13 Миң нопуслуқ бир йезидин 2 миңдин артуқ киши қамақта

Мухбиримиз шөһрәт һошур
2017-09-08
Елхәт
Пикир
Һәмбәһр
Принт
  • Принт
  • Һәмбәһр
  • Пикир
  • Елхәт
Үрүмчи, йәкән қатарлиқ җайларда партлаш йүз бәргәндин кейин, хитай сақчилириниң уйғурларни тутқун қиливатқан көрүнүши. 2014-Йили 27-Май, хотән.
Үрүмчи, йәкән қатарлиқ җайларда партлаш йүз бәргәндин кейин, хитай сақчилириниң уйғурларни тутқун қиливатқан көрүнүши. 2014-Йили 27-Май, хотән.
Oqurmen teminligen

Мухбиримизниң бу йип учиға асасән елип барған ениқлашлири давамида йеңисарниң 13 миң нопуслуқ топулуқ йезисидинла аз дегәндә 2 миң кишиниң қамақ вә түрмидә икәнлики ашкариланди. Топулуқ 2‏-Кәнт секретари өз кәнтидин 354 кишиниң, 4‏-Кәнт сақчиси болса өз кәнтидин 400 чә кишиниң қамақ вә түрмидә икәнликини дәлиллиди.

Бирқанчә күндин бери фәйсбокта тарқалған вә уйғур районидин әвәтилгәнлики илгири сүрүлгән бир учурда қәшқәр йеңисарда нөвәттә кәң көләмдә тутқун давам қиливатқанлиқи вә тутқунларниң йоқилаң сәвәбләр билән 10 вә 15 йиллиқтин кесилип кетиватқанлиқи байан қилинған иди.

Биз йуқириқи учурни дәлилләш үчүн йеңисардики һәрқайси сақчиханиларға телефон қилдуқ.

Топулуқ йеза 2‏-Кәнт секретариниң байан қилишичә, мәзкур кәнттин һазирға 305 киши түрмигә ташланған, 49 киши тәрбийиләш мәркизи намидики қамақханида тутуп турулмақта.

Хитайчә «бәйду» учур амбиридики материйалларда көрситилишичә, йеңисарниң топулуқ йезиси 6 кәнттин тәшкилләнгән, 13 миң нопусқа игә.

4-Кәнт сақчисиниң байан қилишичә, йезидики 6 кәнт ичидики 2‏- Вә 4-Кәнттин тутулған вә кесилгәнләр әң көп болуп, 4-Кәнттин җәмий 420 чә киши тутқун қилинған, башқа кәнтләрдинму аз дегәндә 200 дин киши тутқун қилинған.

Йәнә мушу кәнт сақчисиниң байан қилишичә, нөвәттә йеңисар наһийисидә 5 орунда тәрбийиләш мәркизи бар болуп, у йәрдә топлуқ йезисидин 2миңдин артуқ киши тутуп турулмақта.

Йәнә униң илгири сүрүшичә, әгәр илгири кесилип кәткәнләр һесаблиғанда топулуқта түрмә вә қамақтикиләр сани 4 миңға йетиши мумкин.

13 Миң нопуслуқ топулуқ йезисидики һәр бир кәнттә оттуричә 2160 дин киши, 400 әтрапида аилә йашайду. Буниңдин қариғанда топулуқ йезисида түрмә вә қамақта йетиватқанлар саниниң һәр бир аилигә бирдин тоғра келидиғанлиқи мөлчәрләшмәктә.

Йеңисарда бу йилниң бешида палтилиқ һуҗум қилиш вәқәси йүз берип 3 киши өлгән 5 киши йариланған. Вәқә наһийилик дохтурхана вә униң әтрапида йүз бәргән. Бәзи гуваһчиларниң дейишичә, вәқә садир қилғучи мәмәт ели йеңисарниң сетил йезисидин болуп, у навайлиқ қиливатқан үрүмчидин мәҗбури қайтуруп келингән вә кәнттә нәзәрбәнд қилинғандин кейин, даириләрдин интиқам елиш мәқситидә мәзкур вәқәни садир қилған.

Мәлум болушичә 2000 дин артуқ киши тутулған вә кесилгән топулуқ йезисида йеқинқи йилларда һечқандақ бир қанлиқ вәқә йаки қаршилиқ һәрикәтлири йүз бәргән әмәс.

Пикирләр (0)
  • Принт
  • Һәмбәһр
  • Елхәт
Толуқ бәт