Qirghizistan yashliri: medeniyitimizni saqlap qalimiz

Ixtiyariy muxbirimiz firuze
2017.11.06
medeniyitimizni-saqlap-qalimiz-1.jpg Qirghizistan “Dil sadasi ijadiyet merkizi” “Sen'itimizni saqlap qalimiz” dégen sho'ari bilen ötküzgen Uyghur milliy usul körikidin körünüsh. 2017-Yili 5-noyabir, bishkek.
RFA/Firuze

Qirghizistan “Dil sadasi ijadiyet merkizi” “Sen'itimizni saqlap qalimiz” dégen sho'ari bilen 5-noyabir küni bishkek shehiride Uyghur milliy usul köriki uyushturdi.

“Dil sadasi ijadkar merkizi” rustem abdura'ufuwning teshebbuskarliqida 2008-yili teshkil qilin'ghan idi. Mezkur uyushma Uyghur milliy örp-adetlirini, sen'itini, chalghu eswablirining bayliqini terghib qilishi we bashqa milletlerge Uyghur medeniyitini usul arqiliq tonushturush meqsitide qurulghan idi. 9 Yil jeryanida “Dil sadasi merkizi”ning qollap quwwetlishi bilen qirghizistanda nurghun konsért uyushturulghan, ene shu konsértlarda qirghizistanda tonulghan sazende -naxshichilar we usulchilar topliri qatarida Uyghur naxsha sazliri yangrap we milliy usullar tamashibinlarning huzurigha hawale qilinip turmaqta.

“Dil sadasi” uyushturghan usul köriki qirghizistanda Uyghur medeniyitining yuqiri bahaliniwatqanliqining bir ipadisi.

Murasim üch türlük sinaqlardin teshkil qilin'ghan idi. Ularni bahalash üchün qirghizistandiki ataqliq ussulchilar teklip qilin'ghan idi.

Usul körikige 5 gödek we ösmürler topi qatnashqan idi. Ular sinaq qa'idiliri boyiche Uyghur milliy usullirini orunlap bérishti, ular yene Uyghur milliy chalghu eswablirida chélin'ghan sazlargha usul orunlashti.

Pa'aliyet netijiside 2 ösmürler topi birinchi orun'gha ériship teqdirnamilar we tiyatir biletliri bilen mukapatlandi we bashqilargha tatliq-türümler bérildi.

Qirghizistanda keng tonulghan sazende röshen'gül momunowa mezkur pa'aliyetning muhimliqini tekitlep rustem bilen awaxan abdura'ufowlarning Uyghur sen'itini yashlargha tonushturush üchün yürgüzüwatqan pa'aliyetlirige minnetdarliqini bildürüp we ularni qollap, qolidin kélishiche yardem bérishke teyyarliqini körsetti.

Qirghiz jumhuriyitining xelq artisi sultan kérimof qirghizistan yashliri ichide sen'et söyérler köpiyiwatqanliqidin razichiliqini bildürdi.

Rustam abdura'ufowning déyishiche “Dil sadasi merkizi”de Uyghurlar bilen billa rus, qirghiz, tatar we bashqa milletlerning ösmürliri terbiyiliniwatidu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.