Yemshidiki miskan déhqanlarning salametlikige tehdit salmaqta

Turpan aydingköl yéza, yemshi kentidiki déhqanning inkas qilishiche, mezkur kenttiki miskandin chiqqan kéreksiz gaz we bashqa dashqallar su we muhitni bulghap, ahalilarning salametlikige tesir körsetken. Yéqinda yemshi kentidiki yashan'ghan bir ayal déhqan inkas bildürüp, bu miskanning muhit bulghushi qismen tüzitilgen bolsimu, yenila ishtin toxtimighanliqini, yéqinqi yillarda yéza ahaliliride türlük késelliklerning köpiyishke bashlighanliqini inkas qildi.

Buningdin 10 yil ilgiri yazda bir qanche déhqan radi'omiz bilen alaqiliship, bu kentte échilishqa bashlighan miskandin chiqqan kéreksiz zeherlik gaz we bashqilarning muhitni éghir derijide bulghighandin sirt, kenttiki üzümchilik we déhqanchiliq ishlepchiqirishqimu ziyan élip kéliwatqanliqini inkas qilghan idi. Eyni chaghda bu xewer ashkarlan'ghandin kéyin, da'irilerning bu kan'gha qarita tüzesh élip baridighanliqini wede qilghanliqi melum bolghan idi.

Diqqitinglar muxbirimiz gülchéhrening bu yemshilik déhqan ayal bilen élip barghan söhbitide bolsun.