Abdujélil qaraqash: qirghizistanliq qérindashlirimizgha yardem qilish bizning musulmanliq burchimiz

Ixtiyariy muxbirimiz azad qasim
2015.09.18
abdujelil-qaraqash.jpg “Sherqi türkistan informatsiyon merkizi” ning qurghuchisi abdujélil qaraqash ependi. 2015-Yil awghust.
RFA/Azad Qasim

Gérmaniyediki “Sherqi türkistan informatsiyon merkizi”ning rehbiri abdujélil qaraqash ependining teshebbusi we biwasite uyushturushi bilen gérmaniyediki türk teshkilatliri yéqinda qurban héytliq xeyri-saxawet pa'aliyetlirini bashlidi.

Bu pa'aliyetning asasi meqsiti, ottura asiya elliride yashawatqan Uyghurlar arisidiki iqtisadi ehwali bir qeder nachar, turmushta qiyinchiliqi bolghan a'ililerge qurbanliq yetküzüp bérish arqiliq ularning qurban héytni xushal-xuram ötküzüshige imkaniyet yaritip bérishtin ibaret.

Gérmaniyediki türk teshkilatlirining abdujélil qaraqash ependi arqiliq yollighan iqtisadi yardimi qirghizistan'gha yétip kelgendin kéyin, qirghizistan Uyghurliri ittipaq jem'iyitining sabiq re'isi dilmurat ekber, alamidin mehelle meschitining imami mirza hajim qatarliq kishiler derhal yashlarni uyushturup, bazardin 100 dane qoy sétiwaldi hemde bu qoylarni qurban héyt küni qiyinchiliqi bolghan Uyghur qérindashlargha tarqitip bérish üchün waqtinche béqip turushqa mexsus adem belgilesh, yigit bashliri bilen meslihetliship her qaysi mehellilerdiki turmushta qiyinchiliqi bar a'ililerni tizimlash ishlirini bashlidi.

Turmushida qiyinchiliqi bolghan Uyghur qérindashlar üchün teyyarlan'ghan bu 100dane qoy qurban héyt namizidin kéyin, her qaysi mehellilerning yigit bashliri, aqsaqallar hem jama'et wekillirining qatnishishida soyulup, yigit bashliri arqiliq her qaysi a'ililerge yetküzüp bérilidu.

Bu qétimqi qurban héytliq xeyri-saxawet pa'aliyitining teshebbuschisi we uyushturghuchisi abdujélil qaraqash ependi radi'omiz ziyaritini qobul qilip, “Sherqi türkistan informatsiyon merkizi” qurulghan 20 yilgha yéqin waqittin buyan ilip barghan xizmetliri we buningdin kéyinki ish-pilanliri heqqide kengri toxtaldi.

Yuqiridiki ulinishtin muxbirimizning abdujélil qaraqash ependi bilen élip barghan téléfon söhbitining tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.