ﻳﺎﭘﻮﻧﯩﻴﻪ ﺑﺎﺵ ﻣﯩﻨﯩﺴﺘﯩﺮﻯ ﻣﯩﻜﻮﯓ ﺭﺍﻳﻮﻧﯩﻐﺎ 5 ﻣﯩﻠﻴﺎﺭﺩﺍ 600 ﻣﯩﻠﻴﻮﻥ ﺋﺎﻣﯧﺮﯨﻜﺎ ﺩﻭﻟﻠﯩﺮﻯ ﻳﺎﺭﺩﻩﻡ ﺑﻪﺭﻣﻪﻛﭽﻰ
2009-11-07
ﺑﯩﺮﻟﻪﺷﻤﻪ ﺋﺎﮔﯧﻨﺘﻠﯩﻘﯩﻨﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﻳﺎﭘﻮﻧﯩﻴﻪ ﺑﺎﺵ ﻣﯩﻨﯩﺴﺘﯩﺮﻯ ﻳﯘﻛﯩﺌﻮ ﺧﺎﺗﻮﻳﺎﻣﺎ ﻣﯩﻜﻮﯓ ﺩﻩﺭﻳﺎﺳﻰ ﺭﺍﻳﻮﻧﯩﺪﯨﻜﻰ ﯞﯦﺘﻨﺎﻡ، ﺗﺎﻳﻼﻧﺪ، ﻻﯞﯗﺱ، ﻛﺎﻣﺒﻮﺩﯨﻴﻪ، ﺑﯧﺮﻣﺎ ﺩﯙﻟﻪﺕ ﺑﺎﺷﻠﯩﻘﯩﻠﯩﺮﻯ ﺑﯩﻠﻪﻥ، ﺧﯩﺘﺎﻳﻨﯩﯔ ﺑﯘ ﺭﺍﻳﻮﻧﺪﯨﻜﻰ ﻛﯜﻧﺴﯧﺮﻯ ﺋﯚﺳﯜﯞﺍﺗﻘﺎﻥ ﺗﻪﺳﯩﺮﯨﻨﻰ، ﺷﯘﻧﺪﺍﻗﻼ ﺋﺎﻣﯧﺮﯨﻜﯩﻨﯩﯔ ﺑﯘ ﺭﺍﻳﻮﻧﺪﯨﻜﻰ ﻣﻪﻧﭙﻪﺋﻪﺗﻠﯩﺮﯨﻨﻰ ﺋﯚﺯ ﺋﯩﭽﯩﮕﻪ ﺋﺎﻟﻐﺎﻥ 'ﺧﻪﻟﻘﺌﺎﺭﺍ ﯞﻩﺯﯨﻴﻪﺕ'ﻧﻰ ﺋﯚﺯﮔﻪﺭﺗﯩﺶ ﻫﻪﻗﻘﯩﺪﻩ ﺋﯩﻜﻜﻰ ﻛﯜﻥ ﺳﯚﻫﺒﻪﺗﻠﻪﺷﻜﻪﻧﺪﯨﻦ ﻛﯧﻴﯩﻦ، ﻣﯧﻜﻮﯓ ﺭﺍﻳﻮﻧﯩﻐﺎ 5 ﻣﯩﻠﻴﺎﺭﺩﺍ 600 ﻣﯩﻠﻴﻮﻥ ﺋﺎﻣﯧﺮﯨﻜﺎ ﺩﻭﻟﻠﯩﺮﻯ ﻳﺎﺭﺩﻩﻡ ﺑﯧﺮﯨﺸﻜﻪ ﯞﻩﺩﻩ ﺑﻪﺭﺩﻯ.
ﺋﺎﻣﯧﺮﯨﻜﺎ ﺩﺍﻻﻱ ﻻﻣﺎﻧﯩﯔ ﺋﺎﺭﯗﻧﺎﭼﺎﻟﻨﻰ ﺯﯨﻴﺎﺭﻩﺕ ﻗﯩﻠﯩﺸﯩﻨﻰ ﻗﻮﻟﻠﯩﺪﻯ
2009-11-07
ﻓﺮﺍﻧﺴﯩﻴﻪ ﺋﺎﮔﯧﻨﺘﻠﯩﻘﯩﻨﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺧﯩﺘﺎﻱ ﻫﺎﺯﯨﺮ ﺩﺍﻻﻱ ﻻﻣﺎﻧﯩﯔ ﻫﯩﻨﺪﯨﺴﺘﺎﻧﻨﯩﯔ ﺋﺎﺭﯗﻧﺎﭼﺎﻝ ﺷﯩﺘﺎﺗﯩﻨﻰ ﺯﯨﻴﺎﺭﻩﺕ ﻗﯩﻠﯩﺸﻐﺎ ﻗﺎﺗﺘﯩﻖ ﻗﺎﺭﺷﻰ ﺗﯘﺭﯗﯞﺍﺗﻘﺎﻧﺪﺍ، ﺋﺎﻣﯧﺮﯨﻜﺎ ﺩﺍﻻﻱ ﻻﻣﺎﻧﯩﯔ ﺋﺎﺭﯗﻧﺎﭼﺎﻟﻨﻰ ﺯﯨﻴﺎﺭﻩﺕ ﻗﯩﻠﯩﺸﯩﻨﻰ ﻗﻮﻟﻠﯩﺪﻯ.
'ﺧﯩﺘﺎﻳﻨﯩﯔ ﺋﯚﺯ ﺧﻪﻟﻘﯩﻐﻪ ﺳﺎﻟﻐﺎﻥ ﺳﯩﻢ ﺗﻮﺳﺎﻗﻠﯩﺮﻯ ﺑﯧﺖ -ﭼﯩﺖ ﺑﻮﻟﯘﺩﯨﻐﺎﻧﻐﯩﻤﯘ ﺋﯘﺯﯗﻥ ﻗﺎﻟﻤﯩﺪﻯ'
2009-11-07
ﺧﯩﺘﺎﻳﻐﺎ ﻧﻪﺯﻩﺭ ﺗﻮﺭ ﮔﯧﺰﯨﺘﯩﺪﻩ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﭘﯜﺗﯜﻥ ﺩﯗﻧﻴﺎ ﻫﺎﺯﯨﺮ 1989 - ﻳﯩﻠﻰ 11 - ﺋﺎﻳﻨﯩﯔ 9 - ﻛﯜﻧﻰ ﺑﯧﺮﻟﯩﻦ ﺗﯧﻤﻰ ﺋﯚﺭﯛﻟﯜﭖ، ﻳﺎﯞﺭﻭﭘﺎﺩﺍ ﻛﻮﻣﻤﯘﻧﯩﺰﻡ ﺗﯜﺯﯛﻣﻰ ﮔﯘﻣﺮﺍﻥ ﺑﻮﻟﻐﺎﻧﻠﯩﻘﯩﻨﯩﯔ 20 ﻳﯩﻠﻠﯩﻘﯩﻨﻰ ﺗﻪﺑﺮﯨﻜﻠﻪﺵ ﺋﺎﻟﺪﯨﺪﺍ ﺗﯘﺭﯗﯞﺍﺗﻘﺎﻧﺪﺍ، ﮔﯧﺮﻣﺎﻧﯩﻴﻪ ﺑﺎﺵ ﻣﯩﻨﯩﺴﺘﯩﺮﻯ ﺋﺎﻧﮕﯩﻼ ﻣﯧﺮﻛﯩﻞ ﺧﺎﻧﯩﻢ ﺗﯜﻧﯜﮔﯜﻥ ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﯩﺪﻩ ﺳﯚﺯﻟﯩﮕﻪﻥ ﻧﯘﺗﻘﯩﺪﺍ، ﺋﺎﻣﯧﺮﯨﻜﯩﻨﯩﯔ ﺋﯩﻜﻜﻰ ﮔﯧﺮﻣﺎﻧﯩﻴﯩﻨﯩﯔ ﺑﯩﺮﻟﯩﻜﻜﻪ ﻛﯧﻠﯩﺸﻰ ﺋﯜﭼﯜﻥ ﻗﯩﻠﻐﺎﻥ ﻳﺎﺭﯨﺪﻩﻣﻠﯩﺮﯨﮕﻪ ﺗﻪﺷﻪﻛﻜﯜﺭ ﺋﯧﻴﺘﺘﻰ ﯞﻩ 'ﺑﯧﺮﻟﯩﻨﺪﯨﻦ ﭼﯩﻘﻘﺎﻥ ﺋﻪﺭﻛﯩﻨﻠﯩﻚ ﺳﺎﺩﺍﺳﻰ، ﺧﯘﺩﺩﯨﻦ ﺋﺎﻣﯧﺮﯨﻜﯩﻨﯩﯔ ﻓﯧﺪﻭﻟﻔﯩﻴﻪ ﺷﻪﻫﺮﯨﺪﯨﻦ ﭼﯩﻘﻘﺎﻥ ﺋﻪﺭﻛﯩﻨﻠﯩﻚ ﺳﺎﺩﺍﺳﯩﻐﺎ ﺋﻮﺧﺸﺎﺷﻼ، ﻗﻮﻟﯩﻘﯩﻤﯩﺰﻏﺎ 'ﺋﻪﺭﻛﯩﻨﻠﯩﻚ ﺋﺎﺳﻤﺎﻧﺪﯨﻦ ﺋﯚﺯﻯ ﭼﯜﺷﯜﭖ ﻗﺎﻟﻤﯩﻐﺎﻥ، ﻛﯚﺭﻩﺷﻠﻪﺭ ﺋﺎﺭﻗﯩﻠﯩﻖ ﻗﻮﻟﻐﺎ ﻛﻪﻟﮕﻪﻥ، ﺋﯘﻧﻰ ﻗﻪﺩﯨﺮﻟﻪﺵ ﻛﯧﺮﻩﻙ' ﺩﻩﭖ ﺳﯧﮕﻨﺎﻝ ﺑﯧﺮﯨﭗ ﺗﯘﺭﯨﯟﺍﺗﯩﺪﯗ، ﺩﯦﺪﻯ.
ﺋﺎﻗﺴﺎﺭﺍﻱ: ﺑﯜﮔﯜﻥ ﺋﺎﻣﯧﺮﯨﻜﯩﻨﯩﯔ ﺋﯩﻜﻜﻰ ﻗﯩﺮﻏﺎﻕ ﺳﯩﻴﺎﺳﯩﺘﯩﺪﻩ ﺋﯚﺯﮔﯜﺭﯛﺵ ﺑﻮﻟﻤﺎﻳﺪﯗ، ﺩﻩﭖ ﺟﺎﻛﺎﺭﻟﯩﺪﻯ
2009-11-07
ﺏ ﺏ ﺱ ﻧﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺋﺎﻣﯧﺮﯨﻜﺎ ﺑﯩﺨﻪﺗﻪﺭﻟﯩﻚ ﻛﻮﻣﯩﯩﺘﯧﺘﯩﻨﯩﯔ ﺋﺎﺳﯩﻴﺎ ﺋﯩﺸﻠﯩﺮﻯ ﻣﯘﺩﯨﺮﻯ، ﭘﺮﯦﺰﯨﺪﯦﻨﺖ ﺋﻮﺑﺎﻣﺎﻧﯩﯔ ﭘﻪﯞﻗﯘﻟﺌﺎﺩﺩﻩ ﻳﺎﺭﺩﻩﻣﭽﯩﺴﻰ ﺑﺎﺭﺩ ﺑﯜﮔﯜﻥ ﺋﺎﻕ ﺳﺎﺭﺍﻳﺪﺍ، ﺋﺎﻣﯧﺮﯨﻜﯩﻨﯩﯔ ﺋﯩﻜﻜﻰ ﻗﯩﺮﻏﺎﻕ ﺳﯩﻴﺎﺳﯩﺘﯩﺪﻩ ﺋﯚﺯﮔﯜﺭﯛﺵ ﺑﻮﻟﻤﺎﻳﺪﯗ، ﺩﻩﭖ ﺟﺎﻛﺎﺭﻟﯩﺪﻯ.
ﯞﯦﻦ ﺟﺎﺑﺎﯞ ﻗﺎﻫﯩﺮﯨﺪﻩ ﺋﯘﻳﻐﯘﺭ ﻣﻪﺳﯩﻠﯩﺴﯩﺪﻩ ﺗﻪﻧﻘﯩﺘﻜﻪ ﺋﯘﭼﺮﺍﺷﺘﯩﻦ ﺋﯚﺯﯨﻨﻰ ﻗﺎﭼﯘﺭﺩﻯ
2009-11-07
ﻓﺮﺍﻧﺴﯩﻴﻪ ﺋﺎﮔﯧﻨﺘﻠﯩﻘﯩﻨﯩﯔ ﻗﺎﻫﯩﺮﻩﺩﯨﻦ ﺧﻪﯞﻩﺭ ﻗﯩﻠﯩﺸﯩﭽﻪ، ﺧﯩﺘﺎﻳﻨﯩﯔ ﺑﺎﺵ ﻣﯩﻨﯩﺴﯩﺘﯩﺮﻯ ﯞﯦﻦ ﺟﺎﺑﺎﯞ ﺑﯜﮔﯜﻥ ﻣﯩﺴﯩﺮ ﭘﺮﯦﺰﯨﺪﯦﻨﺘﻰ ﻫﻮﺳﻨﻰ ﻣﯘﺑﺎﺭﻩﻙ ﯞﻩ ﺑﺎﺵ ﻣﯩﻨﯩﺴﯩﺘﯩﺮﻯ ﺋﻪﺧﻤﻪﺩ ﻧﺎﺯﯨﻔﻼﺭ ﺑﯩﻠﻪﻥ ﺑﯩﺮﻧﻪﭼﭽﻪ ﺧﯩﻞ ﺋﯩﻘﺘﯩﺴﺎﺩﯨﻲ ﻛﯧﻠﯩﺸﯩﻢ ﺋﯩﻤﺰﺍﻟﯩﺪﻯ.
ﺋﯘﻳﻐﯘﺭ ﺭﻩﻫﺒﯩﺮﻯ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ ﭘﺎﻻﯞﺩﯨﻜﻰ ﺋﯘﻳﻐﯘﺭﻻﺭﻧﻰ ﺯﯨﻴﺎﺭﻩﺕ ﻗﯩﻠﻤﺎﻗﭽﻰ
2009-11-06
ﺋﯘﻳﻐﯘﺭ ﺭﻩﻫﺒﯩﺮﻯ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ ﻛﯧﻠﻪﺭ ﻫﻪﭘﺘﻪ ﭘﺎﻻﯞﻏﺎ ﺑﯧﺮﯨﭗ، ﮔﯜﻩﻧﺘﺎﻧﺎﻣﻮﺩﯨﻦ ﻗﻮﻳﯘﭖ ﺑﯧﺮﯨﻠﮕﻪﻥ 6 ﺋﯘﻳﻐﯘﺭﻧﻰ ﺯﯨﻴﺎﺭﻩﺕ ﻗﯩﻠﯩﺪﯗ. ﻓﺮﺍﻧﺴﯩﻴﻪ ﺋﺎﮔﯧﻨﺘﻠﯩﻘﯩﻨﯩﯔ ﺧﻪﯞﻩﺭ ﻗﯩﻠﯩﺸﯩﭽﻪ، ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ ﭘﺎﻻﯞﻏﺎ ﮔﯜﻩﻧﺘﺎﻧﺎﻣﻮ ﺗﯜﺭﻣﯩﺴﯩﺪﯨﻦ ﮔﯘﻧﺎﻫﺴﯩﺰﻟﯩﻘﻰ ﺋﯩﺴﭙﺎﺗﻼﻧﻐﺎﻧﺪﯨﻦ ﻛﯧﻴﯩﻦ ﻗﻮﻳﯘﭖ ﺑﯧﺮﯨﻠﮕﻪﻥ 6 ﻧﻪﭘﻪﺭ ﺋﯘﻳﻐﯘﺭﻏﺎ ﺭﻭﻫﯩﻲ ﺟﻪﻫﻪﺗﺘﯩﻦ ﻣﻪﺩﻩﺕ ﺑﯧﺮﯨﺶ، ﺋﯘﻻﺭﺩﯨﻦ ﻫﺎﻝ ﺳﻮﺭﺍﺵ ﺋﯜﭼﯜﻥ ﺑﺎﺭﯨﺪﯗ.
