Uyghur musapirlar b d t musapirlar ishxanisigha qandaq iltimas qilishi kérek?

Ixtiyariy muxbirimiz erkin tarim
2017-08-07
Élxet
Pikir
Hembehr
Print
  • Print
  • Hembehr
  • Pikir
  • Élxet
Türk balilar uyghur musapir balilargha yardem buyumliri bermekte. 2015-Yili yanwar, türkiye.
Türk balilar uyghur musapir balilargha yardem buyumliri bermekte. 2015-Yili yanwar, türkiye.
RFA/Erkin Tarim

Türkiyede uyghur musapirlarning köpiyishige egiship, birleshken döletler teshkilatining enqerediki musapirlar ishxanisigha bashqa döletlerge kétish üchün iltimas qiliwatqan uyghurlarning sanimu köpeymekte. Emma türkiyege kelgen uyghurlar qandaq qaysi yollar bilen iltimas qilidighanliqini bilmigechke, bu heq we hoquqinimu qoldin ketküzüp qoymaqta.

Bu heqte melumat igilesh üchün birleshken döletler teshkilatining enqere shöbisige téléfon qilghan bolsaqmu, ular bu heqtiki melumatlarning idarining tor bétide mewjutluqini, uningdin paydilinip xewer ishlisek bolidighanliqini éytti.

2014-Yili 4-Ayning 11-Küni maqullanghan chetelliklerni qoghdash qanuni» gha asasen, kishiler eger chetelliklerni qoghdash komitéti teripidin panahliq iltimasi ret qilinsa, 10 kün ichide naraziliq iltimasi bérish hoquqigha ige iken. Bulardin bashqa 30 kün ichide türkiyediki sot idarilirige erz qilish hoquqigha ige iken. Birleshken döletler teshkilatining qararigha naraziliq bildürüp iltimas bergenlikingizni türkiyege bildürsingiz, sizni heydep chiqiriwételmeydiken. Sot jeryanida adwokat teklip qilish hoquqigha ige ikensiz. Adwokatqa béridighan pulingiz bolmisa, türkiye adwokatlar birlikidin adwokat telep qilish hoquqingiz bar bolup, adwokatlar birliki sizge heqsiz adwokat béridiken.

Birleshken dölet teshkilati musapirlar komitétining tor bétidiki yéngi belgilimilerge asaslanghanda, eger üch qétim sewebsiz yüzturane körüshüshke barmisingiz, sewebsiz halda üch qétim qol qoyghili barmisingiz, birleshken döletler teshkilati teqsim qilghan wilayetke 15 kün ichide bérip iltimas qilmisingiz, siz turuwatqan wilayettin ruxsetsiz kétip qalsingiz, shexsi melumatliringizni bermisingiz, tizimgha aldurush we yüz turane uchrishishning qaidilirige xilapliq qilsingiz, birleshken döletler teshkilati musapirliq salahiyitingizni élip tashlaydiken.

Birleshken döletler teshkilati musapirlar idarisi pütün xet-Chek we siz toghriliq melumatlarni siz bergen adrésqa ewetidighan bolup, eger xata adrésni bérip qoysingiz yaki köchüp kétip yéngi adrésingizni bermisingiz, pütün mesuliyet sizde bolidiken.

Biz igiligen melumatlargha asaslanghanda, burun bezi uyghurlar birleshken döletler teshkilati arqiliq herqaysi döletlerge ketken bolsa, beziliri hazir b d t din musapirlargha bérilgen kinishkiliri bilen türkiyening her qaysi wilayetliride turmaqta. Ularning ehwalining qandaqliqini bilish üchün, ular bilen téléfon söhbiti élip barduq.

Hazir kanadada turuwatqan 2003-Yili 11-Ayning 17-Küni türkiyege kélip birleshken döletler teshkilati musapirlar idarisidin panahliq tilep, birleshken döletler teshkilati arqiliq 2004-Yili 12-Ayning 21-Küni kanadagha élip kétilgen tuyghun abduweli ependi, özining panahliq tilesh jeryani toghrisida melumat berdi.

Birleshken döletler teshkilatigha panahliq tiligen kishi musapirlar salahiyitige ige bolushi üchün qandaq shertlerge ige bolushi kérek. Ular yüzturane uchrishishta néme soallarni soraydu? tuyghun abduweli ependi özidin sorighan soallar toghrisida melumat berdi.

Ijtimaiy taratqularda uyghur panahlanghuchilarning néme qilishi toghrisida her xil xewerler tarqilip yürmekte. Uyghurlar bu heqte némilerni qilishi kérek? tuyghun abduweli ependi tewsiyelirini bayan qildi.

Türkiyege kelgen uyghur musapirlarning beziliri türkiyede yashashni tallisa, yene beziliri türkiyediki birleshken döletler teshkilati ishxanisidin panahliq tilimekte. Birleshken döletler teshkilatigha iltimas qilghandin kéyin, melum bir wilayette yashawatqan, heqiqiy ismini ashkarilashni xalimighan wolqan bughra ependi bir yérim yildin béri jawab kütüwatqanliqini bayan qildi. U, birleshken döletler teshkilatidin panahliq tiligendin kéyin, özining iqtisadiy yardem élip baqmighanliqini, türk xelqining özige köp yardem qilghanliqini bayan qildi.

Resmiy bolmighan statistikilargha asaslanghanda, hazir türkiyede birleshken döletler teshkilatigha iltimas qilip, üchinchi döletke kétishni kütüwatqan uyghurlarning sani 200 etrapida iken.

Toluq bet