Из-Дерики болмайватқан әзһәр оқуғучиси йалғуз мухтәр розила әмәс

Мухбиримиз гүлчеһрә
2017-09-26
Елхәт
Пикир
Һәмбәһр
Принт
  • Принт
  • Һәмбәһр
  • Пикир
  • Елхәт
Мисирда ғайиб болған әзһәр оқуғучиси мухтәр рози әпәндиниң қанунлуқ рәсмийәтлири. 2017-Йили сентәбир, мисир.
Мисирда ғайиб болған әзһәр оқуғучиси мухтәр рози әпәндиниң қанунлуқ рәсмийәтлири. 2017-Йили сентәбир, мисир.
Мухтәр рози әпәндиниң ханими мәрйәм муһәммәд ханим тәминлигән

Истанбулдин зийаритимизни қобул қилған әзһәр оқуғучилиридин ели, тутқун болуватқан күнләрдә өзи вә йәнә икки достиниң парахот арқилиқ мисирдин сақ-Саламәт айрилған болсиму, көзиниң арқида қалғанлиқини билдүрди. Чүнки ели вә қалған икки сәпдиши, өзлириниң қутулушиға сәвәб болған мухтәр розиниң из-Дерикини алалмай кәлмәктә.

Униң чүшәндүрүшичә, мисирдики уйғур оқуғучилар туйуқсиз тутқун қилиниватқан дәсләпки күнләрдә, әзһәр оқуғучилири асасән қанунсиз туруватқанларни тутуветипту дәп ойлап, қечиш хийали кәлмигән болсиму кейин, әзһәрдә оқуватқан оқуғучиларниңму һәтта хитай консули билән йеқин алақиси бар уйғур оқуғучиларниңму тутқун қилинғандин кейин, өзлиригиму хәвп йетидиғанлиқини һес қилған дәл шу пәйттә мухтәр, елигә консул билән алақиси бар, хитайлиқ оқуғучилар уйушмисидики бир туңганниң өзигә «сениң исмиңни консулдики тизимликтә көрүп қалдим» дәп учур йоллиғанлиқини ейтқан. Шуниң билән улар бирликтә мәслиһәтлишип, парахот портидин ийорданийәгә баридиған парахот арқилиқ мисирдин айрилиш вә ийорданийәдин түркийәгә беришни пиланлиған. Башқиларниң беләт алғудәк иқтисади болмиғачқа, мухтәр өзидин башқа йәнә 3 савақдишиға йардәм қилип, сәпәр чиқимлирини өз үстигә алған.

Мухтәр рози, ели вә уларниң йәнә икки савақдишидин ибарәт әзһәрниң қанунлуқ оқуғучилири болған мәзкур төт уйғур 16-Ийул күни қаһирәдин бир қанчә саәт йол йүрүп новейби парахот портиға кәлгән. Әмма таможнидин өтидиған чағда аввал ели билән йәнә бир савақдиши өткүзүлүп, мухтәр рози йәнә бир савақдиши билән биргә тосуп қелинған. Кейин парахотқа олтуруп болған ели билән униң сәпәрдиши қайта парахоттин йандуруп чүшүрүлгән вә қайта тәкшүрүлгән. Порт сақчилири бу төт уйғурниң паспорт, беләт вә башқа материйаллирини рәсимгә тартип, қаһирәдики баш аппаратиға йоллиған. Әтиси мухтәрдин башқа 3 киши чеградин өтүшкә рухсәт қилинип ийорданийәгә маңған парахотқа олтурғузулған. Һалбуки мухтәр йалғуз айрип қелинған. Униңдин кейин мухтәрниң телефониниң токи түгәп, алақә үзүлгән.

Елиниң ейтишичә, сәпдашлар вә мухтәрниң айали һәмдә мисирдики өзлиригә йардәм қиливатқан адвокатму һазирғичә елиниң хәвирини алалмиған. Адвокатниң елигә дейишичә, ели тутулуп иккинчи күни порт сақчилири мухтәрни сүрүштүрүп кәлгән адвокатқа؛ «биз ундақ адәмни көрмидуқ» дәп қайтурувәткән. Қаһирәдики уйғурлар соланған тура түрмисидинму мухтәрниң из-Дерики болмиғандин кейин адвокат новәйби портиға қайта келип сүрүштүргән. Улар бу нөвәт адвокатқа мухтәрниң қаһирәгә елип кетилгәнликини ейтқан болсиму немә үчүн вә қайси орунға елип кетилгәнлики һәққидә һечнемә билмәйдиғанлиқини ейтишқан икән. Һәммә рәсмийәтлири толуқ мухтәрниң порттики тәкшүрүштә сәпәрдашлиридин айрип елип қелиниши, униң алдида мухтәргә кәлгән хитайниң тизимликигә чүшкәнлик шәписи, мухтәрниң из-Дерикини қиливатқан униң айали вә сәпдашлирида «әҗәба мухтәр рози хитай тәрәпниң тизими бойичә тутулғанмиду?» дегән гуманни күчәйтмәктә икән.

Телефон алақилири вә мисирдин түркийәгә кәлгән оқуғучилар арқилиқ давамлиқ сәпдиши мухтәр розиниң хәвирини елишқа тиришиватқан елиниң ейтишичә, 16 уйғур тура түрмисидин елип кетилип ғайиб болған, мухтәр рози, чеграда тутулуп ғайиб болған болса, йәнә өзи тонуйдиған әзһәрдә оқуватқанлардин шөһрәт вә пәрһат 5-Ийулда тутқун қилинған. Улар хитайлиқ оқуғучилар уйушмисида хизмәт қиливатқан, хитай консули билән йеқин алақиси бар оқуғучилар болуп, пәрһат кейин тура түрмисигә апирилған вә шөһрәт, өйигә бесип киргән мисир сақчилири тәрипидин тутуп кетилгәндин буйан, һазирғичә уларни көргәнләр йоқ икән.

Пикирләр (0)
  • Принт
  • Һәмбәһр
  • Елхәт
Толуқ бәт