Türkiyede “Xitayning merkizidiki partlitish weqesini Uyghurlar qildimu?” serlewhilik maqale élan qilindi

Ixtiyariy muxbirimiz erkin tarim
2013.10.30
tyenanmen-uyghur-qarshiliq-turkiye-mulahize.JPG “Dunya bülteni géziti” ge hamut göktürkning “Xitayning merkizidiki partlitish weqesini Uyghurlar qildimu?” serlewhilik maqalisi bésilghan. 2013-Yili 30-öktebir, türkiye.
dunyabulteni.net

Yekshenbe küni béyjingda yüz bergen weqening tyen'enmén'ge hujum qilish weqesi ikenliki we bu hujumning Uyghurlar teripidin élip bérilghanliqi heqqidiki xewerler élan qilin'ghandin kéyin türkiye axbarat wasitiliridimu bu xewerge alahide orun bérildi.

Türkiyening dölet téléwiziyisi t r t we pütün shexsiy téléwiziyilerdimu bu uchurgha orun bérildi. Bulardin bashqa “Höriyet”gézitige oxshash köp sanda chong gézitlerdimu orun bérildi. Bu heqte “Dunya bülteni” gézitining 30-öktebir künidiki sanida “Xitayning merkizidiki partlitish weqesini Uyghurlar qildimu?” serlewhilik maqale élan qilindi.

Maqalide eger weqening rastinila Uyghurlar teripidin sadir qilin'ghanliqi ispatlansa, bu weqening Uyghurlar xitayda qilghan tunji weqe süpitide tarixqa yézilidighanliqi ilgiri sürülgen. Maqalining aptori hamut göktürk mezkur maqaliside xitayning 5-iyul ürümchi weqesidin kéyin Uyghurlarni tin'ghili qoymaywatqanliqini, Uyghurlarning hazir öz derdini erkin ipadilesh erkinlikigimu ige emeslikini ilgiri sürgen.

Hamut göktürk maqaliside yene eger bu weqeni Uyghurlar qilghan bolsa, xitayning Uyghur rayonida yéqinda élip barghan bir qatar qanliq basturush heriketlirige qarshiliq körsitish üchün qilghan bölishi kéreklikini xitayning Uyghurlargha qarshi dölet térrori élip bériwatqanliqini tekitligen. Biz uning “Dunya bulteni” namliq tor gézitide élan qilin'ghan “Xitayning merkizidiki partlitish weqesini Uyghurlar qildimu?” serlewhilik maqalisini chöridigen halda söhbet élip barduq.

Tepsilatini yuqiridiki awaz ulinishidin anglighaysiz.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.