Хотәндә пидаийлар аманлиқ мудири имин мәмтиминни елип қачқан

Мухбиримиз шөһрәт һошур
2015.03.23
xoten-maniwer-xitay-saqchi.jpg Хитай қораллиқ күчлири террорлуққа қарши туруш маневири өткүзди. 2014-Йили 6-июн, хотән.
AFP

Аңлиғучилиримиздин бири алдинқи күни радиомизға учур йоллап, хотәндә 4 нәпәр пидаийниң бир сақчи хадимини елип қачқанлиқи һәққидә мәлумат бәрди.

Иҗтимаий таратқулардиму бүгүн, хотәнниң бағчи базири садиқават кәнтидә имин исимлик бир сақчиниң пидаийлар тәрипидин елип қечилғанлиқи вә бу сәвәбтин хотәндә кәң көләмлик ахтуруш елип бериливатқанлиқи һәққидә учур тарқалди. Мухбиримизниң ениқлашлири давамида елип қичилған кишиниң садиқават кәнтиниң аманлиқ мудири имин мәмтимин икәнлики, униң 2010-2012 йиллири ярдәмчи сақчи болуп актип вәзипә өтигәнлики ашкариланди.

Мәлум болушичә, мушу айниң 9-күни сәһәр саәт 2 мәзгилидә, йүзигә қара маска тақиған 4 нәпәр пидаий аманлиқ мудири имин мәмтиминниң өйигә бесип кирип, уни өйидин елип чиқип кәткән; пидаийлар аманлиқ мудириниң аяли вә 3 балисиға чеқилмиған. 15 Күндин бери хотәндә кәң-көләмлик ахтуруш елип бериватқан хитай сақчилири, та бүгүнгә қәдәр ғайиб мудирниң из-дерики вә пидаийларниң кимлики һәққидә ениқ мәлуматқа еришәлмигән. Нөвәттә вилайәтлик сақчи башқармиси вә наһийилик сақчи идариси тәрипидин әвәтилгән икки разведка гурупписи садиқаватта бу катта делони тәкшүрмәктә.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.