Exmet islamgha tebligh sözligenliki seweblik ölüm yaki muddetsiz qamaq jazasi bérilgenliki ilgiri sürülmekte

Muxbirimiz shöhret hoshur
2017-12-09
Élxet
Pikir
Hembehr
Print
  • Print
  • Hembehr
  • Pikir
  • Élxet
Xitayning térror we diniy ashqunluqqa zerbe bérish herikitidin körünüsh.
Xitayning térror we diniy ashqunluqqa zerbe bérish herikitidin körünüsh.
CCTV

Muxbirimizning zangguy yézisidin ehwal igilishi dawamida mezkur yézida exmet islam isimlik bir tutqunning bolghanliqi delillendi. Saqchi we yerlik ahalilerning exmet islam heqqide bergen uchurliridin uninggha uninggha yénik bolghanda muddetsiz qamaq jazasi bérilgenliki melum boldi.

Melum bolushiche, bu yilqi "qattiq zerbe bérish dolquni" da késiwétilgenler arisida aktip we shiddetlik qarshiliq heriketlirige qétilghanlar yoq déyerlik. Tutqunlarning köp qismi yéqinqi 15 yil ichide bilip-bilmey tebligh pa'aliyetlirige qétilip qalghan we téléfonidin mesile körülgenler iken. Hazirghiche igilen'gen melumatlarda bularning köpinchisining 10 yilliqtin artuq késilgenliki melum bolghan bolsimu, eng éghir jazalan'ghanlarning aqiwitining qandaq bolghanliqi éniqsiz idi. Ötken ayda guma nahiyisining piyalma yézisidiki bir kent sékrétari zangguy yézisidiki exmet islam isimlik bir tutqun'gha tebligh sözligenliki seweblik ölüm jazasi bérilgenlikini bayan qildi. 

Yéqinqi 10 yil ichidiki jaza hökümliri ichide türlük qarshiliq heriketlirige chétilghanlargha, chétilish derijisining qanchilik bolushi we yaki weqede alghan rolining qanchilik bölishidin qet'iynezer ölüm jazasi bérilgen délolar köp qétim körülgen bolsimu, emma shiddet heriketlirige chétilmighanlar arisida ölüm jazasi bérilgenler téxi ashkarilanmighan idi. Shunga biz mezkur uchurning toghra xataliqini aydinglashturush üchün zangguy yézisigha téléfon qilduq. Deslepte téléfonimizni qobul qilghan saqchi xadimi zangguyda exmet islam isimlik bir tutqunning bolghanliqini delillidi, emma déloning tepsilatidin melumat bérelmidi. Bashqa alaqidar xadimlarmu exmet islamgha ölüm jazasi bérilgenlikini delilligüdek uchur bermigen bolsimu, emma exmet islam délosini inkar qilmidi. 

Ahalilerdin birining bayan qilishiche, exmet islam zangguy yézisining 6‏-kent ezasi. Bu yil 40 yashning üstide bolghan exmet islam, 3 perzentning atisi؛ uning üstidin jaza hökümi chiqirilghanliqi heqqide, kent ahaliler komitéti yighinida melumat bérilgen. 

Piyalimadiki bir kent sékrétari exmet islamgha muddetsiz qamaq jazasi bérilgenlik éhtimalliqini tilgha aldi.

Toluq bet