Xotende gumpa meshiq qilghan uyghur yash 20 yilliq késilgen

Muxbirimiz shöhret hoshur
2017-09-12
Élxet
Pikir
Hembehr
Print
  • Print
  • Hembehr
  • Pikir
  • Élxet
«Térrorchilar» ni tutushta töhpe qoshqanlarni mukapatlash yighinida amanliqni qoghdawatqan qoralliq küchler. 2014-Yili 3-Awghust, xoten.
«Térrorchilar» ni tutushta töhpe qoshqanlarni mukapatlash yighinida amanliqni qoghdawatqan qoralliq küchler. 2014-Yili 3-Awghust, xoten.
AFP

Yéqinda muhajirettiki anglighuchilirimizdin biri radiomizgha uchur yollap, xotenning ilchi we mekitning shéhitdöng yézisida gumpa öginiwatqan bir türküm tenterbiye heweskarlirining térrorluqini meshiq qilish gumani bilen tutulghanliqi we bir qismining késilgenlikini melum qildi.

Muxbirimizning bu yip uchigha asasen éniqlashliri dawamida, xotenning ilchi yéza ara mehelle kentidiki 21 yashliq ablimit metyasinning gumpa ögengen qilmishi seweblik 20 yilliq késilgenliki, uning anisi hajinisa memtiminning bolsa nöwette terbiyilesh merkizide ikenliki ashkarilandi.

Radiomizgha kelgen inkasta xoten we qeshqerde bir türküm yashlarning öyidin boks peliyi tépilghanliqi üchün tutulghan we késilgenliki yézilghan. Biz awwal mekitning shéhitdöng yézisigha téléfon qilip, bu xil ehwalning bar-Yoqluqi heqqide melumat soriduq. Téléfonimizni alghan saqchi xadimi, özining xizmet ornigha yéngiliqini eskertip, bu xil ehwaldin xewersizlikini éytti.

Inkasta yene gumpa ögengenliki üchün tutulghan yashlarning eslide tenterbiye heweskarliri ikenliki, emma dairilerning ularni «térrorluq gumani» bilen tutqanliqi yézilghan.

Xotenning ilchi yéza ara mehelle kent sékrétari öz kentidin tutulup késilgenler ichide, 21 yashliq ablimit metyasinning, gumpa ögengenliki üchün tutulghanliqi we 20 yilliq késilgenlikini ashkarilidi.

Radiomizgha kelgen mezkur inkasta, uyghur rayonida nöwette öyidin qum xaltisi tépilghan, özi tenterbiye saheside xizmet qilmighan turuqluq, tenterbiye kiyimi kiyiwalghan we seher turup chéniqqan kishilerningmu tutqun qiliniwatqanliqi yézilghan.

Yuqiriqi kent sékrétari, gumpa ögengenliki üchün késilgen ablimit metyasinning yalghuz emeslikini, uning qeshqer peyziwatta shérikliri barliqini éytti.

Uning bayan qilishiche yene, saqchilar uninggha ablimit metyasinni peqet tutup bérishke hemkarlishishqa chaqirghan, emma délosining tepsilatidin melumat bermigen.

Biz bu heqte peyziwattiki bir saqchixanidinmu melumat soriduq.

Ilchi aramehelle sékrétari, dairilerning gumpa ögengen tenterbiye heweskari ablimit metyasinnila emes, uning anisi hajinisa memtiminnimu bosh qoymighanliqini bildürdi.

Melum bolushiche, hajinisa memtimin «oghlini yaxshi terbiyilimeslik», «gumpa öginiwatqanliqini hökümetke waqtida melum qilmasliq» qatarliq atalmish gunahlar bilen tutqun qilghan. Bu yil 44 yashliq hajinisa memtimin nöwette xoten sheherlik yépiq terbiye merkizide terbiyilenmekte.

Toluq bet