Doktor erkin sidiq ependining 6‏-kitabi “Netijilik Uyghurlar” neshrdin chiqti

Ixtiyariy muxbirimiz pida'iy
2017.01.19
erkin-sidiq-6-kitab.jpg Doktor erkin sidiq ependining 6‏-kitabi “Netijilik Uyghurlar” ning muqawisi.
RFA/Pida’iy

Amérika alem qatnishi idarisining mutexessisi doktor erkin sidiq ependining “Netijilik Uyghurlar” ni tonushturushqa bighishlan'ghan 6‏-qisim kitabi yéqinda neshr qilindi.

Aptor bu kitabta chet'ellerde we Uyghur diyarida netije qazan'ghan Uyghur ziyaliyliridin 51 shexsning hayatini qisqiche tonushturghan bolup, mezkur kitabning kirish söz qismida, buning yash-ösmürler éhtiyajliq boluwatqan ülge we nemune éhtiyajigha mas kélidighanliqini ilgiri sürgen.
Bu munasiwet bilen ziyaritimizni qobul qilghan erkin sidiq ependi, bu kitabqa alaqidar néme üchünlerge jawab béripla qalmay, Uyghurlarda saqliniwatqan kitab oqushqa köngül bölmeslik mesilisi toghriliq hés qilghanlirini bayan qilish bilen birge, kelgüsi pilanliri we arzu-ümidliri heqqidiki yürek sözlirini radiyo anglighuchilar bilen ortaqlashti.

Doktor erkin sidiq ependining ilgiri besh qisim kitabining üchi “Kishilik tereqqiyat”qa, biri “Köngüldin köngül su icher”, yene biri “Ghaliplarning xaraktéri we sawatliri”gha alaqidar mezmunlarda tüplen'gen we her biri 1000 nusxidin neshr qilinip tarqitilghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.