Türkiyede ötküzülgen shairlar uchrishishigha uyghurlarmu qatnashti

Ixtiyariy muxbirimiz erkin tarim
2017-07-04
Élxet
Pikir
Hembehr
Print
  • Print
  • Hembehr
  • Pikir
  • Élxet
Shaire nurela köktürk xanim uyghurlargha alaqidar shéir oqudi. 2013-Yili noyabir, türkiye.
Shaire nurela köktürk xanim uyghurlargha alaqidar shéir oqudi. 2013-Yili noyabir, türkiye.
RFA/Arslan

Türkiyening ottura rayonigha jaylashqan yozgat wilayitining merkizi yozgat shehiride ötküzülgen shairlar uchrishishigha alahide teklip boyiche uyghur shaire nurela xanim bilen uyghur xewer we tetqiqat merkizining mesuli xemit göktürk ependi qatnashti we nurela xanim shéir déklamatsiye qildi.

Her yili eneniwi shekilde ötküzülüwatqan türkiye shairlar uchrishishigha türkiyening 26 etrapida rayonidin kelgen shairlar, yozgat wilayitining her derijilik kadirliri we shéir heweskarliridin bolup köp sanda kishi ishtirak qildi.

1-2-Iyul künliri dawamlashqan shairlar uchrishishining birinchi künidiki échilish murasimida shaire nurela göktürk xanim uyghurlarning hazirqi weziyiti bayan qilinghan shéirlirini oqup kishilerning qattiq alqishigha érishti.

2006-Yilidin béri bu paaliyetni uyushturup kéliwatqan yozgat shairlar we edibler jemiyiti reisi ehmet sargim ependi ziyaritimizni qobul qilip, yighin heqqide melumat bérip mundaq dédi: « 2006-Yilidin béri eneniwi halda shairlar uchrishishi ötküzüwatimiz. Her wilayettin shairlarni teklip qilimiz, bu yil 13 wilayettin 26 shair qatnashti. Bularning ichidin ikki kishi sherqiy türkistanliq uyghur.

Her yili oxshimighan dölet we rayonlardin kishilerni teklip qiliwatimiz. Burunqi yillarda ezerbeyjandin, türkmenistandin, özbekistan we qazaqistanlardin shairlarni teklip qilghan iduq. Bu yil bolsa istanbuldin tégi uyghur shaire nurela göktürk xanim bilen tetqiqatchi xemit göktürkni teklip qilduq, ular bizge shéir déklamatsiye qildi we sherqiy türkistan toghrisida doklat berdi.»

Ehmet sargim ependi yozgat wilayiti xelqining sherqiy türkistan dawasigha köngül bölidighan xelq ikenlikini, ikki kündin béri sherqiy türkistan mesilisining kün tertipke kelgenlikini bayan qilip mundaq dédi: nurela xanim sherqiy türkistan heqqide yaxshi bir shéir oqudi, xemit göktürk ependi bolsa sherqiy türkistanliqlargha élip bériliwatqan ten jazasi we zulumlarni kün tertipke élip keldi. Hemmimizge melum bolghinidek, yozgat wilayiti sherqiy türkistan mesilisige alahide köngül bölidighan bir wilayet. Uyghurlarning derdi bizningmu derdimiz, uyghurlar qérindashlirimizning dert-Elimini ortaqliship, ulargha maddiy we meniwi jehettin yardem qilishni arzu qilimiz.»

1964-Yili 11 yash waqtida türkiyege kélip olturaqliship qalghan sherqiy türkistan weqpining sabiq reisi, uyghur xewer we tetqiqat merkizining mesuli xemit göktürk ependi ziyaritimizni qobul qilip, 1-, 2-Iyul künliri türkiyening yozgat shehiride ötküzülgen shairlar uchrishishida shaire nurela xanim uyghurlarning hazirqi échinishliq weziyitini teswirlep yazghan shéirini oqughanda yighin ehlining qattiq tesirlengenlikini bayan qildi.

Yighin toghrisida téléfon ziyaritimizni qobul qilghan shaire nurela xanim uyghurlarning hazirqi weziyitini anglatqan shéirlirini déklamatsiye qilghandin kéyin kishilerning buni anglap qattiq tesirlengenlikini, hetta köz yéshi tökkenlikini bayan qildi.

Wetende tughulup chetelde chong bolghan shairelerdin nurela xanim hazirghiche 3 shéir kitabi neshr qilinghan bolup, hazir bésilish aldida turghan ikki shéir kitabining barliqini bayan qildi.

Izmrdiki ege uniwérsitéti oqutquchisi proféssor doktor alimjan inayet ependi shaire nurela xanimning köp sanda shéirining türkiyede élan qilinghanliqini, türk xelqining alqishlishigha érishkenlikini bayan qildi.

Alimjan inayet ependi nurela xanimning shéirlirining bay mezmungha ige, bediiyliki küchlük shéirlar bolup, cheteldiki uyghur edebiyatining shekillinishide zor ehmiyetke ige ikenlikini bayan qildi.

Nurela xanimning 3 shéir kitabidin sirt «uyghur taamliri» namida bir kitabi bar. U, söyüngül janishif xanimning « köz yéshida nemlengen zémin» namliq kitabini türkchige terjime qilghan.

Toluq bet