Almatada alim we jama'et erbabi rabik ismayilofning 80 yashliq tewelludi ötküzüldi
2014.09.24
Yéqinda almatadiki yazghuchilar öyide körneklik alim, zhurnalist, neshriyatchi we jama'et erbabi rabik ismayilofning 80 yashliq tewelludi ötküzüldi.
Qazaqistan yazghuchilar ittipaqi yénidiki Uyghur edebiyati kéngishi uyushturghan mezkur tentenige almata shehiri we almata wilayitige qarashliq nahiyelerdin, qoshna qirghizistandin kelgen Uyghur jama'etchiliki, ziyaliylar, jem'iyetlik birleshmiler, metbu'atlar, neshriyatlar, ilmiy we bilim dergahliri wekilliri qatnashti.
Alim heqqide doklat oqulghandin kéyin sözge chiqqan qazaqistan yazghuchilar ittipaqi bashqarmisining katipi, sha'ir maraltay ibrayéf, Uyghur edebiyati kéngishining bashliqi exmetjan hashirof, qazaqistan bilim we pen ministirliqi r. Süléyménof namidiki sherqshunasliq instituti Uyghurshunasliq merkizining rehbiri, tarix penlirining doktori risalet kerimowa, qirghizistan yuqiri kéngishining ezasi tursuntay selimof, “Méktép” neshriyati bash muherririning orunbasari a'uléy ospanowa we shu neshriyat Uyghur rédaksiyisi bashliqi rexmetjan ghojamberdiyéf, tijaretchiler, sana'etchiler we yéza igiliki xadimliri jem'iyetlik birleshmisining prézidénti dilmurat quziyéf, “Inayet” jem'iyetlik birleshmisining re'isi turghanjan rozaxunof, jumhuriyetlik “Uyghur awazi” gézitining bash muherriri érshat esmetof, qazaqistan zhurnalistlar ittipaqi ezasi yoldash azamatof, quddus ghojamyarof namidiki jumhuriyetlik dölet Uyghur muzikiliq komédiye tiyatiri mudiri sawutjan sonurof, “Idrak” jem'iyetlik fondi prézidénti, gé'ologiye-minéral penliri doktori abdul'eziz abdullayéf, shundaqla alimlar, yazghuchilar, yigit bashliri we bashqilar tewellud igisini semimiy tebriklep, uning qazaqistan tereqqiyatigha we milliy medeniyetke qoshqan töhpisige yuqiri baha berdi.
Tentene mabeynide Uyghur tiyatiri artisliri we sheherning abdulla rozibaqiyéf, murat hemrayéf we mesim yaqupof namidiki Uyghur mektepliri oqughuchiliri teyyarlighan konsért programmisi körsitildi.
Radi'omiz ziyaritini qobul qilghan yazghuchi we dramaturg exmetjan hashirof bu heqte öz qarashlirini otturigha qoydi.