Korlada misirdin qaytqan ikki oqughuchining türmide ölgenliki delillendi

Muxbirimiz shöhret hoshur
2017-12-20
Élxet
Pikir
Hembehr
Print
  • Print
  • Hembehr
  • Pikir
  • Élxet
2016- Yili 4-aylarda ezherdin weten'ge qaytip, saqchilarning soraqliri jeryanida ölüki bérilgen yasinjan. Korla nash awattin, memtimin qari hajimning oghli. (Süretning tartilghan waqti we orni éniq emes)
2016- Yili 4-aylarda ezherdin weten'ge qaytip, saqchilarning soraqliri jeryanida ölüki bérilgen yasinjan. Korla nash awattin, memtimin qari hajimning oghli. (Süretning tartilghan waqti we orni éniq emes)
Social Media

Yéqinqi aylardin béri anglighuchilirimiz, korlada misirdin qaytqan ikki oqughuchining türmide ölgenliki heqqide arqa-arqidin uchur yetküzgen, emma muxbirlirimizning 3 aydin bériqi éniqlashliri dawamida uchurning toghriliqi aydinglashmighan idi.

Muxbirimizning bügünki éniqlishi dawamida, korladiki bir kent sékrétari, korladiki chong meschitnining misirdin qaytip kelgen oghli bilen, charbaghdiki bir saqchi xadimining misirdin qaytip kelgen inisi yasinjanning türmide ölgenlikini delillidi.

Muhajirettiki anglighuchilirimizdin birqanchisi bu yil 9-10-aylarda rad'i'omizgha mektup yollap, korlada misirdin qaytqan bir oqughuchining türmide ölgenlikini melum qildi. Emma mektupta ölgüchining ismi we nopus teweliki yézilmighan bolghachqa, bu heqtiki éniqlashlirimiz netijisiz qalghan idi. Bu hepte bu heqte uchur yetküzgen bir anglighuchimiz, korlada misirdiki oqushtin qaytip ölgen kishining ikki neper ikenliki, buning biri korla sheher ichidin ikenliki, yene birsining bolsa awat yézisidin ikenliki, isimlirining abduslam memet we yasinjan ikenlikini bayan qildi. Biz bu yip uchlirigha asasen, bu heqte tekrar éniqlash élip barduq.

Korlaning awat yézisida ilgiri wezipe ötigen bir kent sékrétari, özi bilen bille wezipe ötigen guruppa kadirliri we saqchi xadimliridin anglighanlirigha asasen, yuqirida tilgha élin'ghan ikki kishining ölümidin xewerdar ikenlikini éytti. Uning bayan qilishiche, abdusalam memet korla sheher ichidiki chong meschitning imamining oghli؛ yasinjan bolsa, korla charbagh türmisidiki bir saqchi xadimining inisi. Mezkur sékrétarning bayan qilishiche, yasinjan memet gerche, xitayning buyruqigha boysunup, misirdin qaytip kelgen bolsimu, u qamaqxanigha solinishtin xaliy bolalmighan. Uning türmidiki bixeterlikige türme saqchisi akisimu kapaletlik qilalmighan. Melum bolushiche, yasinjan türmide ölüp kétishning aldi-keynide uning akisi xizmettin toxtitilghan.

Biz yasinjanning akisining ehwalini éniqlash üchün charbagh saqchixanisigha téléfon qilduq. Saqchi xadimi, korlada yéqinqi mezgillerde ishtin toxtitilghan saqchilarning köp ikenlikini éytti, emma yasinjanning akisining kimlikidin xewersizlikini bayan qildi.

Xitay da'iriliri bu yilning béshida chet'elde oquwatqan uyghur oqughuchilarni qayturup ekétish heqqide uqturush chüshürgen we diplomatik qanallirini ishqa sélip bezi döletlerdiki, bolupmu misirdiki uyghur oqughuchilarni qayturup eketken idi؛ ularning hemmisining dégüdek qamaqxana we türmilerde ikenliki melum bolsimu, hayati bixeterliki we alghan jazaliri heqqide melumat yoq idi.

Toluq bet