Bishkekte ötküzülgen “Qish hékayisi” pa'aliyitige Uyghur ösmürlirimu qatnashti

Bishkekte ötküzülgen “Qish hékayisi” pa'aliyitide Uyghur ösmürliri sen'et nomuri körsetmekte. 2018-Yili 7-yanwar, bishkek.

Qirghizistan qirghizistan milliy muzika zalida ötküzülgen “Kg-tay sergüzeshtliri” dep atalghan muzika pa'aliyitige Uyghurlarning “Intizar” namliq milliy usul ansambili qatnashti.

Qirghizistanda yéngi yilliq murasimlar on tötinchi yanwarghiche dawamlishish sowét ittipaqi dewridin tartip taki bügün'giche bir en'enige aylandi. Bayram munasiwiti bilen, jümlidin hazir qishliq dem élish mezgili bolghachqa balilargha béghishlan'ghan köpligen konsértlar we pa'aliyetler uyushturulmaqta. 7-Yanwar küni qirghizistanning gülinur toyghonbayéwa sen'et merkizining uyushturushi bilen “Kg-tay sergüzeshtliri” dep atalghan qishliq balilar sen'et pa'aliyiti tamashibinlarning huzurigha hawale qilindi. Mezkur “Qish hékayisi” dep atalghan sen'et pa'aliyitige ishtirak qilish üchün “Intizar” Uyghur milliy usul ansambili teklip qilindi. Ansambilning bedi'iy rehbiri qelbinur turdiyéwaning éytishiche, qirghizistandiki ataqliq sen'etkarlar bilen milliy filarmoniyening, yeni milliy muzika ornining sehniside nomur orundash, Uyghur xelqining medeniyiti we shexsen “Intizar” ansambili üchün chong bir utuq hésablinidu. “Intizar” ansambili qazaqistandiki “Dolan” Uyghur milliy ansambili bilen hemkarlashmaqta. Mezkur murasimda balilar ussul yétekchisi bextiyar imranning yétekchilikide Uyghur ussuli orundidi.

Qirghizistan jumhuriyitining pexriy artisi we “Kg-tay” programmisining yétekchisi gülinur toyghonbayéwa bu murasimlarda talantliq balilarni tallap, sehnige chiqirip, meshiq qildurup chong sehnige teyyarlawatqanliqini körsetti. Mezkur programma qirghizistanda yashawatqan milletlerni birleshtürüsh we ularning medeniyitini xelq'aragha tonushturushni meqset qilidiken.

“Intizar” Uyghur milliy ansambili “Kg-tay” layihesige bashtila qatnashqan bolghachqa, bu qétimqi konsértqa ularmu teklip qilin'ghan idi. Bu heqte “Intizar” ansambili mes'uli mundaq dédi.

“Intizar” ansambilining eng yash ussulchisi aliyam derwanqulowa özining Uyghur milliy ussullirini yaxshi köridighanliqini bildürdi.

Qirghizistanda Uyghur milliy kimlikini saqlap qélish üchün Uyghurlarning sen'et merkezliri, ussul guruppiliri aktip xizmet qilip kelmekte. “Intizar”, “Dil sadasi”, “Yultuz” qatarliq sen'et guruppiliri Uyghur medeniyitini rawajlandurush üchün tirishmaqta. Ussulchi qiz aliyamning anisi aminem xanim, mezkur Uyghur milliy ansambilida ösmürler az-bolsimu, biraq ularning öz xelqining medeniyitini, tarixini we tilini öginip kéliwatqanliqini bayan qildi.

Qirghizistandiki Uyghurlar üchün qurulghan mexsus ana tildiki mektep we milliy ma'arip yoq bolsimu, emma Uyghur baliliri öz ana tili, sen'iti we medeniyetlirini öz a'iliside yaki Uyghur jem'iyetliri teshkilligen guruppilarda öginidu. Shundaq bolushigha qarimay, Uyghurlar öz tili we medeniyitini saqlap qélishqa tirishmaqta. Hökümetmu buni qollimaqta. Shu sewebtin Uyghurlar ene shundaq türlük sen'et pa'aliyetlirige aktip qatnashmaqta.

Qirghizistanda hökümet sanliq melumati boyiche 50 mingdin artuq Uyghur ahalisi yashaydu. Emma Uyghurlar özlirining sanining buningdin köp ikenlikini éytishidu. Qirghizistan Uyghurliri merkizi asiya jumhuriyetliri ichide qazaqistandin kéyin öz milliy medeniyiti, tili we örp-adetlirini bir qeder yaxshi saqlighan.