ﻧﺎﻣﺎﻳﯩﺸﭽﯩﻼﺭﻧﯩﯔ ﺋﯧﻴﺘﯩﺸﯩﭽﻪ، ﻫﯩﻨﺪﯨﺴﺘﺎﻥ ﻫﯚﻛﯜﻣﯩﺘﯩﻨﯩﯔ ﺑﯘ ﻫﻪﺭﯨﻜﯩﺘﻰ ﺋﺎﻫﺎﻟﯩﺴﯩﻨﯩﯔ ﻣﯘﺗﻠﻪﻕ ﻛﯚﭖ ﻗﯩﺴﯩﻤﻰ ﻣﯘﺳﯘﻟﻤﺎﻧﻼﺭﺩﯨﻦ ﺗﻪﺷﻜﯩﻞ ﺗﺎﭘﻘﺎﻥ ﻛﻪﺷﻤﯩﺮﮔﻪ ﻫﯩﻨﺪﯗﻻﺭﻧﯩﯔ ﻛﯧﻠﯩﭗ ﺋﻮﺭﯗﻧﻠﯩﺸﯩﺸﯩﻐﺎ ﻳﯘﻝ ﺋﯩﭽﯩﺸﻰ ﯞﻩ ﺑﯘ ﺭﺍﻳﻮﻧﺪﺍ ﻫﯩﻨﺪﯗﻻﺭﻧﯩﯔ ﻧﻮﭘﯘﺱ ﻧﯩﺴﺒﯩﺘﯩﻨﻰ ﻛﯚﭘﻪﻳﺘﯩﯟﯦﺘﯩﺸﻰ ﻣﯘﻣﻜﯩﻦ ﺋﯩﻜﻪﻥ.

ﺋﺎﻣﯧﺮﯨﻜﺎ ﺑﯩﺮﻟﻪﺷﻤﻪ ﺋﺎﮔﯧﻨﺘﻠﯩﻘﯩﻨﯩﯔ ﺧﻪﯞﻩﺭ ﻗﯩﻠﯩﺸﯩﭽﻪ، ﻫﯩﻨﺪﯨﯩﺴﺘﺎﻥ ﺳﺎﻗﭽﯩﻠﯩﺮﻯ ﻧﺎﻣﺎﻳﯩﺸﭽﯩﻼﺭﻧﻰ ﺗﺎﺭﻗﯩﺘﯩﺶ ﻛﯚﺯﺩﯨﻦ ﻳﺎﺵ ﺋﺎﻗﻘﯘﺯﯨﺪﯨﻐﺎﻥ ﮔﺎﺯ ﺋﯩﺸﻠﻪﺗﻜﻪﻥ ﻫﻪﻣﺪﻩ ﻫﺎﯞﺍﻏﺎ ﺋﻮﻕ ﭼﯩﻘﺎﺭﻏﺎﻥ. ﺧﻪﯞﻩﺭﺩﻩ ﺋﯧﻴﺘﯩﻠﯩﺸﯩﭽﻪ، ﺳﺎﻗﭽﯩﻼﺭ ﺑﯩﻠﻪﻥ ﻧﺎﻣﺎﻳﯩﺸﭽﯩﻼﺭ ﺋﻮﺗﺘﯘﺭﯨﺴﯩﺪﺍ ﭼﯩﻘﻘﺎﻥ ﺗﻮﻗﯘﻧﯘﺷﻼﺭﺩﺍ ﺋﯜﭺ ﻛﯩﺸﻰ ﺋﯚﻟﮕﻪﻥ ﯞﻩ ﺋﺎﺯ ﺩﯦﮕﻪﻧﺪﻩ 12 ﺳﺎﻗﭽﻰ ﯞﻩ 29 ﻧﻪﭘﻪﺭ ﻧﺎﻣﺎﻳﯩﺸﭽﻰ ﻳﺎﺭﯨﻼﻧﻐﺎﻥ.

ﻫﯩﻨﺪﯨﺴﺘﺎﻥ ﻫﯚﻛﯜﻣﻪﺕ ﺩﺍﺋﯩﺮﯨﻠﯩﺮﻯ، ﻫﯚﻛﯜﻣﻪﺗﻨﯩﯔ ﻛﻪﺷﻤﯩﺮﮔﻪ ﻫﯩﻨﺪﻯ ﻧﻮﭘﯘﺳﻰ ﺋﻮﺭﯗﻧﻼﺷﺘﯘﺭﯗﺵ ﯞﻩ ﺭﺍﻳﻮﻧﺪﯨﻜﻰ ﻫﯩﻨﺪﯗﻻﺭﻧﯩﯔ ﺳﺎﻧﯩﻨﻰ ﻛﯚﭘﻪﻳﺘﯩﺶ ﭘﯩﻼﻧﻰ ﺑﺎﺭﻟﯩﻘﻰ ﺗﻮﻏﺮﯨﺴﯩﺪﯨﻜﻰ ﺋﻪﻳﯩﺒﻠﻪﺷﻠﻪﺭﻧﻰ ﺭﻩﺕ ﻗﯩﻠﻤﺎﻗﺘﺎ.

ﻫﯩﻨﺪﯨﺴﺘﺎﻥ ﻫﯚﻛﯜﻣﯩﺘﻰ ﻛﻪﺷﻤﯩﺮ ﻣﯘﺳﯘﻟﻤﺎﻧﻠﯩﺮﯨﻨﯩﯔ ﻣﯘﺳﺘﻪﻗﯩﻠﻠﯩﻖ ﻫﻪﺭﯨﻜﯩﺘﯩﻨﻰ ﺑﺎﺳﺘﯘﺭﯗﺵ ﯞﻩ ﻛﻪﺷﻤﯩﺮ ﺋﯜﺳﺘﯩﺪﯨﻜﻰ ﻛﻮﻧﺘﺮﻭﻟﻠﯘﻗﯩﻨﻰ ﺳﺎﻗﻼﭖ ﺗﯘﺭﯗﺵ ﺋﯜﭼﯜﻥ، ﺭﺍﻳﻮﻧﻐﺎ 700 ﻣﯩﯔ ﻫﻪﺭﺑﯩﻲ ﻗﯩﺴﯩﻢ ﺋﻮﺭﯗﻧﻼﺷﺘﯘﺭﻏﺎﻥ. ﺭﺍﻳﻮﻧﻨﯩﯔ ﻣﯘﺳﺘﻪﻗﯩﻠﻠﯩﻘﻰ ﺋﯜﭼﯜﻥ ﻛﯚﺭﻩﺵ ﻗﯩﻠﯩﯟﺍﺗﻘﺎﻥ ﻣﯘﺳﯘﻟﻤﺎﻥ ﮔﯘﺭﯗﭘﭙﯩﻼﺭ ﺑﯩﻠﻪﻥ ﻫﯩﻨﺪﯨﺴﺘﺎﻥ ﻫﻪﺭﺑﯩﻲ ﻗﯩﺴﯩﻤﻠﯩﺮﻯ ﺋﻮﺗﺘﯘﺭﯨﺴﯩﺪﺍ ﻗﺎﻧﻠﯩﻖ ﺗﻮﻗﯘﻧﯘﺷﻼﺭﻏﺎ ﺳﻪﻫﻨﻪ ﺑﻮﻟﻐﺎﻥ ﻛﻪﺷﻤﯩﺮ، ﻣﯘﺳﯘﻟﻤﺎﻧﻼﺭ ﻛﯜﭖ ﺳﺎﻧﻨﻰ ﺋﯩﮕﯩﻠﻪﻳﺪﯨﻐﺎﻥ ﻫﯩﻨﺪﯨﺴﺘﺎﻧﻨﯩﯔ ﺑﯩﺮﺩﯨﻦ ﺑﯩﺮ ﺋﯚﻟﻜﯩﺴﻰ ﻫﯧﺴﺎﺑﻠﯩﻨﯩﺪﯗ.

ﺧﻪﯞﻩﺭﻟﻪﺭﮔﻪ ﻗﺎﺭﯨﻐﺎﻧﺪﺍ، ﻛﻪﺷﻤﯩﺮ ﻧﯩﯔ ﻣﯘﺳﺘﻪﻗﯩﻠﻠﯩﻘﻰ ﺋﯜﭼﯜﻥ ﭘﺎﺋﺎﻟﯩﻴﻪﺕ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﻣﯘﺳﯘﻟﻤﺎﻥ ﮔﯘﺭﯗﭘﭙﯩﻼﺭ ﺑﯩﻠﻪﻥ ﻫﯩﻨﺪﯨﺴﺘﺎﻥ ﺑﯩﺨﻪﺗﻪﺭﻟﯩﻚ ﻗﯩﺴﯩﻤﻠﯩﺮﻯ ﺋﻮﺗﺘﯘﺭﯨﺴﯩﺪﯨﻜﻰ ﻳﯜﺯ ﺑﻪﺭﮔﻪﻥ ﺗﻮﻗﯘﻧﯘﺷﻼﺭﺩﺍ ﻫﺎﺯﯨﺮﻏﯩﭽﻪ ﺋﻮﻥ ﻣﯩﯖﻠﯩﻐﺎﻥ ﻛﯩﺸﻰ ﺋﯚﻟﮕﻪﻥ.