Uyghur balilarning yoqap kétish hadisiliri éghirlimaqta

Ündidar, ch ch,we mikrobiloglarda Uyghur balilirining yoqap ketkenlikige a'it yardem telepliri,adem izdesh uchurliri yéqinqi künlerde téximu köpeydi. Közetküchiler mektepker yazliq tetilge qoyup bérilgen mezgillerde balilarning yoqap kétish nisbitining yuqiri küötürilidighanliqini bildürmekte.

Köpünche hallarda balilarning yütüp kétishi,ata - anilarning bixesteliki, bolupmu yéshi kéchik, emdila balaghetke yetken ösmürlerning éziqturush yaki zorawanliqqa nisbeten qoghdinish éngi bolmighanliqtin mejburiy yaki ixtiyari halda yaman niyetlik kishiler teripidin aldap kétilishi yüz béridiken. Shunga ata - ana bolghuchilar perzent terbiyiside bu tuqtighimu alahide diqqet qilishi zörür iken. Muxbirimiz gülchéhrening bu heqte teyyarlighan uchurliri “Qandaq qilghanda balilarning yoqap kétishining aldini alghili bolidu?” dep oyliniwatqan Uyghur ata - aniliri we anglighuchilirimiz üchün, az tola bolsimu yardimi bolsa ejep emes.

Yéqinqi yillarda sebiylerning yoqap kétishi Uyghur élide köp yüz béridighan paji'elerning biri bolup qaldi shundaqla yütken balilarning tépilish nisbitining töwen bolishi jem'iyette téximu endishe qozghaydighan bir éghir mesile. Balisi yoqap ketken ata - anilarning we bashqa qérindashlirining qanchilik azabliniwatqanliqini hemme adem tesewwur qilalishi mumkin.

Nurghun ata - anilar bala yoqap kétidighan ish hergizmu bizning béshimizgha kelmeydu dep oylaydu, halbuki közetküchilerning tarqatqan bezi menbeliride körsitishiche xitayda yilda 200ming etrapida balilar yoqap kétidighan bolup, bu yoqap ketken balilarning tépilish nisbiti 0.1% Kimu yetmeydiken, sélishturghanda, amérikida yütken balilarning tépilish nisbiti 97.6%Ke yétidighan bolup, buningdin xitayda balilarning yütüp kétishining aldini élishta, qanun jem'iyet, we mektep hemde a'ile terbiyisidimu zor yochuq barliqini, balilargha köngül bölüshning hemde adem etkestchilirige zerbe bérishning yéterlik emeslikini körüwalghili bolidu.

Uyghur balilirining yoqap kétish ehwalining yéqindin buyan néme üchün köp körüliwatqanliqi heqqide, shinjang adem izdesh torining qurghuchisi nur élini ziyaret qilghinimizda umu oxshashla bu nuqtigha diqqet qiliwatqanliqini bolupmu balilar tetilge qoyup bérilgendin buyan ündidar, ch ch,we mikrobiloglarda Uyghur balilirining yoqap ketkenlikige a'it yardem telepliri barghanséri köpiyip kétiwatqanliqini éytti.

Zadi qandaq qilghanda balilarning yoqap kétishining aldini alghili bolidu? bu Uyghurlar jiddiy shundaqla ortaq köngül boliwatqan nuqtining biri, bu heqte izdiniwatqan nur'eli özi toplighan matériyallargha asasen qandaq qilghanda balilarning yaman niyetlik kishiler teripidin aldinip kétishi yaki yütüp kétishining aldini élish, Uyghur a'ililiri uchrawatqan bu xil bextsizlikini eng töwen derijige chüshürüsh üchün barliq ata - ana we jem'iyetning ortaq heriket qilishi zörür ikenlikini otturigha qoydi. Shundaqla balilarning aman - isenliki, a'ililerning bext - sa'aditi üchün töwendikidek ishlargha diqqet qilishi we balilargha özini qoghdash terbiyisi élip bérishi kéreklikini tewsiye qildi :

Nur eli yütken balilarni qayturup kélish üchün oxshash qismetke uchrighan ata - anilarning kishilerning bir arigha kélip, hökümetning jiddiy tedbir élishini, qanuniy yollar arqiliq telep qilishning zörürlükini buning üchün birlikte öz ara hemkarliship heriket qilishi kérekliki, paydilan'ghili bolidighanla chare - tedbirlerdin waz kechmesliki kéreklikini eskertti.