәк?

Хадим: уни мән немә биләй, биз дегән разветка бөлүм.

Мухбир: өзиңиз ишләватқан идариниң тармақлирини сиз билмисиңиз, биз сирттикиләр қандақ билимиз? әмисә ахбарат бөлүминиң телефонини дәп бериң?

Хадим: пулиңизни әкәткәнләр хотән йоли сақчиханиси болғандикин шуларни издимәмсиз дәймән?

Мухбир: гәпкиму қулақ салмапсиз, мениң пулум әмәс, тул айал мәрәмнисаниң пули.

Хадим: чүшәндим, йолдиши йоқап кәткән мәрәмнисаниң пуликән, әмисә сиз сайбағ районлуқ әрзийәт болүмигә телефон қилиң, шулар сизгә мунасивәтлик бөлүмни дәп бериду.

Үрүмчи шәһири сайбағ районлуқ сақчи идарисиниң әрзийәт бөлүмини зийарәт

Мухбир: мәрәмниса ханимдин хотәнй оли сақчиханиси тартивалған пул қайтурулуп бериләмду - Берәлмәмду, шуни уқуп бақайли дәп телефон қилған?

Хадим: бу иштин мениң хәвирим йоқкән.

Мухбир: һәммиңларға мәлум болған, чәтәлдин кәлгән йардәм пулни қобул қилишқа болмайду дәйдиған бир һүҗҗәт барму - Йоқму?

Хадим: мән аңлимиғанкәнмән. Бизниң фаҗике (қанун - Түзүм) бөлүми дәп бир болүмимиз бар. Шулар билиду. Шуңа шу киши бизгә әһвални мәлум қилса, шу болүмимиз тәкшүрүп бақса қандақ болар?

Мухбир: болиду, йахши гәп, әмисә мәрәмниса ханимға дәйли әһвални силәргә мәлум қилсун.

Хадим: сиз немиси болисиз уйақниң?

Мухбир: мән һечнимиси әмәс, мән мухбир؛ мушу иш қандақ бир тәрәп қилиниду, сүрүштә қилип телефон қилишим.

Хадим: у айал әһвални сизгә өзи мәлум қилдиму?

Мухбир: сирттин уқтуқ, өзидинму, сақчиханидинму әһвал игилидуқ.

Хадим: сақчиханиниң җаваби немә?

Мухбир: пул алғанлиқимиз раст, бу ишлар һәққидә соалиңлар болса йуқиридикиләргә дәңла дәйду. Пулни әкәткүчиләр арисида, сақчихана башлиқи дилшаттин башқа силәрниң районлуқ сақчидинму бир киши барикән.

Хадим: әмисә пул дилшаттиму, сақчиханидиму, игисигә қайтурулуш керәкму, тутуп қелиниши керәкму ениқлап бақайли, мәрәмнисахан бизгә әһвални мәлум қилсун.

Мухбир: болиду. Мәрәмниса ханим удул сизнила издисун, исмиңиз немә?

Хадим: рәһимә, рәхимайи.

Пули тартивелинған мәрәмниса ханимни зийарәт:

Мухбир: сайбағ районлуқ сақчи идарисиниң әрзийәт бөлүми билән күрүштуқ, сизни бизгә әһвални мәлум қилсун дәйду, вақтиңиз болса, берип йаки тел қилип әһвални мәлум қилиң.

Мәрәмниса: болиду, шундақ қилимән.

Мухбир: хош, ишниң нәтиҗиси һәққидә йәнә көришимиз.

Мәрәмниса: хош, рәһмәт.

Пикирләр (0)
  • Принт
  • Һәмбәһр
  • Елхәт
Толуқ бәт