Rottérdamda «uyghur küni» paaliyiti ötküzüldi

Ixtiyariy muxbirimiz ekrem
2017-10-25
Élxet
Pikir
Hembehr
Print
  • Print
  • Hembehr
  • Pikir
  • Élxet
«Ürümchi réstorani» da ötküzülgen «uyghur küni» paaliyitide xelqara kechürüm teshkilati rottérdam shöbisining reisi adrénné xanim söz qilmaqta. 2017-Yili 23-Öktebir, gollandiye.
«Ürümchi réstorani» da ötküzülgen «uyghur küni» paaliyitide xelqara kechürüm teshkilati rottérdam shöbisining reisi adrénné xanim söz qilmaqta. 2017-Yili 23-Öktebir, gollandiye.
RFA/Ekrem

23-Öktebir gollandiyening rottérdam shehiridiki «ürümchi réstorani» da ilham toxti we buzeynep mesilisini asasiy téma qilghan «uyghur küni» paaliyiti ötküzüldi.

Xelqara kechürüm teshkilatining rottérdam shöbisi bilen rottérdam shehiridiki «ürümchi réstorani» ning hemkarliqi astida 23-Öktebir küni chüshtin kéyin bu réstoranda «uyghur küni» paaliyiti bolup ötti. Paaliyetke gollandiyediki bir qisim uyghurlar, xelqara kechürüm teshkilatining mesulliri, d u q ning rehberliri qatnashti.

«Ürümchi réstorani»ning xojayini, xelqara kechürüm teshkilatining ezasi zeynidin ependi bu heqte bizge melumat bergende, uyghurlar mesilisini gollandiyede téximu keng tonutush meqsitide bu paaliyetni uyushturghanliqini tilgha aldi.

Paaliyetke d u q rehberliridin ömer qanat, dolqun eysa ependilermu qatnashqan bolup, ular sözliride nöwettiki uyghur weziyitidin melumatlar berdi we xitayning uyghur diyarida yolgha qoyuwatqan qattiq basturush siyasitini delil-Ispatliri bilen anglatti. D u q bash katipi, dolqun eysa ependi, bu paaliyetning yaxshi ötküzülgenlikini tekitlidi.

Xelqara kechürüm teshkilati rottérdam shöbisining reisi adrénné xanim hemde niko ependilermu söz qilip, uyghurlar mesilisini rottérdamda we pütün gollandiyede tonutush üchün tirishchanliq körsitidighanliqini, xitay türmisidiki ilham toxti, buzeynep qatarliq naheq qamalghan shexslerni tipik missal süpitide tutup paaliyet qilishning téximu tesirlik bolidighanliqini eskertti.

«Ürümchi réstorani» xizmetchisi, zeynidinning inisi qehriman ependimu 23-Öktebir ötküzülgen bu paaliyet heqqide tesiratini bayan qildi. Zeynidinning ayali rahile barat xanimmu bu paaliyettin köp memnun bolghanliqini bildürdi.

Zeynidin ependi «ürümchi réstorani» ni 2015-Yili rottérdam shehiride achqan bolup, u bir tereptin réstoran xizmitini élip barsa, yene bir tereptin xelqara kechürüm teshkilati bilen hemkarliship uyghurlar mesilisini tonutup kelmekte iken.

Toluq bet