Истанбулдики уйғур йәслисидә оқуғучилар сани һәссиләп ашти

Ихтийарий мухбиримиз арслан
2017-09-21
Елхәт
Пикир
Һәмбәһр
Принт
  • Принт
  • Һәмбәһр
  • Пикир
  • Елхәт
Истанбулидики уйғур йәслиси ойнаватқан уйғур балилар. 2017-Йили 19-Сентәбир, түркийә.
Истанбулидики уйғур йәслиси ойнаватқан уйғур балилар. 2017-Йили 19-Сентәбир, түркийә.
RFA/Arslan

Истанбулда йашаватқан уйғур муһаҗирлар пәрзәнтлирини миллий кимлик вә дини етиқад билән йетиштүрүшкә әһмийәт берип кәлмәктә.

Истанбулидики уйғур йәслиси бу мәвсум йәнә йеңидин 50 гөдәкни қарши алди. Шуниң билән мәзкур йәслидики оқуғучи сани 120 гә йәтти. Бу йәслиму башқа түрк мәктәплиригә охшашла 19-Сентәбир тунҗи күнини күтүвалди.

Йәсли оқутқучиси айишә ханимниң ейтишичә, бу мәвсумму йәслидики уйғур пәрзәнтлиригә «һәптийәк», ана тил, вәтәнни тонуштуруш, миллий кимлик вә диний етиқадқа алақидар дәрсләр орунлаштурулған.

Мән йәслигә барғанда оқуғучилар чоң залда ойун ойнаватқан болуп, балиларниң бәзилири сүний атқа минип ойниса бәзилири нөвәт билән серилип ойнаватқан икән, бир қисим балилар бир-Бирлиригә кичик топларни етишип ойнаватқан икән. Мән балиларниң вараң-Чуруң қилип сәкришип хушал ойнашлирини көрүп қаттиқ тәсирләндим, чүнки муһаҗирәттики һайатта хушал өтмәк, ойнимақ һәр кимгә несип болидиған қисмәт әмәсликини һәммимиз чүшинип йетимиз.

Сориған соаллиримға раван уйғур тилида җаваб бәргән кичик гөдәкләр мени толиму һайанға салди. Буларниң бири өзиниң кәлгүсидә дохтур болидиғанлиқини көзлирини нур чаниған һалда байан қилса, йәнә бири өзиниң чүчүк тилда шеир декламатсийә қилиши билән мени өзигә бәкла рам қилди.»

Йәсли мудири хуршидә ханимниң билдүрүшичә, бу йил йәслидики оқуғучи сани йиллардикидин бир һәссә көпәйгән. Буларниң бир қисми һөкүмәт башқурушидики мәктәптә оқуйдиған болсиму, бирақ мәктәптин қайтқанда бу йәслигә келип тәлим алидикән.

Хуршидә ханимниң ейтишичә йәнә, мәзкур йәслигә бу йил тизимлатқан оқуғучилар саниниң бир һәссә көпийишигә йәслидики миллий кимлик дәрси қатарлиқ дәрсләрниң мукәммәл шәклидә өтилиши түрткә болған.

Шәрқий түркистан маарип вә һәмкарлиқ җәмийитиниң тор бетидә билдүрүшичә, зәйтинбурнудики бу йәсли шәрқий түркистан маарип вә һәмкарлиқ җәмийитиниң тәсис қилиши билән 2008‏-Йили қурулған болуп, бу йәсли зәйтинбурнуда 5 қәвәтлик бир бинада уйғур пәрзәнтлирини миллий вә дини җәһәттә йетиштүрүш үчүн хизмәт қилип кәлмәктә икән.

Пикирләр (0)
  • Принт
  • Һәмбәһр
  • Елхәт
Толуқ бәт