«Лондон уйғур ансамбили» ниң консертида әлишир навайи әсәрлири тонуштурулған

Ихтийарий мухбиримиз әркин тарим
2017-09-22
Елхәт
Пикир
Һәмбәһр
Принт
  • Принт
  • Һәмбәһр
  • Пикир
  • Елхәт
Лондон уйғур ансамбилиниң лондонда откузгән консәртидин бир корунуш. 2017-Йили 20-Сәнтәбир, лондон.
Лондон уйғур ансамбилиниң лондонда откузгән консәртидин бир корунуш. 2017-Йили 20-Сәнтәбир, лондон.
RFA/Erkin Tarim

20-Сентәбир күни әнглийәдики «лондон уйғур ансамбили» лондон шәһиридә мәхсус ойун қойған болуп, тонулған уйғур шаири әлишир навайини тонуштурған. Консерт тамашибинларниң йуқири баһаси вә алқишиға еришкән.

«Лондон уйғур ансамбили» дин радийомиз зийаритини қобул қилған рәһимә мәхмут ханим, хитай һөкүмити уйғурларниң миллий мәдәнийити вә сәнитини йоқитишқа урунуватқан бундақ бир пәйттә, 15-Әсирдики түркий хәлқләр әдәбийатиниң әң даңлиқ вәкили, уйғур классик шаири вә дөләт әрбаби әлишир навайини тонуштурушниң зор әһмийәткә игә икәнликини тәкитлиди. 

Игилинишичә, «лондон уйғур ансамбили» қурулғандин буйан йавропаниң һәрқайси җайлирида көп қетим сәнәт номурлири көрситип, бир тәрәптин уйғур миллий сәнитини тонуштурса, йәнә бир тәрәптин уйғурларниң һазирқи вәзийитини тонуштурмақта. Рәһимә мәхмут ханим, бу қетимқи консертниң бурунқиға охшимайдиғанлиқини, бурунқи консертларда пәқәт уйғур хәлқ нахшилирини орунлиғанлиқини, бу қетимқи консертта болса уйғур, өзбек вә иранлиқлар бирликтә әлишир навайиниң әсәрлирини тонуштурғанлиқини байан қилди. 

Әлишир навайиниң шеирлири 5 әсирдин буйан уйғур, өзбек вә иран хәлқлириниң муқам текистлиридә оқулуп кәлмәктә. Рәһимә мәхмут ханим, бу қетимлиқ консертта уйғур муқамни иҗра қилиштин бурун, әлишир навайиниң шеирлири инглизчиға тәрҗимә қилинип, тамашибинларға оқуп берилгәнликини билдүрди. 

Мәлум болушичә, бу консерт паалийитигә көп санда тәтқиқатчи вә сәнәтхумарлар шундақла лондондики оттура асийалиқ муһаҗирлар қатнашқан икән. 

«Чегра атлиған мәдәнийәт вә музика» намлиқ бу паалийәтни уйуштурған лондон университети асийа-Африқа вә шәрқшунаслиқ институтиниң оқутқучиси рачел ханим әлишир навайи тонуштурулған бу паалийәтни лондондики асийа хәлқлириниң, болупму иранлиқларниң қизиқип көргәнликини байан қилди. У мундақ деди: «бу паалийәт әнглийәдә хәлқ аммиси билән мунасивәт қилиш үчүн бәк йахши бир мунбәр болди. Мениңчә, бу паалийәттин хәлқ хушал болди, болупму лондонда йашаватқан иранлиқлар бәк хушал болди вә қизиқип көрди. Лондон хәлқи оттура асийа вә оттура асийалиқларниң тарихий вә ислами мәдәнийәтлиригә бәк қизиқиду, дәп қараймән. Шуниң үчүн көплигән иранлиқ тамашибинлар буниңға қизиқти. Йәни ‹чегра һалқиған мәдәнийәт вә музика› дегән паалийәтни бәк қизиқип көрди.» 

Лондон уйғур ансамбили 2004-Йили қурулған болуп, бүгүнгичә 40 мәйдандин артуқ ойун қойған икән.

Толуқ бәт