Saybagh rayonluq saqchi idarisi meremnisaxandin tartiwélinghan yardem pul heqqide tekshürüsh élip baridighanliqini bildürdi

Muxbirimiz shöhret hoshur
2013-08-23
Élxet
Pikir
Hembehr
Print
  • Print
  • Hembehr
  • Pikir
  • Élxet
5-Iyul ürümchi weqesidin kéyin iz-Déreksiz ghayib bolghan memtimin yasin.
5-Iyul ürümchi weqesidin kéyin iz-Déreksiz ghayib bolghan memtimin yasin.
RFA


Ürümchidiki ghayiplar aile - Tawabatliridin meremnisa turdigha muhajirettiki uyghurlar teripidin bérilgen 3000 som yardem pul, ürümchining xoten yoli saqchixanisi teripidin héytning harpa küni tartiwélinghan idi. Muxbirimiz bügün ürümchidiki munasiwetlik saqchi organlirigha téléfon qilip, mezkur ehwal heqqide jümlidin cheteldin kelgen yardem pulni élishqa bolmaydu deydighan bir belgilimining bar - Yoqluqi heqqide melumat igilidi.

Xoten yoli saqchixanisining alaqidar xadimi arzügül talip, tartiwélinghan puldin xewiri barliqini, emma bu heqtiki soallargha jawab bérishke özining hoquqi yetmeydighanliqini bildürdi. Saybagh rayonluq saqchi idarisning erziyet bölümi bolsa, meremnisa turdining ehwalini özlirige melum qilishi kéreklikini, andin bu heqte tekshürüsh élip baridighanliqini bayan qildi.

Töwende muxbirimiz shöhret hoshurning bu heqte teyyarlighan programmisini anglaysiler:

Ürümchi shehiri xoten yoli saqchixanisining dölet amanliq saqchisi arzügül talipni ziyaret

Muxbir: silining saqchixanining xadimliri senshixangzidiki meremnisa dégen ayalgha cheteldin kelgen yardem pulini tartip ekitiptu؛ mushu pul qayturup bérilemdu, qandaq bolidu?

Arzügül: bu déloni sojanglar ishlewatidu, shulardin sorang, shular dep bersun.

Muxbir: téléfon nomuringizni li sojangdin aldim, li silerning sojangghu?

Arzügül: shundaq.

Muxbir: li bizge «bizning dölet amanliq saqchimiz arzügül talip, ehwalni shuningdin sorang» dédi.

Arzügül: undaq bolsa, bizning gobaw dadüyning (dölet amanliq saqchi etritining) perhat dep bir daduyjangi bar, shuningdinmu sorang. Shular bizge bu ish heqqide seyfang(muxbir ziyaritini) qobul qilsang bolidu dep orunlashtursa, andin jawab béreleymen.

Muxbir: meremnisadin shu pulning tartiwélinghanliqidin xewiringiz bar - Yoqluqinimu déyelmemsiz?

Arzügül: déyeleymen, xewirim bar. Lékin méning üstümde bashliq bar - De?

Muxbir: démek, bu ish heqqidiki soalgha jawab bérish sizning hoquq dairingizning sirtida?

Arzügül: bizningmu bir tüzümimiz bar.......

Ürümchi sheherlik saqchi idarisi raziwétka bölümini ziyaret

Muxbir: bu ürümchi sheherlik saqchi idarisimu?

Xadim: he, shundaq.

Muxbir: sorap baqidighan bir ish barti: meremnisa dégen bir tul ayalgha cheteldin kelgen 3000 som yardem pul xoten yoli saqchixanisi teripidin tartiwéliniptu.....

Xadim: xata urup qapsiz, erziyet bölümige téléfon qiling.

Muxbir: ish erziyetke munasiwetlik emes, bilmekchi bolghinim, cheteldin kelgen yardem pulni qobul qilishqa bolmaydu deydighan silerning idare teripidin chüshürülgen bir höjjet barmu?

Xadim: bu ishlarni men bilmeymen.

Muxbir: emise, silerning idarining qaysi bölümi bu ishqa alaqidar, kim bilen körishishimiz kérek?

Xadim: uni men néme biley, biz dégen razwétka bölüm.

Muxbir: özingiz ishlewatqan idarining tarmaqlirini siz bilmisingiz, biz sirttikiler qandaq bilimiz? emise axbarat bölümining téléfonini dep béring?

Xadim: pulingizni eketkenler xoten yoli saqchixanisi bolghandikin shularni izdimemsiz deymen?

Muxbir: gepkimu qulaq salmapsiz, méning pulum emes, tul ayal meremnisaning puli.

Xadim: chüshendim, yoldishi yoqap ketken meremnisaning puliken, emise siz saybagh rayonluq erziyet bolümige téléfon qiling, shular sizge munasiwetlik bölümni dep béridu.

Ürümchi shehiri saybagh rayonluq saqchi idarisining erziyet bölümini ziyaret

Muxbir: meremnisa xanimdin xoteny oli saqchixanisi tartiwalghan pul qayturulup bérilemdu - Bérelmemdu, shuni uqup baqayli dep téléfon qilghan?

Xadim: bu ishtin méning xewirim yoqken.

Muxbir: hemminglargha melum bolghan, cheteldin kelgen yardem pulni qobul qilishqa bolmaydu deydighan bir hüjjet barmu - Yoqmu?

Xadim: men anglimighankenmen. Bizning fajiké (qanun - Tüzüm) bölümi dep bir bolümimiz bar. Shular bilidu. Shunga shu kishi bizge ehwalni melum qilsa, shu bolümimiz tekshürüp baqsa qandaq bolar?

Muxbir: bolidu, yaxshi gep, emise meremnisa xanimgha deyli ehwalni silerge melum qilsun.

Xadim: siz némisi bolisiz uyaqning?

Muxbir: men héchnimisi emes, men muxbir؛ mushu ish qandaq bir terep qilinidu, sürüshte qilip téléfon qilishim.

Xadim: u ayal ehwalni sizge özi melum qildimu?

Muxbir: sirttin uqtuq, özidinmu, saqchixanidinmu ehwal igiliduq.

Xadim: saqchixanining jawabi néme?

Muxbir: pul alghanliqimiz rast, bu ishlar heqqide soalinglar bolsa yuqiridikilerge dengla deydu. Pulni eketküchiler arisida, saqchixana bashliqi dilshattin bashqa silerning rayonluq saqchidinmu bir kishi bariken.

Xadim: emise pul dilshattimu, saqchixanidimu, igisige qayturulush kérekmu, tutup qélinishi kérekmu éniqlap baqayli, meremnisaxan bizge ehwalni melum qilsun.

Muxbir: bolidu. Meremnisa xanim udul siznila izdisun, ismingiz néme?

Xadim: rehime, reximayi.

Puli tartiwélinghan meremnisa xanimni ziyaret:

Muxbir: saybagh rayonluq saqchi idarisining erziyet bölümi bilen kürüshtuq, sizni bizge ehwalni melum qilsun deydu, waqtingiz bolsa, bérip yaki tél qilip ehwalni melum qiling.

Meremnisa: bolidu, shundaq qilimen.

Muxbir: xosh, ishning netijisi heqqide yene körishimiz.

Meremnisa: xosh, rehmet.

Toluq bet