Terbiyilesh merkizi oqutquchisi: kursantlirimiz arisida xenzular yoq

Muxbirimiz shöhret hoshur
2017-08-10
Élxet
Pikir
Hembehr
Print
  • Print
  • Hembehr
  • Pikir
  • Élxet
Uyghur élining melum rayonidiki öginishke yighiwélin'ghan uyghurlar.
Uyghur élining melum rayonidiki öginishke yighiwélin'ghan uyghurlar.
ts.cn

Muxbirimizning ghulja nahiyilik "yépiq terbiyilesh merkizi" heqqide ehwal igilishi dawamida, terbiyiliniwatqanlarning 1998-yilidin 2016-yiligha qeder bolghan 18 yilliq hayatidiki siyasiy qilmishidin hésab bériwatqanliqi ashkarilandi.

Atalmish kursantlarning kündilik meshghulati heqqide tepsiliy melumat bergen mezkur kurs oqutquchiliridin biri, mezkur merkezde solinip terbiyiliniwatqan 1500 etrapidiki kishi arisida xitay millitidin bolghan birmu kishining yoqluqini pash qildi. U bu heqte bergen izahatida, kursning meqsiti esebiylikni tügitish bolghachqa, kursantlar arisida xenzular yoqluqini bayan qildi.

Melum bolushiche, kursantliri etigenlik meshghulatini "biz jungxu'a xelq jumhuriyitining puqraliri" dep bashlaydighan bu merkezde 18 yilliq qamaq jazasini tügitip bolghan, emdila a'ilisi bilen jem bolghan sabiq 5-féwral mehbusliridin tartip, geptin kétip qalghan dölet kadirighiche we hetta mesuliyitini aktipliq bilen ada qilmighan kompartiye ezasigha qeder her sahe, her qatlamdiki kishiler mewjut iken.

Melum bolushiche, atalmish kursantlargha siyasiy qanun we xitay tili derisi asasliq halda bérilgendin bashqa, arilap kespiy téxnika sahesidinmu léksiyeler sözlinidiken.

Ashkarilinishiche, "yépiq terbiyilesh merkizi" ghulja nahiyiside 2014- we 2015-yilliri sinaq teriqiside échilghan؛ bu, yuqiri derijilik alaqidar da'irilerning alqishigha érishkendin kéyin, bultur yil axiridin bashlap kéngeytilgen, bu yilgha kelgende sinip sani 40 nechchige yetken.

Ejeblinerliki, bu "yépiq terbiyilesh merkizi" bultur yil axirida kéngeytilgendin buyan, hazirgha qeder birmu kishi kursni püttürüp baqmighan؛ peqet éghir yuqumluq késelge muptila bolghanlarla, alaqidar orunlarning testiqidin kéyin, bu kursidin ayrilish pursitige érishken.

Tutulghan waqti, orni sewebi her xil bolghan bu 1500 etrapidiki atalmish kursantning ortaq nuqtisi milliti uyghur bolup, bularning ichide xitay millitidin bolghan birmu kishi yoq iken.

Yuqirida ghulja nahiyilik "yépiq terbiyilesh merkizi" diki atalmish kursantlarning kimliki we ularning kündilik meshghulatliri heqqide melumat berduq.

Tepsilatini yuqiridiki awaz ulinishidin anglighaysiler.

Toluq bet