Muhajirettiki Uyghur ziyaliyliri shinjang téléwiziyesining ilham toxti délosi heqqidiki mexsus söhbitige reddiye berdi (2)

Muxbirimiz qutlan
2014.10.28
ilham-toxti-tv-mulahize.jpg Shinjang uniwérsitétidin doktori erkin samsaq(otturida) bilen shinjang ijtima'iy penler akadémiyesidin férdun pettar(ongda) shinjang téléwiziyiside ilham toxtining “Döletni parchilash jinayiti” ötküzgenliki heqqide dawrang salghan. 2014-Yili 25-séntebir, ürümchi.
Social Media

Analizchilar shinjang téléwiziyisi Uyghurche qanilining ilham toxti délosi heqqidiki Mexsus téléwiziye söhbitining Meqsetlik halda otturigha chiqqanliqini ilgiri sürmekte.

Ilham toxti ürümchide sotlinip uzun ötmeyla shinjang téléwiziyisi Uyghurche qanilining 25-séntebirdiki “Bügünki söhbet” programmisida bu heqte mexsus téléwiziye söhbiti uyushturulghan.

Téléwiziye söhbitige shinjang uniwérsitéti qanunshunasliq institutining léktori, jinayi ishlar qanunshunasliq penliri doktori erkin samsaq bilen shinjang ijtima'iy penler akadémiyesi qanun tetqiqat ornining mu'awin bashliqi férdun pettar alahide teklip qilin'ghan.

Ular ikkisi téléwiziye söhbiti jeryanida xitay jinayi ishlar qanunidiki munasiwetlik maddilardin neqil keltürüp ilham toxtining “Döletni parchilash jinayiti” ötküzgenliki we uning délosi üstidin chiqirilghan sot hökümining adil bolghanliqi heqqide dawrang salghan.

Muhajirettiki Uyghur ziyaliyliridin ilshat hesen ependi bilen adwokat nuri türkel ependi bu heqte radi'omiz ziyaritini qobul qilip, shinjang téléwiziyesining ilham toxtini eyiblesh boyiche ötküzgen söhbet programmisigha reddiye berdi.

Ilshat hesen ependi sözide ilham toxtining sotigha alahide teklip bilen qatnashqan Uyghur aptonom rayonluq edebiyat-sent'etchiler birleshmisining sabiq sékrétari lyu bin we mezkur téléwiziye söhbitining sözchiliridin erkin samsaq bilen férdun pettarlarning bayanlirining asassiz ikenlikini körsitip ötti.

U ilham toxtining iqtisadshunasliqqa da'ir shunche köp maqaliliri élan qilin'ghan turuqluq téléwiziyide sözligüchilerning buninggha köz yumuwalghanliqini alahide eskertip ötti. U ilham toxtining iqtisadshunasliqqa da'ir ilmiy maqalilirining “Merkiziy milletler uniwérsitéti ilmiy zhurnili” da, hetta xitay hökümitining organ géziti hésablan'ghan “Nur” gézitide élan qilin'ghanliqini tekitlidi.

Adwokat nuri türkel ependimu ilham toxtining ürümchidiki sotining emeliyette qanun'gha emes, belki siyasetke tayinip élip bérilghanliqini ilgiri sürdi. U erkin samsaq bilen férdun pettarning qanunni shipi keltürüp sözligen bayanlirining héchqaysisi eng eqelliy qanuniy we ilmiy mentiqige uyghun kelmeydu dep körsetti.

Tepsilatini awaz ulinishtin anglighaysiz.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.