Memet toxti: xitay gumandarlarni kolléktip qirghin qilish arqiliq urush jinayiti shekillendürdi
2015.11.30
Kanadada yashawatqan siyasiy közetküchi memet toxti ependi bügün muxbirimiz bilen ötküzgen téléfon ziyariti dawamida, xitayning bay kömürkan hujum gumandarlirigha otchachar qollinish arqiliq b d t 1981 - yili qobul qilghan we xitay özimu imza qoyghan “Bir qisim en'eniwi qebih qorallarni ishlitishni cheklesh ehdinamisi” ge buzghunchiliq qilghanliqini we gumandarlarni sotsiz we kolléktip qirghin qilish arqiliq urush jinayiti shekillendürgenlikini otturigha qoydi.
Xitayning gumandarlargha cheklen'gen köydürgüch qorallarni ishlitishini parizh weqesidin kéyin xelq'ara siyasiy weziyettin paydilinish pursetperesliki, dégen memet toxti ependi, ana balilarningmu otchacharda ölgenlikidek bu paji'ening Uyghur tarixida untulmas bir weqe ikenlikini, buning, buningdin kéyinki xitay - Uyghur munasiwitining tereqqiyatida téximu yaman aqiwetlerni keltürüp chiqirish éhtimalliqini ilgiri sürdi.