«London uyghur ansambili» ning konsértida elishir nawayi eserliri tonushturulghan

Ixtiyariy muxbirimiz erkin tarim
2017-09-22
Élxet
Pikir
Hembehr
Print
  • Print
  • Hembehr
  • Pikir
  • Élxet
London uyghur ansambilining londonda otkuzgen konsertidin bir korunush. 2017-Yili 20-Sentebir, london.
London uyghur ansambilining londonda otkuzgen konsertidin bir korunush. 2017-Yili 20-Sentebir, london.
RFA/Erkin Tarim

20-Séntebir küni engliyediki «london uyghur ansambili» london shehiride mexsus oyun qoyghan bolup, tonulghan uyghur shairi elishir nawayini tonushturghan. Konsért tamashibinlarning yuqiri bahasi we alqishigha érishken.

«London uyghur ansambili» din radiyomiz ziyaritini qobul qilghan rehime mexmut xanim, xitay hökümiti uyghurlarning milliy medeniyiti we senitini yoqitishqa urunuwatqan bundaq bir peytte, 15-Esirdiki türkiy xelqler edebiyatining eng dangliq wekili, uyghur klassik shairi we dölet erbabi elishir nawayini tonushturushning zor ehmiyetke ige ikenlikini tekitlidi. 

Igilinishiche, «london uyghur ansambili» qurulghandin buyan yawropaning herqaysi jaylirida köp qétim senet nomurliri körsitip, bir tereptin uyghur milliy senitini tonushtursa, yene bir tereptin uyghurlarning hazirqi weziyitini tonushturmaqta. Rehime mexmut xanim, bu qétimqi konsértning burunqigha oxshimaydighanliqini, burunqi konsértlarda peqet uyghur xelq naxshilirini orunlighanliqini, bu qétimqi konsértta bolsa uyghur, özbék we iranliqlar birlikte elishir nawayining eserlirini tonushturghanliqini bayan qildi. 

Elishir nawayining shéirliri 5 esirdin buyan uyghur, özbék we iran xelqlirining muqam tékistliride oqulup kelmekte. Rehime mexmut xanim, bu qétimliq konsértta uyghur muqamni ijra qilishtin burun, elishir nawayining shéirliri inglizchigha terjime qilinip, tamashibinlargha oqup bérilgenlikini bildürdi. 

Melum bolushiche, bu konsért paaliyitige köp sanda tetqiqatchi we senetxumarlar shundaqla londondiki ottura asiyaliq muhajirlar qatnashqan iken. 

«Chégra atlighan medeniyet we muzika» namliq bu paaliyetni uyushturghan london uniwérsitéti asiya-Afriqa we sherqshunasliq institutining oqutquchisi rachél xanim elishir nawayi tonushturulghan bu paaliyetni londondiki asiya xelqlirining, bolupmu iranliqlarning qiziqip körgenlikini bayan qildi. U mundaq dédi: «bu paaliyet engliyede xelq ammisi bilen munasiwet qilish üchün bek yaxshi bir munber boldi. Méningche, bu paaliyettin xelq xushal boldi, bolupmu londonda yashawatqan iranliqlar bek xushal boldi we qiziqip kördi. London xelqi ottura asiya we ottura asiyaliqlarning tarixiy we islami medeniyetlirige bek qiziqidu, dep qaraymen. Shuning üchün köpligen iranliq tamashibinlar buninggha qiziqti. Yeni ‹chégra halqighan medeniyet we muzika' dégen paaliyetni bek qiziqip kördi.» 

London uyghur ansambili 2004-Yili qurulghan bolup, bügüngiche 40 meydandin artuq oyun qoyghan iken.

Pikirler (0)
  • Print
  • Hembehr
  • Élxet
Toluq bet