Кәнт секретари: кәнтимиздә еғизға алғудәк чоң иш йоқ, әмма һәр икки аилидин бир киши қамақта

Мухбиримиз шөһрәт һошур
2017-09-04
Елхәт
Пикир
Һәмбәһр
Принт
  • Принт
  • Һәмбәһр
  • Пикир
  • Елхәт
Уйғур елидики хитай қораллиқ күчлириниң уйғур қаршилашқучиларни тутқун қиливатқан көрүнүши.
Уйғур елидики хитай қораллиқ күчлириниң уйғур қаршилашқучиларни тутқун қиливатқан көрүнүши.
Social Media

Уйғур районида 2014-йили июнда башланған қаттиқ зәрбә бериш һәрикитидин кейинки кәң-көләмлик тутқунда, қанлиқ вәқә чиққан җайларда һәр 3 яки 4 аилигә бирдин мәһбус тоғра кәлгәнлики ашкариланған иди.

Уйғур районида қаттиқ зәрбә бериш намидики сиясий тутқун һәрикәтлири 10 нәччә йиллардин бери давам қиливатқан болсиму, бу зәрбиниң көлими вә салмиқида 2014-йили 22-май күни үрүмчидә йүз бәргән әтигәнлик базарға һуҗум қилиш вәқәсидин кейинки долқунда нәччә һәссә ешиш болди. Мәсилән ақсу айкөлниң пәйшәнбә базар кәнтидә һәр 3 аилидин бир киши тутулған болса, гума наһийисиниң көктерәк база төвән қумкөл кәнтидә һәр 4 аилидин бир киши тутқун болған.

Әң йеқинқи ениқлишимиз давамида бу хил кәң көләмлик тутқунниң һечқандақ вәқә чиқмиған йеза-базар вә кәнтләрдиму йүз бәргәнлики ашкариланди. Мана булардин бири хотән шәһәр ичигә қарашлиқ шорбағ йезисиниң газон кәнти. Газон кәнтидә 2219 нопус, 419 аилә бар болуп булардин нөвәттә нөвәттә 149 киши түрмидә, 56 киши қамақта ятмақта.

Мәлум болушичә, бу йезида йеқинқи 10 нәччә йил ичидә бирәр қетимму қаршилиқ һәрикәтлири йүз бәргән әмәс. Шундақтиму қанунсиз диний паалийәт билән шуғуллиниш билән әйиблинип, бәзи аилиләрдин 4-5 киши, бәзи аилиләрдин әр-аял тутқун қилинған. Бу кәнттин йеқинқи 3 йил ичидә кесилгән 149 кишиниң юқириси 17 йиллиқ, төвини 3 йиллиқ түрмигә ташланған. Нөвәттә йәнә 56 киши, тәрбийиләш мәркизи намидики шәкли өзгәргән қамақханида тәлим алмақта. Буларниң қачан қоюп берилидиғанлиқи һазирчә мәлум әмәс.

Асаслиқи «қанунсиз диний паалийәт» билән шуғулланди, дәп әйибләнгән бу кишиләрниң көп қисминиң 2015- вә 2016-йиллири тарави намизиға қатнашқанлар икәнлики мәлум.

Пикирләр (0)
  • Принт
  • Һәмбәһр
  • Елхәт
Толуқ бәт